O pasado día 21 de abril o alumnado de 1º e 2º de SMR visitou as instalacións de AMTEGA (Axencia para a Modernización Tecnolóxica de Galicia). Esta entidade está adscrita á Presidencia da Xunta de Galicia, e ten como obxectivos básicos a definición, desenvolvemento e execución dos instrumentos da política da Xunta no campo das tecnoloxías da información e a comunicación e a innovación e o desenvolvemento tecnolóxico. A creación de AMTEGA permitiu unha maior eficiencia e unha redución do gasto ao integrar os recursos humanos, materiais e presupostarios da área tecnolóxica de todas as consellerías e diferentes entidades departamentais da Xunta baixo unha mesma dirección.

AMTEGA atópase na Cidade da Cultura de Santiago de Compostela. Ao chegar alí déronnos unha charla explicando o que ali se fai para toda Galicia. A continuación, e seguindo as normas de seguridade propostas por AMTEGA, puidemos ver as instalacións do Centro de proceso de datos (corredores fríos, corredores quentes, control de acceso...), os superordenadores (brazo mecánico que move os discos onde queremos ler ou escribir información, refrixeración...), as medidas de seguridade que se adoptan, os sistemas de extinción de incendios, xeradores de corrente, etc.

Foi unha experiencia moi positiva para o alumnado. Puideron comprobar en persoa os contidos que se deron na aula sobre o tema de Seguridade Informática e Redes locais.

A actividade foi organizada polo Departamento de Informática.

O pasado 19 de abril dende o auditorio ABANCA de Santiago de Compostela, transmitiuse por streaming a conferencia “A MÍ NO ME DIGAS QUE NO SE PUEDE” impartida por Juan Manuel Montilla “ El Langui “. O Departamento de Informática oprganizou a actividade para o alumnado de SMR1, SMR2 e FPB.

A conferencia centrouse no espíritu de superación, a autoconfianza, o compañerismo, a resilencia, ... valores que son cruciales para afrontar a vida. A importancia da diversidade, unha sociedade inclusiva e ofrecer o demáis as ferramentas necesarias para conseguir sentirse realizado.

Cartel de Iñaki Méndez (2º Bach. A)

O venres 21 de abril, conmemorando o día do libro, presentouse o libro, editado por Iñaki Méndez, coas obras literarias e artísticas do V Festival Montenegro.

Podedes ver as fotos do acto no blog da Biblioteca.

Parabéns ao alumnado participante, e ao Equipo da Biblioteca!

O pasado venres 14 de abril o alumnado de 1º ESO puido participar nunha visita guiada ao xardín botánico de Lourizán, onde coñeceron a historia do Pazo e a historia de Euxenio Montero Ríos e puideron visitar os talleres e as instalacións da Escola de Capataces Forestais.

Posteriormente, disfrutaron da paisaxe da ría de Pontevedra de camiño a a Bueu onde, nunha pequena parada, puideron pasear pola Praza Massó, a praia e a contorna do Estaleiro de Purro, antes de dirixirse a Meiro, para coñecer a ruta dos Muíños, con motivo da XXIII Festa do Millo Corvo e presenciar unha muiñada.

A experiencia, que se enmarca no programa “O Monte Vivo” (Plan Proxecta + da Xunta de Galicia), foi satisfactoria, como reflicten as palabras da alumna Sara Álvarez:

Canto sabes dos incendios forestais? Ponte a proba!

https://forms.gle/ZWLpqwSH4GQM5uNU6

Nas seguintes ligazóns atoparedes o lugar e sede onde se van realizar as probas de acceso a grao medio e grao superior do alumnado do IES Monte da Vila.

Grao superior

http://www.edu.xunta.gal/fp/webfm_send/10038

Grao medio

http://www.edu.xunta.gal/fp/webfm_send/10075

Recoméndase ler as instrucións que figuran nesta ligazón:

http://www.edu.xunta.gal/fp/webfm_send/10074

O pasado mércores 19 de abril, o alumnado de1º de Bacharelato con materias de matemáticas asistiu á charla “Entre lumes e apelidos anda o conto”, impartida por Mª José Ginzo,investigadora da facultade de Matemáticas da Universidade de Santiago. Nela falouse da aplicación das matemáticas na loita contra os lumes forestais e no estudo estatístico da distribución de apelidos por zonas xeográficas.

O próximo martes 25 de abril terá lugar un encontro con Óscar Páramos, psicólogo especializado en adolescencia, sobre as novas tecnoloxías e a igualdade de xénero.

Estades todas/os convidados!

Grazas ó programa Erasmus+ os nosos alumnos de ciclo básico de Informática comezaronodomingo 9 de abril unha experiencia académica persoal e profesional no estranxeiro. Dende Italia (Pescara) nos irán contando a sua experiencia. Van a ser os nosos embaixadores do Centro Monte da Vila en Italia durante dous meses. Vos desexamos o mellor nesta gran aventura!

No seguinte enlace https://www.edu.xunta.gal/axudasle/ pódense consultar as primeiras listaxes publicadas en relación á Orde do 18 de xaneiro de 2023 pola que se convocan axudas para a realización de actividades de formación en linguas estranxeiras no ano 2023, destinadas ao alumnado dos centros docentes sostidos con fondos públicos, escolarizado nos cursos 2021/22 e/ou 2022/23, en réxime de concorrencia competitiva (código de procedemento ED504B).

Artigo 16. Procedemento de adxudicación de prazo

1. Finalizada a comprobación das solicitudes recibidas, a Comisión de Selección fará públicas tres listaxes: unha, na que se incluirán as solicitudes admitidas; unha segunda, de solicitudes que precisan da emenda dalgún aspecto; e unha terceira, de solicitudes excluídas, facendo constar as causas de exclusión. Estas listaxes exporanse na web da convocatoria (https://www.edu.xunta.gal/axudasle/), na Oficina de Rexistro Único e Información da Vicepresidencia Segunda e Consellería de Presidencia, Xustiza e Deportes, e remitirase para a súa publicación ás xefaturas territoriais da Consellería de Cultura, Educación, Formación Profesional e Universidades e aos centros de ensino obxecto do ámbito desta convocatoria.

Servizo de Innovación e Programas Educativos

Subdirección Xeral de Ordenación, Inclusión e Innovación Educativa

Consellería de Cultura, Educación, Formación Profesional e Universidades

Edificio Administrativo San Caetano s/n Bq. II - 2º Andar

15781 Santiago de Compostela