Skip to Content

Olimpíadas Nacionais de Economía

Natalia Gómez Orgeira, alumna de 2º bacharelato-B, gañadora da Olimpíada Galega de Economía, participou na XIV Olimpiada Española de Economía, organizada pola Facultade de Ciencias Económicas e Empresariais da Universidade de Sevilla, entre o 19 e o 21 de xuño de 2023.

Nesta fase final das Olimpíadas Nacionais, Natalia estivo acompañada dos outros dous finalistas de Galicia:

  • Sabela Díaz Fernández, do IES Nosa Señora dos Ollos Grandes de Lugo.
  • Javier Barros López, do Colexio M. Peleteiro de Santiago.

Se ben ningún dos tres alumnos/as de Galicia resultou premiado na fase final en Sevilla, tanto o alumnado como o profesorado acompañante, valoramos positivamente a experiencia de ter participado no evento.

 

Xogos na praia 2023

O pasado mércores, 21 de xuño, último día das clases do curso 2022/2023, o departamento de Educación Física organizou outra vez unha mañá de xogos na praia de Bastiagueiro, onde estudantes de 1º de bacharelato monitorizaron actividades de alumnado de 1º, 2º e 3º de ESO.

 

Anuario Curso 2022-023

O Equipo de Dinamización da Lingua Galega elaborou o Anuario do curso 2022/2023, con fotografías dos grupos deste ano e textos de diferentes autoras e autores que foron protagonistas do Día das Letras Galegas ao longo da historia desta celebración. Esperamos que sirva como unha lembranza feliz deste curso.

Podédelo ver aquí ou descargar este PDF.

Pasade un bo verán!

Roteiro dos clubs de lectura da biblioteca 2022/2023

O luns, 12 de xuño de 2023, a biblioteca organizou un roteiro histórico literario pola cidade da Coruña. Foi unha xornada de convivencia para o alumnado que participou nos clubs de lectura e outras actividades de voluntariado. Percorremos distintos lugares da cidade vencellados a escritores e fixemos unha lectura en cada un. Tamén visitamos o Arquivo do Reino de Galicia, a tumba de Sir John Moore e a ponte do Burgo. 

Recomendacións de lectura para o verán

Como todos os anos, dende a biblioteca achegámosvos, a xeito de agasallo de fin de curso, unhas recomendacións de lectura e tamén algo de música para que, se queredes, as teñades en conta no voso descanso do verán de 2023 (podedes velas no vídeo ou no PDF anexo a esta publicación). Grazas ao alumnado e profesorado que colaborou na súa elaboración.

Que pasedes un verán moi feliz e moi lector (que vén ser o mesmo).

Devolución dos cacifos

O vindeiro venres, 30 de xuño, remata o período de aluguer dos cacifos, tal e como aparece recollido no contrato. A partir do luns, 3 de xullo de 2023, na conserxería recolleranse as chaves e devolveranse os cartos do depósito, unha vez que se comprobe que o cacifo está en bo estado.

As persoas interesadas en manter o cacifo para o próximo curso, en setembro débeno comunicar na consexaría. Desta maneira, non recibirán agora a devolución, pero poderán utilizalo directamente desde o primeiro día do curso 2023/2024 co mesmo código de acceso.

 

Leti da Taberna

O 20 de xuño estará connosco a galetiktoker Leticia Mirás, Leti da Taberna.

Leticia comezou a publicar vídeos en cave de humor durante o confinamento e xa ten 31.000 seguidores .

https://www.tiktok.com/@letidataberna

Cine no Buján

Para acabar co ciclo de proxeccións deste curso, vaise exhibir no salón de actos do noso centro o 19 de xuño Harry Potter e o preso de Azkabán.

Están convidados todas e todos que colaborastes co EDLG. Os flocos de millo xa o pon e EDLG.

Recollida dos libros de Fondo Libros (información ás familias)

A devolución dos libros de Fondo Libros realizarase o día 26 de xuño, canda a entrega de notas.

Farase de seguinte xeito:
• Cada alumnX ten que entregar todos os libros de Fondo Libros nunha bolsa que deixará enriba do seu pupitre.
• A bolsa ten que ter o nome dX alumnX escrito por fóra.
• X titorX comprobará, antes de entregar as notas, que están todos os libros e en bo estado.
• Se falta algún, non se entregarán as notas.
• Se non se entregan todos os libros ou están en mal estado, pérdese o dereito a Fondo Libros no curso 23/24. 

Mellores expedientes ABAU 2023

Dúas alumnas do noso centro, Natalia Gómez Orgeira e Elena Hortas Salas foron convocadas para participar no Acto de Recoñecemento aos Mellores Expedientes de Centros de Ensino Medio de Galicia, reservado para o alumnado que alcanza unha nota de acceso á universidade de 9 ou superior na parte xeral das ABAU.

O acto terá lugar o xoves, día 22 de xuño, ás 17:30 horas no Multiusos Fontes do Sar de Santiago de Compostela.

Parabéns!

 

Distribuir contido


by Dr. Radut