Os alumnos do IES Xelmírez II presentan no Concello un Proxecto de Seguridade Viaria

Un grupo de alumnos do IES Xelmírez II visitou esta mañá o Pazo de Raxoi para presentar o Proxecto de Seguridade Viaria que realizaron ao longo dos dous últimos cursos, centrado no contorno do seu centro. Os rapaces, acompañados polos seus profesores, foron recibidos polos concelleiros de Medio Ambiente e Convivencia, Xan Duro, e de Educación e Cidadanía, Manuel Dios.

Os alumnos desenvolveron un proxecto educativo orientado á seguridade viaria, durante os cursos académicos 2013-2014 e 2014-2015. O estudo foi realizado dende o punto de vista dos peóns, e tiña como obxectivo consolidar comportamentos cívicos no espazo público, previr condutas de risco e identificar as deficiencias das vías públicas que son responsabilidade da Administración.

Principais problemas detectados no estudo 
No seu proxecto de seguridade viaria, os alumnos do IES Xelmírez II detectaron unha serie de problemas na contorna do seu centro. Así, en relación á rúa Irmandiños, os rapaces falan de que "está pouco urbanizada e co aspecto semellante ao dunha estrada secundaria, cando se trata dunha vía urbana con gran volume de tráfico". Tamén se queixan de problemas de visibilidade, mala sinalización e falta de beirarrúas no tramo de subida cara o mercado de Salgueiriños.

En canto á rúa San Caetano, o estudo elaborado polos estudantes fala de problemas co semáforo ubicado diante da ermida, do que din que "transcorre moito tempo entre que se preme o botón e se pon en verde, e non dá tempo suficiente a cruzar, xa que ten un tempo de apertura de 14 segundos para unha vía de catro carrís de circulación". Os alumnos tamén denuncian problemas para o cruce dos peóns na praza de España, onde conflúen numerosas rúas e hai unha alta densidade de tráfico.

Na avenida do Cruceiro da Coruña, o informe dos alumnos do Xelmírez II detectou problemas relacionados con beirarrúas moi estreitas ou inexistentes, problemas de visibilidade, tráfico moi intenso e excesos de velocidade, e pouco tempo de apertura dos semáforos. Por último, na avenida Rodríguez de Viguri e na rúa das Cancelas, os rapaces tamén consideran que faltan beirarrúas, son estreitas e non hai pasos de peóns suficientes.
O estudo foi elaborado polos alumnos do IES Xelmírez II Eva Carollo Brea, Jorge Forján Iglesias, Ailén Novais Suárez, David Pampín Villares e Sergio Rouco Quintáns.

Enlace á noticia na web do Concello

 

 

Conferencia de don Carlos Lema Devesa

Hoxe venres 9 de outubro comezamos coa actividades de celebración do 30 aniversario do Centro cunha conferencia do catedrático de Dereito Mercantil da Universidade Complutense de Madrid don Carlos Lema Devesa. 

O profesor Lema empezará falándonos sobre a historia do Centro e daranos despois unha conferencia sobre os enganos da publicidade, sobre o que é especialista. As actividades están enfocadas ao alumnado de 4º de ESO e 2º de Bacharelato.

Outra información: Noticia na prensa

Actualizados os datos de interese para este curso

Dentro do menú 'O centro' na parte dereita desta páxina, podedes atopar o apartado "Curso 2015-16", con diversa información de interese.

 

Presentación ós pais/nais

Día Cursos 

Hora

 Luns 21  1º e 3º ESO  18:00 
 Mércores 23  2º e 4º ESO  18:00 
 Xoves 24  1º e 2º Bach.  18:00 

Fondo solidario de libros 2º e 4º da ESO

O alumnado que solicitou libros do fondo de libros do centro xa pode pasar polas oficinas para recoller os libros asignados.

É necesaria a sinatura do pai/nai ou titor/a.

 

Presentación - Inicio de actividades lectivas

No seguinte enlace tedes o horario das presentacións.

Presentación curso 2015/2016

Axudas material escolar

No DOG do 1 de setembro publicaronse as axudas para material escolar.

O prazo para solicitala remata o 1 de outubro.

Xa podedes coller a solicitude na conserxería do centro ou cumprimentala no seguinte enlace:

Solicitude

Instrucións

 

 

Convocatoria bolsas do Ministerio de Educación para o curso 2015/2016 (prazo finalizado)

Xa están convocadas as bolsas do Ministerio de Educación para o curso 2015/2016. Nos seguintes enlaces tedes acceso as convocatorias.

 

- Bolsas para bacharelato (o prazo remata o 30 de setembro). A solicitude faise online e non fai falta entregar nada no instituto.

- Bolsas para alumnado con necesidades específicas de apoio educativo (o prazo remata o 30 de setembro). A solicitude faise online pero hai que imprimila e entregala cuberta no instituto.

 

 Importante: O alumnado de bacharelato beneficiario de bolsa terá que devolvela non seguintes casos (art. 41 da convocatoria):

- Que cause baixa durante o curso 2015/2016

- Que non asista a máis do 80% do horario lectivo

- Que non supere o 50% das materias nas que esté matriculado.

 

Contratación do servizo de xestión e explotación da cafetería

Documentación para a xestión e explotación do servicio de cafetería:

Publicación da contratación

- Condicións - Normativa

Instancia 

- Anexo I - Declaración responsable

- Anexo II - Proposición económica

- Anexo III - Lista de precios

Prazo de presentación de solicitudes do 13 de xullo ó 23 de xullo (ambos incluídos).

 

Fondo solidario de libros

- Listado provisional de solicitantes admitidos

- Listado provisional de solicitantes excluidos

- Libros existentes no fondo do centro

As cantidades de libros existentes no fondo do centro aumentará coa entrega dos libros polo alumnado que ten materias pendentes para setembro.

Distribuir contido