Complementarias

O día 8 de marzo o alumnado da quenda de noite celebraron o día da muller. Primeiro houbo unha presentación na que se explicaba por qué se escolleu o día 8 de marzo para conmemorar as mulleres traballadoras. A continuación dramatizouse unha escena da vida matrimonial de Einstein e a súa muller,  Mileva Maric, unha grande investigadora á altura do seu home pero que foi eclipsada por el e tivo que renunciar á investigación. Fíxose a lectura da carta que o científico lle fixo asinar á súa muller e na que demostraba a falta de respecto por ela.

Logo proxectouse un vídeo de mulleres ao longo da historia. Posteriormente tres alumnas cantaron unha bonita canción titulada "Brillo de mujer" de Iván Ricardi e fixérono moi ben. Para rematar cantamos todos a canción "Canción sin miedo".

O acto foi moi emotivo polo tema e porque todos participaron con ilusión.

O alumnado dos cursos de iniciación, intermedio e avanzado de francés da EPA de Ourense, asistiron o pasado xoves 29 de febreiro á representación da obra de teatro “LES TROIS MOUSQUETAIRES”, adaptación e representación da compañía BHM Producciones, basada na novela de Alejandro Dumas.

Ao final da representación os actores mantiveron un pequeno coloquio hispano-francés co público.

Esta tarde o alumnado de Bacharelato contou coa visita do teacher trainer Damien Sheeby para levar a cabo dúas clases culturais. 

O alumnado de 1º de Bacharelato coñeceu de primeira man tradicións e curiosidades do Reino Unido co “A trip to the UK”, mentres que o alumnado de 2º de Bacharelato investigou sobre as pegadas da cultura irlandesa nos EE.UU.

O venres pasado, o alumnado da ESA da quenda de noite acompañado dos seus profesores Rosa M., Alfredo e Rosa C. visitaron a exposición "Ourense. Anos 20" no centro municipal José Ángel Valente. Organizada polo Museo Arqueolóxico Provincial de Ourense nela preténdese dar a coñecer a realidade sociocultural da nosa provincia durante a década de 1920 a través dunha serie de 40 fotografías da época.

Na exposición recóllense instantáneas de feitos históricos como a visita de Primo de Rivera e dos reis  á  cidade, imaxes rurais, etnográficas, etc. A visita planificouse de xeito interdisciplinar. O profesorado acompañante fixo unha introdución sobre a época dos anos 20 e tamén sobre a historia dos autores das fotografías, os fotógrafos  Pacheco, Villar e Schreck, despois o alumnado tivo que resolver, mentres observaba as imaxes e atendía ás explicacións dos docentes, un cuestionario de preguntas de historia e da vida cotiá reflectidas nas fotografias. Incluso se lles plantexou un xogo de atención a xeito de concurso cuxos acertantes entrarán nun concurso que se efectuará no Centro e cuxo gañador/a levará un obsequio.  

O alumnado disfrutou moito da visita e puxo un enorme interese facendo numerosas preguntas e observando detidamente cada imaxe.

Foi unha proposta educativa fóra das aulas moi motivadora.

O alumnado de 4º B (César, Antonella, Lena, Daniel, Ignacio, Eduardo, Jonathan e Selenia) elaborou no 2º cuadrimestre un xornal, que titularon EPAPU al día, na asignatura de Lingua Castelá e Literatura. Mediante este proxecto, traballouse na clase diferentes aspectos da comprensión e expresión escrita, así como os xéneros periodísticos e a literatura do século XX. Durante o proceso, mostraron a súa creatividade, compañeirismo e traballo diario, que deu como resultado un xornal diferente e divertido. Convidámosvos a lelo!