Escola de Familias de Cambre 2022: novas sesións

Divulgamos información das vindeiras sesións da Escola de Familias de Cambre 2022, organizadas polo Concello:

Uso responsable de redes sociais: 28 de novembro de 2022, ás 19:00 horas.

Uso responsable das redes sociais; uso de internet nas familias, incidindo na protección e sinalando algúns dos riscos; suplantación de identidade, sexting, grooming; tempo de pantallas: conectas ou desconectas? Quen decide? Como se decide? Por que é necesario?; as nais e pais como guías.

Iniciación á educación afectivo-sexual e coñecemento da diversidade: 12 de decembro de 2022 ás 19:00 horas.

Desenvolvemento: afectividade e sexualidade; sexualidade e mundo virtual: pornografía, sexting, grooming; algúns consellos para nais e pais.

Mentres se impartan as sesións, está previsto un servizo de atención de menores que cursen entre 4º de E. Infantil e 4º de E. Primaria. Tamén serán atendidos os menores ata 6º de E. Primaria no caso de que non acudan como participantes da sesión.  Para que se leve a cabo este servizo, deberá haber como mínimo 2 menores que o soliciten.

O programa é gratuíto e as sesións duran 1h30. A persoa interesada deberá encher a solicitude anexa e presentala no concello (antes da data da sesión) por rexistro de entrada, ou ben a través da sede electrónica ou ben presencialmente en calquera dos rexistros municipais, para o que deben solicitar cita previa chamando ao número 981 613 128.