Skip to Content

Dinamización lingüística

Concurso musical Marzo

Xa está aquí o concurso musical do mes de marzo

Anímate e participa!!

Lembramos as normas:

  • Tes de rexistrarte cos teus datos (Nome completo, curso e aula)
  • Tes de completar as dúas pezas
  • Prazo: ata o 15 de abril
  • Gorentosos premios
  • Sorteo dunha camiseta entre todos os participantes

DÍA DE ROSALÍA DE CASTRO

 

O pasado venres 23 de febrerio, día de lembranza do nacemento de Rosalía de Castro en 1837, realizamos no centro varias actividades para recordar a escritora iniciadora do Rexurdimento.

 

RECITAL DE POESÍA

O alumnado de Proxecto Competencial (2º ESO) encargouse de facer un recitado poético da obra de Rosalía.

 

TAREFA CREATIVA


Mentres que os alumnos e alumnas escoitaban de fondo a versión musicada de Guadi Galego do poema "Tecín soia a miña tea", foron tecendo os versos de dito poema e saíron auténticas creacións:

 

TALLER DE POSTAIS

Os rapaces e rapazas escolleron un poema de Rosalía e, acompañado dunha ilustración, escribírino nunha postal que logo enviaron por correo a quen eles quixeron. Aquí tedes algún exemplo:

 

 

 

VISITA DE ANDREA MACEIRAS

O pasado 21 de febreiro o noso centro contou coa visita da escritora Andrea Maceiras. A autora mantivo unha conversa co alumnado de 1º ESO do seu libro Alma de elefante e con rapaces e rapazas de 4º ESO para falar de Que me pare o corazón se te esquezo. Coa axuda dunha presentación dinámica explicounos as orixes das novelas para logo manter unha suxestiva conversa sobre elas. Por último, mantivo un coloquio co alumando no que Andrea respondeu a preguntas sobre os seus inicios como escritora, o longo proceso de creación dos libros, das dinámicas creativas, etc.

Andrea, grazas por visitarnos!

AQUÍ TAMÉN SE FALA

IES Rafael Dieste da Coruña lanzou no curso pasado unha campaña de dinamización da lingua galega. Este ano, na segunda edición, a actividade estase estendendo coma a pólvora e xa somos máis de 180 centros que nos sumamos á campaña. 

Aquí tamén se fala! é o título da campaña e é o alumnado dos centros o que fai exercer de dinamizador lingüístico no seu medio, achegando os carteis da campaña aos comercios, aos talleres, aos supermercados, ás librarías, aos bares... a todos os lugares da súa zona máis próxima, para así estenderen a mensaxe. 

Este traballo, coordinado co IES Afonso X O Sabio, permitirá chegar a todos os recunchos do concello e visibilizar deste xeito que Aquí tamén se fala galego!

Nesta ligazón está toda a información da campaña: Aquí tamén se fala!

 

 

     

 

Distribuir contido


by Dr. Radut