Profesorado do IES MONCHO VALCARCE participou na experiencia do fluxo de mobilidade a Vilna (Lituania), en abril de 2024. Nesta actividade  as persoas participantes puideron coñecer de primeira man a realidade educativa lituana, profundar na competencia dixital docente, dos centros educativos e do alumnado así como en temáticas de interese para aplicar nas aulas como a inclusión, o liderazgo, a intelixencia artificial e a realidade virtual. Ademais, visitaron o centro educativo de primaria “Sietuvos” e de secundaria “S. Nėries gimnazija”. Neles realizaron observación docente entre iguais, obradoiros e participaron en charlas coas direccións sobre o sistema educativo lituano e a organización escolar. Podedes coñecer máis detalles e ver fotos nalgunha das publicacións das nosas redes sociais.

Con motivo do Día do Libro, os Departamentos de LCL e LGL realizan un concurso literario que pretende achegar a lectura a todos os membros da comunidade escolar.

O alumnado participante mostrou a súa creatividade a través dos escaparates literarios. Desexamos que o próximo curso sexan cada vez máis os que participen nesta iniciativa.

 O pasado 29 de abril de 2024, organizado polo departamento de Relixión, o alumnado de Segundo de Educación Secundaria percorreu o tramo do Camiño Francés de Santiago comprendido entre as localidades de Palas de Rei e Melide. Durante unha soleada xornada puideron visitar a Igrexa románica de San Xulián do Campo, a Igrexa gótica de Santa María de Leboreiro, a ponte medieval e a Igrexa de San Xoán de Furelos. A nosa peregrinación rematou repoñendo forzas cunha comida na vila de Melide. O vindeiro ano, máis e mellor!!!

Co motivo da celebración do Día Mundial do ADN (25ABR), o alumnado de 1ºBACH de Anatomía Aplicada realizou unha serie de investigacións breves sobre a orixe da vida e as principais figuras científicas relacionadas cos experimentos e teorías máis relevantes neste eido. Ademais, o alumnado de 4ºESO de Bioloxía e Xeoloxía colaborou coa construción de maquetas da célula eucariota e da molécula de ADN, nas que se poden apreciar os seus principais compoñentes. Para concluír a semana do ADN, realizaranse no Club de Ciencias extraccións do ADN dos amorodos e dos kiwis.

O 24 de abril celébrase o Día do Libro, unha data que serve para achegarse aos distintos escritores e escritoras tanto do panorama nacional como do internacional. O noso alumnado realizou un proxecto interdisciplinar na materia de LCL e F&Q realizando unha táboa periódica literaria. Os símbolos dos elementos da táboa periódica serviron para xogar cos nomes de distintos escritores e escritoras e achegarse a eles buscando información. Convidámosvos a botarlle un ollo!

O noso alumno de 2º Bac A, Antón de la Fuente Vivero, acudiu o pasado venres 12 de abril á  Facultade de Filoloxía da Universidade de Santiago para participar nas probas do Concurso Parnaso. O estudante tivo por diante tres horas para traducir un texto de Claudio Eliano e responder a varias cuestións sobre morfoloxía, sintaxe e etimoloxía, e relacionar un texto clásico cos valores da vida actual. Participar en tan prestixiosa proba de grego  é meritorio xa que esixe un nivel de preparación moi alto. Parabéns a Antón por o seu esforzo e disposición.

Co fin de conseguir que os nosos alumnos/as, a través das Matemáticas, se expoñan a un reto consigo mesmo e cos demais, o alumnado tivo que resolver enigmas mediante o razoamento matemático no concurso “ II Olimpíada matemática do IES Moncho Valcarce” .

O concurso consistiu en contestar, durante 75 minutos, a un TEST DE 30 PREGUNTAS en orde crecente de dificultade.

Parabéns a todos os gañadores e participantes!

O instituto Lois Peña Novo de Vilalba presentou ao noso alumnado os novos ciclos formativos de grao medio e de grao superior  de Formación Profesionais para o vindeiro curso. Tamén informaron sobre outras opcións formativas como o bacharelato semipresencial, e a formación CAULE en Inglés.

O alumnado precisa coñecer diferentes opcións formativas para tomar decisións que lle permitan integrarse no mundo laboral.

O día 11 de abril do 2024 o alumnado das materias de TIC e TEC de 1º BAC e de TIC de 2º de BAC fixo unha visita a exposición fotográfica de Helmut Newton e mostra "Picasso protagonista: Viñetas no cómic español contemporáneo", no porto e na fundación Abanca de a Coruña .

Fixemos unha visita guiada polas salas máis importantes da exposición e logo o alumnado fixo un taller de fotografía. Despois fomos ata fundación Abanca onde practiciparon nun escape room pola mostra "Picasso protagonista: Viñetas no cómic español contemporáneo".