Actividades
Mediación: roleplaying
Enviado por anabelenfernand... o Lun, 18/04/2022 - 14:39Continuamos coas representacións sobre a mediación escolar. Deixamos algunha foto que nos quedara pendente!
Obradoiros de "Educación emocional"
Enviado por anabelenfernand... o Mar, 22/03/2022 - 16:00Desta volta, Verónica e Natalia da cooperativa Educalecrín, realizan obradoiros de educación emocional co alumnado de 1º e 2º de Bacharelato. Achegámonos nas sesións ao concepto de intelixencia emocional, para o que é fundamental recoñecer e aceptar as emocións para aprender a xestionalas (conciencia e regulación emocional), o que favorecerá o noso benestar. O autocoñecemento, aceptar o erro como normal e oportunidade para a mellora, a resilencia e a importancia do propio autocoidado e das redes de apoio, son aspectos dos que tamén falamos no obradoiro, no que reflexionamos sobre o diálogo interno que mantemos con nós mesmos/as, á par que aprendemos ferramentas para transformalo, o que repercutirá positivamente na nosa saúde emocional.
Obradoiros de "Relacións Saudables"
Enviado por anabelenfernand... o Mar, 22/03/2022 - 15:34No día de hoxe recibimos a visita de Natalia e Verónica, fundadoras de Educalecrín, que desenvolveron co alumnado diversos obradoiros. A rapazada de 3º e 4º da ESO participou na actividade denominada “Relacións saudables”, na que se abordou a importancia do manexo adecuado das emocións e dunha boa autoestima para manter relacións saudables con un mesmo e cos demais. Quererse a un mesmo/a, manter relacións diversas, aprender a comunicarse de forma non violenta e detectar as crenzas limitantes tradicionalmente aprendidas, como os mitos do amor romántico por exemplo, favorecerá as relacións intrapersoais e interpersoais saudables e evitará a dependencia emocional.
Todo isto son cuestións que se trataron no obradoiro e que posteriormente se plasmaron de forma gráfica traballando grupalmente, mediante un exercicio no cal o alumnado debían discutir e agrupar certos comportamentos segundo foran tóxicos ou saudables nas relacións de parella.
Mediación: roleplaying
Enviado por anabelenfernand... o Dom, 20/03/2022 - 12:32Continuamos coa mediación! De cando en vez, ademais de outras dinámicas e sesións de reflexión, realizamos algún roleplaying para aprender a mediar de forma práctica, á par que coñecemos as fases da mediación.
Obradoiros sobre redes sociais e internet
Enviado por anabelenfernand... o Dom, 20/03/2022 - 12:13Ao longo desta semana recibimos a visita das técnicas de Hydra, unha axencia de marketing e comunicación, que a cotío traballan e investigan sobre os usos e comportamentos nas redes para mellorar as vendas dos seus clientes.
Que uso facemos das novas tecnoloxías e como nos comportamos no mundo dixital pode ter consecuencias, polo que as técnicas falaron co alumnado de 2º da ESO sobre os riscos das redes sociais (sexting, grooming, ciberacoso...), e deron a coñecer ao alumnado de 3º da ESO como funciona o mundo dos influencers e a importancia da privacidade na rede, pois o certo é que estamos máis expostos do que inicialmente poideramos pensar. Foron unhas sesións moi amenas nas que nos animaron a manter un comportamento prudente e adecuado nos medios virtuais.
Mediación. Cooperación e creatividade
Enviado por anabelenfernand... o Dom, 20/03/2022 - 11:39Nos últimos días estivemos traballando en equipo cos grupos de 2º da ESO. Puxemos en práctica a dinámica grupal "A pelota viaxeira", que consiste en pasar a pelota dun vaso a outro sen tocar estes, mediante a colaboración de todos os membros do equipo e empregando os materiais dados (tesoiras, corda e goma elástica). Trátase dunha dinámica que favorece ademais a creatividade e innovación. Sen dúbida, o alumnado acolleu moi ben o reto, pasárono en grande e tiveron moi boas ideas!
A ponte entre o Ensino Medio e a USC
Enviado por anabelenfernand... o Dom, 13/03/2022 - 06:11Rematamos a semana coa visita dunha profesora da USC, que explicou ao alumnado de 2º de Bacharelato cuestións relativas á universidade: estudos, admisión, aloxamento, vida universitaria.... dentro do marco do programa "A ponte entre o ensino medio e a USC", coa finalidade de que o alumnado se vaia preparando para a seguinte etapa despois de rematar o ensino medio.
8 Marzo - Día Internacional da Muller
Enviado por anabelenfernand... o Dom, 13/03/2022 - 06:03Con motivo da conmemoración do 8M, leváronse a cabo no centro distintas actividades. Dende as titorías participamos na proposta do equipo de Biblioteca, sobre o empoderamento feminino. Logo de reflexionar sobre o tema, o alumnado creou por grupos-clase unha representación en cartolina, onde as alumnas se situarían no centro do símbolo da muller, indicando mulleres referentes para elas, e arredor colocaríanse os alumnos, sinalando aquelas cuestións que poden facer como homes para axudar ao empoderamento da muller. Saíron variantes interesantes e mesmo houbo rapaces que tamén sinalaron mulleres referentes para eles. Podedes ver os traballos realizados no blog da biblioteca, nesta ligazón.
Obradoiro prevención do consumo de drogas
Enviado por anabelenfernand... o Lun, 28/02/2022 - 08:06No mes de febreiro, as titoras de 4º da ESO e o departamento de orientación levamos a cabo un obradoiro de prevención de consumo de drogas co alumnado deste curso. Foron varias sesións nas que se abordou a problemática da adicción con susbtancias, a fin de incidir na súa prevención.
Falamos sobre o tabaco, alcol e drogas ilegais, as súas consecuencias na saúde e o seu impacto na persoa e no ámbito cercano, os factores de risco e de protección, os mitos arredor do consumo destas substancias....todo elo mediante a análise de visualizacións e o intercambio de opinións co alumnado.
Un obradoiro necesario nun momento vital transcendental como é a adolescencia, no que as propias características da etapa e a presión do grupo xogan un papel clave na toma de decisións, favorecendo con este tipo de actividades a perspectiva crítica e responsable ante as mesmas.
Mediación. Fases e posta en práctica
Enviado por anabelenfernand... o Dom, 27/02/2022 - 08:21Continuamos a traballar en mediación co alumnado de 1º e 2º da ESO. Achegámonos ao coñecemento das fases da mediación como proceso formal, e que mellor maneira de aprender sobre as mesmas practicando mediante roleplaying!
O alumnado ponse na pel dos protagonistas ante un caso dado e representan o papel de mediadores/as e mediados/as.
Desenvolvemos habilidades e aprendemos facendo!
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- seguinte ›
- última »