Benvidos/as á nosa web

IES Marco do Camballón IES Marco do Camballón


 

 

 

 

 


Calendario de fin de curso

Remate das clases: 22 de xuño

Avaliacións, reclamacións e entrega de notas

2º bach.

  • avaliación: 23 de maio
  • entrega de notas: 24 de maio
  • reclamacións: 24 e 25 de maio

1º CM e 1º FP básica

  • 3ª avaliación: 7 de xuño
  • avaliación final: 23 de xuño
  • entrega de notas: 27 de xuño
  • reclamacións: 27, 28 e 29 de xuño

 ESO, 1º bach. e CM

  • avaliación: 27 de xuño
  • entrega de notas: 27 de xuño ás 11h. Non hai autobuses.
  • reclamacións: 27, 28 e 29 de xuño

Regreso dos alumnos de Erasmus+

Os dous alumnos do Ciclo de Soldadura e Caldeirería que acaban de regresar de Belfast, a onde foron traballar cunha bolsa da Deputación, estiveron no instituto para contar a súa proveitosa experiencia.

Para o curso 2016-17, o IES Marco do Camballón ten concedidas 4 bolsas máis que aínda non están cubertas.

Na ligazón pódese ler a noticia recollida por La Voz de Galicia.

Título de ESO para FP básica

O alumnado que se titule en FP básica nos cursos 2015-16 e 2016-17 poderá obter o título de ESO se acadou os obxectivos e competencias correspondentes, segundo se publica no Real Decreto 1058/2015 do 20 de novembro. Pódese consultar a información no arquivo anexo.

Premio para "As mulleres de mate"

O traballo "As mulleres de mate" realizado dentro da materia Proxecto interdisciplinar de 1º de ESO no curso 2014-15 acaba de ser premiado no II Concurso de traballos por proxectos convocado pola Consellería de Educación no marco do PLAN LÍA 2010/15. María Barcala e Ana Vicos foron as profesoras responsables da súa realización, en coordinación coa biblioteca do centro e outros departamentos. Ten unha dotación de 1000€ que deben ser destinados á atención das necesidades da biblioteca escolar.

A descrición do proxecto pódese consultar de xeito detallado no último número da revista Eduga.

Calendario escolar 2015-16

No ficheiro anexo pódese consultar o calendario escolar para este curso.

Calendario de exames de setembro

No arquivo anexo pódense consultar os horarios detallados dos exames de setembro, que se celebrarán o martes 1 e o mércores 2.

A avaliación será o xoves 3 (ver horarios detallados) e a entrega de notas o venres 4 ás 11 horas.

Novo CM de Atención a persoas dependentes


Para o curso 2015-16 comezará a impartirse no noso centro o CM de Atención a persoas en situación de dependencia. Ofértanse 25 prazas. O prazo de solicitudes comeza o 17 de xuño e remata o 2 de xullo.

Pódese consultar información sobre as súas características, módulos e saídas profesionais nesta ligazón.

Ciencia, aventuras e sorpresas dunha viaxe arredor do mundo

Este é o suxestivo título da charla que Xurxo Mariño, profesor de Neurofisioloxía da Universidade da Coruña e colaborador do MIT (Massachusetts Institute of Technology, EEUU), impartirá o próximo martes 3 de marzo no noso instituto.

Hai pouco que regresou dunha longa viaxe por boa parte do mundo que vai compartir connosco grazas a esta actividade que organizou a Biblioteca do noso centro.

Educación médica e sexual no Camballón

O 21 de novembro desprázaronse ata o noso centro un grupo de máis de 20 estudantes de Medicina da USC para realizar actividades sobre educación sexual e primeiros auxilios, dentro do proxecto denominado MERSH. Participou nelas o alumnado de 3º e 4º de ESO, que se amosou moi satisfeito con esta iniciativa da Biblioteca. Pódese ampliar información sobre ela no seu blog, Abre os ollos.

Powered by Drupal - Design by artinet