Alumnado admitido para 2016-2017 (ESO e bacharelato)

 

Lista de alumnado admitido

 

O alumnado de 6.º curso de educación primaria dos centros adscritos ao Instituto Moncho Valcarce (CEIP Plurilingüe Santa María, CEIP Plurilingüe A Magdalena, CEIP da Igrexa, das Somozas, e CEIP Mosteiro de Caaveiro, da Capela) que reservou praza está admitido para 1.º ESO 2016-2017 (non ten que solicitar a admisión).

Benvida á web do IES Moncho Valcarce

                           

 

 

 

 

 

 

 

Rúa de José María Penabad López, s/n. 15320 As Pontes de García Rodríguez (A Coruña)

Teléfono 981 45 13 51     -     Fax 981 44 07 48     -     ies.moncho.valcarce@edu.xunta.es

Teléfono móbil 698 12 54 23

AVISO ALUMNADO SELECTIVIDADE

DATAS DAS PROBAS: 8, 9 e 10 de XUÑO

O Concello facilita un autobús para o desprazamento do alumnado dos institutos a Serantes(Ferrol).  

SAÍDA da estación de autobuses ás 8 da mañá.

REGRESO ás 8-8:15 da tarde. (Ao finalizar as probas).  

O 8 e o 9 o horario será de mañá e tarde e o 10 só de mañá, regresando ás 15:00h.

Para consultas sobre as probas.....preme aquí PAU

Moita sorte !!!!

 

GRADUACIÓN DA PROMOCIÓN 2015-2016

 

 

 

 

Parabéns e moita sorte na nova etapa das vosas vidas!!!

 

EXHIBICIÓN SOLIDARIA DA GARDA CIVIL

 

  

 

Mércores, 4 de maio, o alumnado de 1º e 2º da ESO asistirá a unha exhibición solidaria da Garda Civil.

Será no heliporto da Canle IV.

 

 

 

 

 

 

FCT DO ALUMNADO DO C.S. DE LABORATORIO

 

 

O noso alumnado do ciclo formativo de grao superior de LABORATORIO DE ANÁLISE E CONTROL DE CALIDADE ven de incorporarse aos centros de traballo das Empresas colaboradoras, que, para o presente curso, están situadas nas provincias de Pontevedra e A Coruña; neles deberán complementar a súa formación ata o 10 de xuño, nun total de 384 horas, durante as que tamén desenvolverán, de xeito simultáneo, o módulo de Proxecto, para finalizar os dous cursos académicos de duración da titulación de Técnico Superior. Unha vez rematados, poderán participar no programa ERASMUS, ata un máximo dun ano.

 

 Dende a Comunidade Educativa do IES Moncho Valcarce queremos facer público o noso agradecemento a todas as Empresas participantes pola súa necesaria e imprescindíbel colaboración.

 

 

 

VISITA AO MUSEO DE HISTORIA NATURAL E A AQUACIENCIA

 

 

 O Mércores 20 de Abril tódolos alumnos e alumnas de 1º de E.S.O.  desprazáronse a Ferrol para visitar o Museo de Historia Natural da SGHN e Aquaciencia. A actividade foi organizada polo Departamento de Bioloxía e Xeoloxía.

No Museo fixeron un percorrido por distintas seccións: observando esqueletos dende o dunha pitón a outros de mamíferos e aves, coleccións de insectos, rochas, fósiles… pasando por unha sala con especies abisais como a lura xegante ou quenllas,  para chegar á colección de cetáceos onde destaca por suposto o esqueleto dunha balea de 18 metros de lonxitude.

 En Aquaciencia, xardín didáctico sobre a temática da Auga, os rapaces estiveron acompañados por un monitor que lles foi explicando o funcionamento das distintas máquinas ou artiluxios expostos: reloxio de auga, central hidroeléctrica, a bóla de auga e o transbordador entre outros.

 

 

EXPOSICIÓN PROXECTOS DE TECNOLOXÍA

 

 

                                                                                                                                                                                     

                  

 O alumnado de 2º ESO A realizou estes proxectos coa unidade de estruturas na materia de Tecnoloxía.

Así, podemos ver entre os expostos:

  • Unha estrutura entramada, típica das vivendas actuais, cos seus pilares, trabes,....
  • Unha estutura triangulada, polo tanto indeformable, neste caso unha grúa que soporta un certo peso.
  • Unha estrutura abovedada que tamén actua como muíño de vento.
  • Unha estrutura masiva que é unha réplica do muíño do Eume.
  • E por último unha estrutura colgante, unha ponte prevista de cordas a modo de tensores que lle aportan rixidez á estrutura.

Todos eles estarán expostos durante a semana no recibidor do Instituto.

 

MERCADIÑO SOLIDARIO 2016

 

 

Como todos os anos e dentro das actividades propias da "Semana do Libro" (18-26 de abril), celebraremos o Mercado Solidario do libro vello.

 

Este ano a nosa colaboración será coa ONG Proactiva Open Arms, adicada ao salvamento marítimo dos refuxiados sirios na illa grega de Lesbos.

 

 

  

  

Distribuir contido