Finalmente conseguín habilitar o permiso para que poidades publicar na portada da web. A enchela de contido! Agora cando lle deades á opcións de publicación aparecerá unha que é "promocionar á páxina principal" e xa aparecerá automaticamente na portada da web. Por favor tede en conta:
- Sede coidadosos co formato das letras, non copiedes e peguedes directamente do Word, escribide directamente no espazo reservado ou copiade e pegade no bloc de notas (isto quita os formatos) e logo volvede a copiar e pegar desde o bloc de notas.
- Non escribades todo en maiúsculas, xa que moitos poden entender que estades berrando.
- Un formato único dalle uniformidade e imaxe corporativa.
- Mirádeo primeiro na Vista previa e logo cando xa vos guste Enviar.
Para calquera dúbida contades coa axuda de Xosé Rodríguez (xrodriguez@edu.xunta.es) que pode adicar os 50 minutos que ten reservados á semana para resolver calquera cuestión.