No pasado mes de xuño fíxose público un acordo do Consello Escolar polo que se habilitaba un prazo para que todas as persoas físicas ou xurídicas tivesen opción a presentar as súas propostas para optar á explotación e á xestión do servizo de cafetaría do IES Pintor Colmeiro no ano académico 2013-2014.
O Consello Escolar decidiu constituír unha comisión para xestionar o proceso de licitación. Na data de hoxe tivo lugar unha sesión de traballo na que, unha vez completada a valoración e realizado o baremo dos catro proxectos presentados, se acordou adxudicarlle a explotación e a xestión do servizo de cafetaría do IES Pintor Colmeiro no ano académico 2013-2014 a dona María Dolores Pereiro Taboada.