O pasado 16 de marzo o xurado do Concurso de carteis para o fomento e uso do galego valorou os traballos presentados e acordou outorgar os seguintes premios:

Categoría A: para 1º ciclo da ESO

• 1º premio, para Estela Fidalgo Garra, de 1º B

O resto dos premios quedaron desertos

Categoría B: para 2º ciclo da ESO

• 1º premio: Oliva Areán Ínsua, de 4º B
• 2º premio: Lucía dos Anjos Vázquez, de 3º A
• 3º premio: David García Ferreiroa, de 4º A
• 1º accésit: Sara Muñoz Coego, de 3º B
• 2º accésit: Verónica Presas Riveiro, de 3º A

Podedes ver fotos dos carteis na galería de fotos do Centro.

Ao longo desta semana tres grupos do IES Laxeiro atópanse realizando diversas viaxes

Un grupo de 3º de ESO participan do 21 ao 27 de marzo no programa do MEC Recuperación
e utilización educativos de pobos abandonados no pobo oscense de Búbal, nas faldas do Pirineo aragonés.

Por outro lado, alumnos de 1º da ESO gozan dunha semana branca na estación de esquí de S. Isidro, en León entre o 22 e 26 de marzo.

E entre os días 19 e 25 de marzo, os alumnos de 4º de ESO viaxan á Cidade da Luz, París, ademais de visitar os castelos do Loira, Bordeos ou o Guggenheim ao regreso.

Desde alí xa nos enviaron algunhas imaxes, que podedes ver de seguido.

Alumnos e alumnas de 1º da ESO do IES Laxeiro participarán entre o 22 e o 26 de marzo na estación San Isidro (León), no programa Semanas Brancas. Os escolares conxugarán a práctica do esquí na estación situada na comarca do Alto Porma, no municipio de Puebla de Lillo, con actividades como a práctica de sendeirismo ou a visita á cidade de León.

Xa podedes ver fotos das actividades celebradas o pasado venres 12 de febreiro para festexar o entroido. Un ano máis houbo un grande nivel de participación e a calidade dos disfraces presentados a concurso foi moi alta.

Acceso á galería de fotos do entroido 2010

O día 29 de xaneiro celebramos no Laxeiro o día escolar da paz, con actividades variadas (ao longo das titorías do mes). Se queres ver como se desenvolveron algunhas delas (pintura do Guernica, muro da Axenda 21, pregado de grúas...) mira as seguintes ligazóns.

Fotos da construción grúas pola paz

Fotos doutras actividades (mesturadas, así que hai que velas todas)

Un grupo de alumnos do IES Laxeiro e IES Aller Ulloa participaron, do 24 ao 30 de xaneiro, nunha viaxe a Andorra, no marco do Irmanamento entre o concello de Lalín e o común de Escaldes d'Engordany. As actividades centraronse fundamentalmente na práctica do esquí, un dos piares da economía do coprincipado, aínda que os participantes tiveron tamén ocasión de coñecer a súa historia, paisaxe e organización política con visitas a museos, parlamento, comú, etc. Galería fotográfica aquí.

O próximo xoves 22 de outubro comeza a temporada 2009-10 da liga de fútbol sala do IES Laxeiro. Os partidos disputaranse todos os xoves, no pavillón municpal, entre as 16 e 18 h. A relación de equipos participantes, normas e calendario expóñense no taboleiro de actividades do centro

Para coñecer as regras deste deste deporte, podes visitar a páxina da LNFS

O xoves 11 de xuño, no pavillón municipal de Lalín, xogouse a Final da Liga de Fútbol Sala 08/09 do IES Laxeiro. Os equipos que disputaron este partido foron "Entendes" e "Castigadores" cun resultado de 7-4 a favor de "Entendes". O equipo que acadou o 3º posto foi "Unión Penosa".  

Este martes 10 de marzo estivo connosco un ex-alumno moi especial. Xaime López
"Chispón". Xa era un alumno moi interesado por actividades artísticas e
culturais (foi o autor do mural da foto), e ségueo sendo:

Agora vén de ser o coordinador dunha das experiencias sociais e
educativas mais interesantes no estado español.

En "Unidos
por el Flow" conseguiu coordinar a centos de rapaces de
bandas latinas (Latin
King e Ñetas) do seu barrio.

Propoñendo alternativas á exclusión social e á violencia entre
bandas, conseguiu que o respecto, a arte, a cultura serviran máis
eficazmente para a convivencia.

O hip-hop
é esa cultura urbana actual que reune unha chea de actividades:
musicalmente o rap, plásticamente o graffiti, o baile, a vestimenta,
o deporte urbano...