A Consellería de Educación concedeu un diploma de excelencia ao IES Plurilingüe Pintor Colmeiro polo seu proxecto Meteocolmeiro, enmarcado dentro do programa Meteoescolas.
Esta iniciativa inclúe unha serie de actividades relacionadas co estudo do clima e a meteoroloxía. O noso centro conta cunha estación meteorolóxica deseñada polo alumnado de Tecnoloxía. As actividades relacionadas co programa contan coa implicación de diferentes departamentos didácticos e materias. A finais do curso 22-23, o proxecto tivo un stand propio na feira científica do Colmeiro no que presentou os seus traballos.
