Extraescolares

 Do 13 ao 17 de novembro festexamos a Semana da Ciencia. Como cada ano, o alumnado participou coas súas maquetas de células. Este ano, na súa terceira edición, este concurso estivo tan complicado para o xurado, que convocouse en varias ocasións a dito xurado dada a calidade e orixinalidade de cada unha das células presentadas. E, a pesar de que todos os participantes recibiron agasallo, as gañadoras foron: Clara(1ºBAC), Estela (4ºESO) e Nerea(4º ESO).

 Por aquí temos máis imaxes da Semana:

Semana1       Semana2       Semana3

Entrega de premios

E, en canto a concursos, tamén tivemos o concurso do logo do Club de Ciencias. Nesta ocasión, a alumna que brillou foi Ana Belén (1ºBAC). A súa creación innovadora fixo que a súa proposta fose a elixida para formar parte do Club de Ciencias.

Pero, non todo foron concursos, ao longo de toda a semana, o alumnado tivo a oportunidade de realizar xogos, retos e experimentos.

Os departamentos de Física e Química, Tecnoloxía e Matemáticas presentaron grazas a colaboración do alumnado a súa parte máis lúdica.

Grazas a todo o alumnado participante que ano tras ano consegue lembrar que a Ciencia é divertida e merece a pena invertir o seu tempo de lecer neste tipo de actividades.

O pasado 30 de setembro, o alumnado de 4º da ESO participou nas xornadas da G-Night no campus de Esteiro. Alí participaron en obradoiros de física e de matemáticas .

Cantos inxeñeiros e inxeñeiras sairán desta promoción?

 Este curso o noso alumnado de 2º de bacharelato sorprendeunos cunha graduación espectacular.

Un acto divertido, cuns presentadores inusuais, onde os titores despediron a este gran grupo e onde o alumnado tivo tamén diplomas e agasallos para o seu profesorado.

Foi un bacharelato duro, marcado pola pandemia.

Marcado por máscaras que impediron coñecer o rostro de compañeiros e profesores, por unhas restriccións que impediron as relacións sociais, e aínda así, este alumnado conseguíu o seu obxetivo, graduarse con éxito.

Desexamos moita sorte a este fantástico grupo e esperamos a súa visita nun futuro, cando sexan grandes profesionais no seu campo. 

Excelente traballo!

Nos seguintes enlaces temos máis imaxes do evento:

Fotos1  Fotos2  Fotos3   Fotos4   Fotos5   Fotos6   Fotos7

O 27 de maio, o noso alumnado de ciencias de 3º e 4º da ESO acudíu á Aula Newton Galicia (Tecnópole) en Ourense.

Comezaron voando uns drons e remataron facendo un completo plan de voo que practicaron nuns auténticos simuladores de voo.

Unha mañá de actividades produtivas .... sairá deste grupo algún piloto ou enxeñeiro de voo? 

 E despois dunha dura e calurosa mañá de traballo, nada mellor que unha pequena praia... en Ourense? ...  Si, na orilla do Miño: a Praia de Antena.

Boa forma de refrescarse un pouco.

Temos máis imaxes do día:

Fotos1   Fotos2   Fotos3    Fotos4

O xoves 7 de abril, o alumnado de 3º da ESO, 1º de BAC e 2º de BAC gozou dunha fantástica mañá chea de actuacións de moita calidade. Entre elas, a actuación de "As fillas do crego", o grupo musical do noso instituto que tivo uns presentadores incribles : Paula e Andrés.

Moitas grazas a toda a mocidade que participou, estaremos esperando á próxima edición.