AVISOS FAMILIAS
ENQUISA SOBRE CONVIVENCIA ESCOLAR 2020-2021
A Consellería de Educación a través da Secretaría Xeral de Educación e Formación Profesional, está a realizar unha enquisa sobre a convivencia escolar entre todos os membros da comunidade educativa. A dirección encargarase de xerar as claves de acceso para todos os membros da comunidade educativa, de xeito totalmente aleatorio, garantindo así o anonimato dos participantes. Os destinatarios poden acceder ao cuestionario, coas claves aleatorias que se lles asinen, a través da aplicación convivenciaxestion nos seguintes links: |
|||||||
|
|
|
|||||
Con tal motivo enviarase ás casas das familias, a través do alumnado,a carta remitida pola Consellería con todas as indicacións oportunas, e recibirán un aviso sobre a dispoñibilidade da enquisa a través de Abalar móvil. O alumnado de ESO realizaran a enquisa no centro. O prazo remata o 29 de abril. |
CRIBADO DE POBOACIÓN ADOLESCENTE DE 12 A 17 ANOS
|
Comunicámoslles que a Consellería de Sanidade, o SERGAS, e o Colexio Oficial de Farmacéuticos da Coruña realizan, dende o 19 de abril, un cribado entre a poboación adolescente de 12 a 17 anos para a detección do COVID-19. O grupo ao que vai dirixido son cidadáns desta franxa de idade que: 1) non tivesen resultado positivo en COVID-19 no últimos tres meses 2) Actualmente non son contactos de seguimento COVID-19 3) Non realizasen unha PCR no últimos quince días 4) non presenten síntomas de estar a padecer a enfermidade. As farmacias de cada municipio colaborarán con esta campaña dispensando os kits de auto recollida de mostra en saliva, informando tamén sobre como realizar a toma da mostra, e como proceder para a súa posterior avaliación e resultado. O obxectivo é a detección de casos COVID-19 en persoas que non manifestan síntomas ou estes son inapreciables. As farmacias adheridas colocarán un cartel da campaña en lugar visible para favorecer a identificación por parte da poboación. Culleredo está incluída na zona de cribado. Por tanto as persoas que estean dentro dos requisitos establecidos poderán dirixirse á farmacia máis próxima adherida á campaña e solicitar gratuitamente o cribado. No seguinte link pódese acceder ás FARMACIAS participantes |
AVISO ADMISIÓN CURSO 2021-2022 - Listaxes provisionais de admitidos
Xa están publicadas as listaxes provisionais de admitidos no taboleiro de anuncios do centro dende hoxe, 14 de abril de 2021
Mensaxe Nadal
AVISO ÁS FAMILIAS - ENTREGA DE NOTAS
Este venres día 18 de decembro de 2020, a partir das 15:00 horas, entreganse as notas a través da aplicación abalarmóvil.
Todas as familias deberán ter activada esta aplicación.
En caso dalgunha imposibilidade puntual rogámoslles que escriban ao correo do centro, ies.blanco.amor.culleredo@edu.xunta.es á atención da Dirección/Xefa de estudos, comentando a incidencia e poñerémonos en contacto con vostedes.
INFORMACIÓN - Procedemento distribución de máscaras entre o alumnado
Dende AQUÍ poden acceder á circular informativa sobre criterios e procedemento de distribución de máscaras entre o alumnado.
ACTUALIZACIÓN DATOS COVID
Neste momento Sanidade confírmanos un novo caso positivo. Considérase que o contaxio produciuse fóra do centro polo que non recibimos instrucións para adoptar medidas concretas. Para coñecer a situación actualizada dos centros educativos galegos en canto á incidencia do COVID19, poden consultar a seguinte ligazón
DESMENTIDO COVID
A través dalgúns correos soubemos que se está difundindo entre as familias unha información que é absolutamente falsa, relativa ao número de afectados por COVID neste centro.
A realidade é que, a día de hoxe, Sanidade unicamente nos confirmou un caso positivo.
Posteriormente soubemos doutro caso a través da familia do enfermo/a, pero que aínda non foi confirmado por Sanidade.
En ambas as situacións non había ningún risco para ningún membro da nosa comunidade educativa. Por iso Sanidade non puxo en corentena a ningunha persoa, nin nos pediu informes sobre seguimento do protocolo.
Pedímoslles que non dean crédito a informacións non contrastadas e irresponsables, e que permanezan tranquilos ata que nós contactemos cos afectados seguindo as instrucións de Sanidade se aparecese algún novo positivo ou houbese que poñer en corentena a algunhas persoas.
Para coñecer como están afectados os centros de ensino de Galicia polo coronavirus poden consultar o seguínte enlace: https://www.edu.xunta.gal/portal/medidas-coronavirus
De todos os xeitos, se teñen algunha dúbida poden dirixirse ao correo do centro: ies.blanco.amor.culleredo@edu.xunta.es, ou ao do equipo Covid equipo.covid@iesblancoamor.com, onde lles será debidamente aclarada.
Teñan en conta tamén, que diariamente recibimos moitas consultas e non todas poden responderse coa inmediatez que nos gustaría.
Un cordial saúdo
Carmen Rodríguez- Trelles Astruga
Directora
Coordinadora do Equipo Covid
HORARIOS GRUPOS
Xa se poden consultar os horarios por grupos no bloque "Alumnado", na columna da esquerda, menú "Horario de grupos" e pinchando no grupo correspondente.
Tamén se pode acceder directamente dende AQUÍ