Skip to Content

Aspectos organizativos do curso 21-22

Mar, 14/09/2021 - 12:23

Adaptación ao contexto da covid-19

A continuación presentámoslles uns documentos moi breves  que resumen as normas que debemos seguir todos, tanto persoal docente e non docente como alumnado e familias. Pregámoslles que os lean con atención e sexan escrupulosos no seu cumprimento. Por parte do centro, poden contar co noso máximo esforzo e implicación na súa aplicación. Ante calquera dúbida, póñanse en contacto co centro.

Normas para o alumnado

Medidas adoptadas polo centro

Normas que deben adoptar as familias

Organización de espazos e recreos

Nos planos que seguen poden consultar a distribución de espazos, situación das aulas dos diversos grupos e os sentidos de circulación no centro, durante o curso académico 2020-21, resultado da adaptación ao protocolo da Consellería de Educación ante a covid-19:

Así mesmo, informamos de que para garantir o mantemento das distancias de seguridade nos tempos de lecer temos establecidas dúas quendas de recreo e cada nivel ten asignada unha zona do recinto escolar, como poden ver neste documento.

Transporte escolar

Mar, 14/09/2021 - 09:28

Xa están publicadas no taboleiro do centro as listaxes de alumn@s admitidos no transporte escolar, así coma o número da ruta correspondente e a plaza asignada.

O funcionamento do Transporte Escolar comezará o mércores día 15 de setembro en horario habitual.

Inicio de curso

Lun, 13/09/2021 - 20:19

Debido á necesidade de manter a distancia de seguridade, que limita o aforo do salón de actos, onde teñen lugar as presentacións dos grupos, o inicio de curso terá o seguinte calendario:

 

MÉRCORES 15

Presentación de 1º, 2º e 3º ESO.

O alumado permanecerá no centro no horario ordinario, de 08:30 a 14:10.

Haberá servizo de autobús escolar no horario habitual.

O xoves e o venres este alumnado de 1º, 2º e 3º ESO terá o seu horario normal.

 

XOVES 16

Presentacións de 4º ESO, 1º e 2º BACHARELATO.

Intercambio de estudantes de Galicia e Portugal

Mar, 31/08/2021 - 13:32

O Campus de Lugo da USC e a Universidade de Porto promoven un intercambio de estudantes de secundaria de Galicia e Portugal no mes de setembro

A iniciativa é unha acción resultante do proxecto europeo Phereclos, no que participan XuvenCiencia e a facultade de ADE luguesa. O alumnado manterá conversas con responsables de empresas tecnolóxicas lusas

Un grupo de 35 alumnos de Bacharelato dos institutos Arcebispo Xelmírez II de Santiago, e N. Sra. dos Ollos Grandes e Lucus Augusti de Lugo  ultiman os preparativos para viaxar á cidade de Porto os días 2 e 3 de setembro, onde participarán en obradoiros formativos incluídos no proxecto europeo Phereclos baixo a supervisión de XuvenCiencia e a facultade de ADE do Campus de Lugo da USC e da Universidade de Porto. 

Calendario de setembro 2021

Lun, 19/07/2021 - 14:47

Calendario de setembro 2021:

  • Mércores 1 e xoves 2 de setembro: 

  • Venres 3:

    • 09:00 h.
      • Publicación das notas de 3º ESO, 4º ESO e 1º Bacharelato en Abalar. Entrega dos boletíns en oficina. O alumnado que dispón de AbalarMóbil non é preceptivo que veña recoller os boletíns.
      • Recollida de libros para o alumnado de 3º ESO e 4º ESO na aula de vídeo.
    • A partir das 09:00 h.  Matrícula do alumnado que cursou 3º ESO, 4º ESO e 1º de Bacharelato neste curso 2020/21.
    • 12:00-13:30 h Revisión de exames. O profesorado estará dispoñible para aclarar dúbidas sobre as cualificacións e para o alumnado que solicite revisar exames.

  • Luns 6:

    • 09:00 h.
      • Publicación das notas de 1º ESO e 2º ESO en Abalar. Entrega dos boletíns en oficina.

Fondo solidario de libros de texto

Ven, 09/07/2021 - 13:51

Publicada a Listaxe Provisional de admitidos e excluídos. 

