Actividades
Camballón intercultural
Enviado por anabelenfernand... o Xov, 26/05/2022 - 18:05No instituto, sabedores/as da importancia e o enriquecemento que supón contar con alumnado de distintas procedencias e culturas, démoslle visibilidade ás mesmas nun traballo elaborado polo alumnado de Formación Profesional Básica, que indagaron sobre os lugares de orixe dos compañeiros/as do centro e os plasmaron nun mapamundi que pode ser visto de camiño á cafetería.
Mediación: roleplaying
Enviado por anabelenfernand... o Xov, 26/05/2022 - 12:11Continuamos coa posta en práctica da mediación! Nesta ocasión con un conflito xurdido a raíz dun videoxogo.
Recordamos as fases da mediación, e despois de organizar o escenario, o alumnado levou a cabo a dramatización, contando coa axuda do grupo-clase para resolver o problema.
Mediación: a importancia das palabras
Enviado por anabelenfernand... o Xov, 26/05/2022 - 11:53Reflexionamos co alumnado sobre a importancia das palabras no trato cos demais. A miúdo nos tratamos de xeito inadecuado ou empregando palabras ferintes, que danan a nosa autoestima. Concluimos que é moi importante tratarnos ben, así como dicir aos demais as cualidades que teñen ou aquelo positivo que pensamos sobre eles/as.
Reflictimos primeiro na pizarra os insultos que escoitamos a miúdo, e a continuación, despois de reflexionar sobre iso e como nos fai sentir, escribimos mensaxes positivas para aquel compañeiro/a que admiramos.
Esperamos que a sesión sexa útil para pensalo dúas veces antes de empregar insultos ou palabras groseiras. Aprender a comunicarnos de forma correcta e cunha linguaxe adecuada, sen dúbida mellora as nosas relacións persoais!.
Lemas contra o acoso escolar
Enviado por anabelenfernand... o Xov, 26/05/2022 - 11:45Durante algunhas sesións estivemos a traballar sobre o acoso escolar, xa que o 2 de maio se conmemorou o Día contra o bullying. O alumnado de 1º da ESO elaborou nas titorías uns lemas contra o acoso.
Mediación: prevención do acoso escolar
Enviado por anabelenfernand... o Sáb, 30/04/2022 - 10:31Servímonos nesta ocasión da dinámica de cohesión grupal "Mundo de cores" para reflexionar sobre a exclusión social, enlazando o tema co acoso escolar e a importancia da súa prevención.
Despois do xogo, conversamos sobre o acoso escolar, os distintos tipos de acoso (físico, psicolóxico, social....), as consecuencias e os papeis das distintas persoas que interveñen (persoa acosada, acosadora e espectadores activos e pasivos), incidindo na importancia de intervir e adoptar un compromiso firme co apoio á vítima e a denuncia destas situacións por parte dos espectadores/as.
Sen dúbida, sementar a cultura da mediación no centro favorece a mellora da convivencia e polo tanto axuda a previr as situacións de acoso escolar. Seguiremos traballando nelo!
Mediación: estilos de comunicación
Enviado por anabelenfernand... o Sáb, 30/04/2022 - 10:18Traballamos as habilidades sociais e estilos de comunicación (agresivo, pasivo e asertivo), mediante a dinámica grupal "xinetes e cabalos", que nos servíu para reflexionar sobre a importancia de ter empatía cos demais, do trato que lles brindamos e de expresarnos con asertividade, o que repercute positivamente nas relacións interpersoais.
Deste xeito, mediante dinámicas e xogos, seguimos aprendendo conceptos básicos e moi útiles para a mediación escolar, pero tamén no noso día a día.
Sesións sobre diversidade afectivo-sexual
Enviado por anabelenfernand... o Sáb, 30/04/2022 - 08:47Ao longo das dúas últimas semanas, o alumnado da ESO e FPB participou nunha serie de obradoiros sobre diversidade afectivo-sexual, impartidos pola asociación Nós Mesmas.
Conscientes de que a diversidade é unha realidade nos distintos ámbitos e aspectos da vida, e da importancia do respecto, visibilización e normalización como garantes da convivencia, no centro seguimos apostando por dar a coñecer as distintas realidades para favorecer o seu coñecemento e aceptación.
Nas sesións afondouse sobre as distintas identidades e orientacións sexuais, a diferencia entre sexo e xénero, os esterotipos de xénero, a prevención do acoso lgtbifóbico e o papel da mocidade como motor de cambio. Asemade, en 4º da ESO e Formación Profesional Básica, ademais do anterior, profundizouse no aspecto histórico que sustenta a realidade LGTBI tal como a coñecemos hoxe en día e que fixo posible que se lograran avances na igualdade de dereitos das persoas do colectivo, se ben aínda queda camiño por percorrer.
Encontro do equipo de mediación
Enviado por anabelenfernand... o Dom, 24/04/2022 - 19:00A semana pasada volvemos reunirnos o profesorado e alumnado do equipo de mediación.
Desta volta xa estabamos todos/as e unha vez que nos puxemos ao día, seguimos argallando nas nosas ideas, pois estamos a traballar na creación dun logo do equipo de mediación do centro e tamén sobre un vídeo para dar a coñecer esta forma de resolución de conflitos.
Esperamos poder ensinarvos pronto os nosos proxectos!
Día Mundial da Concienciación sobre o Autismo
Enviado por anabelenfernand... o Lun, 18/04/2022 - 15:06O pasado 2 de abril conmemorouse o Día Mundial da Concienciación sobre o Autismo, baixo o lema "Unha feliz viaxe pola vida".
No instituto, conscientes da importancia do respecto á diversidade e da súa visibilidade, decidimos aportar o noso gran de area mediante a creación dun quebracabezas xigante no que participaron todos os grupos das distintas etapas educativas.
Cada aula reflexionaron sobre a felicidade, debendo consensuar dous elementos representativos da felicidade para o grupo e plasmalos na nube correspondente, para despois xuntar ao mural. Como veredes, algunhas clases non foron quen de decidirse só por dúas cuestións e escolleron máis elementos no viaxe cara a felicidade. Podedes ver o vídeo completo da actividade no blog da biblioteca "Abre os ollos", nesta ligazón.
Encontro do equipo de mediación
Enviado por anabelenfernand... o Lun, 18/04/2022 - 14:54Antes das vacacións do segundo trimestre, reunímonos os membros do equipo de mediación. Faltou algún alumnado que se atopaba de excursión, pero contaremos con eles/as para a seguinte volta, na que lles contaremos sobre o que estivemos traballando! Por agora é un segredo, que por suposto tamén descubriremos ao resto da comunidade educativa cando chegue o momento!
Polo de agora, podedes ver máis imaxes desa reunión no blog da biblioteca "Abre os ollos", nesta ligazón.
- « primeira
- ‹ anterior
- …
- 4
- 5
- 6
- 7
- 8
- 9
- 10
- 11
- 12
- …
- seguinte ›
- última »