Lémbramos que é necesario que nos remitan as facturas xustificativas das becas de educación especial dos alumnos que recibiron terapia durante o verán. É imprescindible que conste nelas o nome do alumno/a e o selo e a sinatura do terapeuta ou da empresa emisora.

Día 1

Dous profesores do departamento de administrativo realizamos unha Job Shadowing en Finlandia do 2 ao 6 de Maio.

No noso primeiro día en KSAO KOUVOLAN, fomos recibidos pola nosa titora Marja. Unha vez feitas as presentacións,  tivemos a oportunidade de asistir a unha clase na que unha parte do alumnado se atopaba nas súas casas e a outra parte nas aulas. 

O traballo que levaban a cabo era a presentación dun pequeno proxecto sobre distintas empresas finlandesas que deberían expoñer ao resto da clase empregando a ferramenta Microsoft Teams. Deste xeito, os alumnos, a parte de aprender os contidos propios da materia, familiarízanse co emprego das novas tecnoloxías tanto no ámbito educativo como laboral.

Os alumnos empregan, practicamente, o mesmo tipo de aplicacións que no noso centro educativo, si ben puidemos comprobar que a principal diferencia é a ausencia total de papel nas aulas (libro dixital) e que os profesores contan con ferramentas (aula virtual) moi desenroladas para poder levar a cabo a súa labor docente.

As características das aulas son case idénticas ás nosas, agás pola distribución do alumnado nas mesmas, e os alumnos gozan de amplía autonomía á hora de realizar as tarefas asignadas.

Habería moitas cousas que destacar, pero unha das máis importantes sería o nivel de equipamento do centro educativo e a organización do mesmo.

Día 2

A segunda xornada comezou asistindo a unha clase de  Atención ao Cliente de formación profesional básica en finlandés. Os alumnos, presentan unhas características moi similares aos que estudan ese nivel educativo no noso centro. Principalmente a desmotivación, emprego de teléfonos móbiles, etc. A principal diferencia radica na individualización dos estudios, polo que os alumnos teñen máis capacidade de elixir aquelas asignaturas que prefiren para acadar a titulación final.

A ensinanza é obrigatoria ata os 18 anos e a implicación dos pais na educación dos seus fillos moito maior, tendo en conta que a profesión docente é unha das máis valoradas e respectadas en Finlandia, polo que as indicacións dos profesores téñense moi en conta á hora de tomar decisións.

Tamén puidemos acompañalos a unha empresa local, concretamente a un restaurante, a firmar contratos de prácticas dun dos alumnos. O profesor, alumno e encargado do negocio, acordan as condicións nas que se levará a cabo ese período de prácticas e firma os convenios a tal efecto no momento electronicamente unha vez acordadas as condicións.

Esta labor é moi similar á que se realiza nos nosos centros de formación profesional e moitos dos alumnos teñen a oportunidade de continuar traballando na empresa asignada unha vez rematado o período de prácticas.

Día 3

Recibiunos a coordinadora Erasmus, explicounos como funciona o seu sistema educativo.

Intercambiamos impresións sobre a mobilidade de alumnos e profesores para poder realizar algún intercambio no vindeiro curso.

Ofrecéronse a buscar empresas por Koulova para o noso alumnado de ciclos formativos que quixera ir facer o período de FCT a Finlandia e nosoutros tamén buscamos a nosa dispoñibilidade para buscar empresas pola Mariña para o alumnos finlandeses que queiran facer prácticas en Galicia.

Ademais, a nosa titora e a coordinadora Erasmus están interesadas en visitarnos o vindeiro curso e coñecer de primeira man o sistema educativo español. 

Día 4

Asistimos a unha clase de contabilidade en finlandés. Toda a contabilidade a realizan por ordenador, non usan papel.

Posteriormente, unha profesora de turismo, que falaba español levounos de visita pola empresas que tiñan alumnos en prácticas.

Visitamos un antigo complexo industrial reconvertido en galería de arte, espazo de creatividade e deseño.

E tamén un libraría/cafetería que contaba con espazo para actuacións en directo e almacenaxe de libros.

Día 5

Coa nosa titora Marja acudimos a unha clase de atención al cliente en inglés. Os alumnos e alumnas interactúan en lingua inglesa, facendo actividades e preguntas. Por suposto, tamén empregan o finés para o desenvolvemento da clase. Deste xeito, impartindo módulos bilingües os alumnos e alumnas nunha porcentaxe moi alta son capaces de comunicarse en inglés ao final do curso.

En resumen, foi unha experiencia marabillosa, conocer a cultura e educación de Finlandia, ver a súa forma de traballar e coller ideas para poder implantar no noso centro. Sen dúbida, unha experiencia que todo profesor debería vivir.

No DOG do mércores, 18 de maio de 2022 publícase a Orde do 29 de abril de 2022 pola que se regula a participación no fondo solidario de libros de texto e axudas para a adquisición de libros de texto e material escolar que se pode consultar nos seguintes enlaces:

Enlace á Orde no Diario oficial de Galicia

Acceso á aplicación fondolibros

ANEXO I 

ANEXO II 

O prazo permanecerá aberto ata o día 22 de Xuño (incluído)

INFÓRMASE QUE NO CURSO 2022/23 O CENTRO ESTÁ INCLUÍDO NO PROXECTO DE EDUCACIÓN DIXITAL (E-DIXGAL) PARA 1º ESO , 2º ESO, 3º ESO e 4º ESO. O alumnado destes cursos está excluído da participación no fondo solidario de libros de texto e das axudas para adquirir libros de texto. Non obstante, terá dereito á axuda para adquirir material escolar, se reúne os requisitos establecidos na orde. 

O programa ORIENTALINE, ao que se pode acceder no seguinte enlace: https://www.elorienta.com/movil/?yafxb=81736 ou facendo clic na imaxe de abaixo, conten información actualizada sobre:

- Grados universitarios e nota que se necesita para acceder.

- Formación Profesional: ciclos de Grado Superior, Grado Medio e novos títulos de FP Básica.

- Ensinanzas Artísticas Superiores.

- Outros estudos: ensinanzas deportivas, idiomas, etc.

- Títulos - Itinerarios - Ley LomLoe e FP

Alumnos do ciclo medio e superior de Administrativo do IES María Sarmiento visitaron o Parlamento de Galicia o pasado luns, acompañados polos profesores Ramón Cajoto, M. Antonia Loureiro e Ana Val. Despois de visitar o edificio e asistir á sesión do pleno que se estaba celebrando o pasado luns; foron recibidos polos deputados mariñáns: Elena Candia, José Manuel Balseiro, e Daniel Vega do PP e por Daniel Castro do BNG, Patricia Otero do PSOE, que atenderon as demandas e preguntas dos alumnos.

O Equipo de Dinamización da Lingua Galega e a biblioteca convoca o I Concurso de chíos de amor. O día 2 de febreiro é a Candeloria, preludio da primavera e data na que según di o refrán casan os paxariños. 

Desde o día 2 ata o 11 de febreiro escribe unha mensaxe breve en galego co teu nome e curso na parte traseira nos post-its que atoparás no tenderete do equipo de Dinamización Lingüística.

Escribe todos os chíos que queiras e sorpréndenos ca túa orixinalidade. Iremos publicando no Instagram da biblio @bibliomasa e do EDGL @dinamizaciondosarmiento as vosas propostas! 

O día dos Namoradxs, 14 de febreiro, decidirase o chío gañador. Sorte!