   Tal como indica a Orde do 6 de maio de 2021 pola que se regula a  participación no fondo solidario de libros de texto, esta listaxe publicarase única e exclusivamente no taboleiro de anuncios no interior do edificio. 

   Así mesmo, as persoas solicitantes poderán acceder por vía electrónica, a través da aplicación fondolibros, empregando a Chave 365 ou certificado dixital.

Calendario de exames de setembro

Xov, 08/07/2021 - 12:26

Xúntase calendario de exames de setembro.

Libros de texto 2021-22

Mér, 30/06/2021 - 14:19

Xúntase relación de libros de texto para o vindeiro curso 2021-22.

Curso 2020-2021: Calendario final de curso

Lun, 07/06/2021 - 14:37

Achegamos no ficheiro adxunto o calendario de fin de curso 2020-21, onde se concretan as datas de avaliacións, reclamacións e as datas preferentes de matrícula para os distintos niveis

O IES Xelmírez II de Santiago salienta a diversidade e os retos do covid no seu 175 aniversario

Sáb, 05/06/2021 - 11:10

Y PR

SANTIAGO / LA VOZ

175 aniversario

PACO RODRÍGUEZ

Comparte a efeméride co Xelmírez I, pois eran o mesmo centro ata 1985

05 xun 2021 .

Actualizado ás 05:00 h.

Curso 2021-2022: Matrícula

Xov, 03/06/2021 - 17:01

Quen ten que matricularse?

Todo o alumnado promocionado de curso:

  • alumnado previamente matriculado no IES Arcebispo Xelmírez II
  • alumando con reserva de praza
  • alumnado con praza obtida no proceso de admisión

 

Calendario exames extraordinarios 2º de Bacharelato

Lun, 31/05/2021 - 09:07

No ficheiro que se xunta poden consultarse as datas dos exames da convocatoria extraordinaria para 2º de Bacharelato, que terán lugar o 21 e 22 de xuño.

Alumnos do Xelmírez II implícanse no estudo e limpeza do río que pasa xunto ao instituto.

Sáb, 22/05/2021 - 11:54

Voz natura

Raquel Vázquez

A iniciativa forma parte do programa Voz Natura, ao que se uniu o centro santiagués este curso

22  may 2021 . Actualizado ás 05:00  h.

Hai anos, o IES Xelmírez II sacaba partido da contorna natural que hai xunto ao centro. Este tipo de actividades desapareceran, pero este curso o centro santiagués recuperounas no marco de Voz Natura, programa ambiental escolar ao que incorporou este ano o instituto. Agora os alumnos de primeiro de ESO e segundo de bacharelato volveron a  reconectar coa natureza que os rodea, implicados no estudo e limpeza do río Corgo (que pasa xunto ás súas instalacións).

Convocatoria do fondo solidario de libros de texto e axudas para adquirir libros de texto e material escolar destinadas ao alumnado matriculado en educación primaria, ESO e educación especial para o curso escolar 2022/23

Ven, 21/05/2021 - 22:35

As familias poderán solicitar den de hoxe día 19 de maio ata o próximo día 22 de xuño as axudas para a adquisición de libros de texto e de vales para material escolar, e participar no Fondo Solidario de Libros de Texto. Achégase a Orde do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2022/23.

Presentación de solicitudes:

As solicitudes presentaranse preferiblemente por vía electrónica no formulario normalizado (ED330B-anexos I e II) dispoñible na aplicación fondolibros (https://www.edu.xunta.es/fondolibros), a través da sede electrónica da Xunta de Galicia, https://sede.xunta.gal

Opcionalmente, poderá presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.

Para a presentación electrónica de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e Chave365 (https://sede.xunta.gal/chave365).

O formulario de solicitude tamén estará dispoñible nos centros educativos e na sede electrónica da Xunta de Galicia, https://sede.xunta.gal

Admisión alumnado 2021/2022: Publicadas as listas definitivas de admitidos e non admitidos

14/05/2021 14:24

Están publicadas as listas definitivas de admitidos e non admitidos. Pódense consultar na aplicación admisionalumnado, e tamén están expostas no taboleiro do centro.

 

Distribuir contido


by Dr. Radut