ALUMNOS DE 3º ESO VISITAN AS INSTALACIÓNS DE ENDESA NAS PONTES

ALUMNOS DE 3º ESO VISITAN AS INSTALACIÓNS DE ENDESA NAS PONTES

43 alumnos de 3º ESO visitaron as instalacións da compañía eléctrica ENDESA, situadas na vila de As Pontes. Alí foron atendidos por unha persoa, contratada por EDUCAENDESA, que os guiou a través dun percorrido polas diferentes partes da planta de xeración de enerxía eléctrica. Deste xeito tiveron a oportunidade de ser testigos do proceso tecnolóxico completo e obter unha visión de conxunto do mesmo.

ALUMNOS DE 4º ESO VISITAN O MUNCYT E A FUNDACIÓN NOVAGALICIA NA CORUÑA

ALUMNOS DE 4º ESO VISITAN O MUNCYT E A FUNDACIÓN NOVAGALICIA NA CORUÑA

Máis de 40 alumnos de 4º ESO participaron na visita ás instalacións do Museo Nacional de Ciencia y Tecnología situado na Coruña, onde foron testigos da evolución histórica dos máis variados logros tecnolóxicos, a través das diferentes pezas expostas nun edificio emblemático de deseño vanguardista.

Tras esta visita, acudiron a unha exposición que recollía unha ampla recopilación de bodegóns do século XX, realizados por diferentes pintores galegos, na Fundación NOVAGALICIA.

INSTALACIÓN ARTÍSTICA NA FUNDACIÓN NOVACAIXAGALICIA: NAMORANDO DE FERROL

O proxecto Namorando de Ferrol vai vento en popa, e nunca mellor dito, porque a instalación artística formada en parte polos  centos de  barquiños  construídos no estaleiro  Saturnino Montojo está sendo todo un éxito. Oxalá sexa unha  premonición e axiña  os estaleiros da nosa vila se  enchan de pedidos, e os barquiños xa non sexan de papel. Tamén podedes seguir a noticia no Diario de Ferrol dixital.

O Departamento de Dinamización  felicita a Montse, a Alberto, a Fran , ao equipo directivo e a todos  os rapaces que coa súa contribución fixeron posible esta actividade.


GAÑADORES NA FASE LOCAL DO CLUB DEBATE

1.       Un novo éxito do Club debate  énchenos de satisfacción e danos forzas para proseguir  coa seguinte fase. O traballo previo ao debate xa facía que os rapaces que  forman parte do equipo  fosen gañadores. O esforzo, a entrega realizada,  os recreos perdidos, a súa cohesión como equipo, o compañeirismo, a súa xenerosidade cos rivais… eran máis que suficientes para nós. As preparadoras xa  considerabamos a experiencia como un triunfo. Pero se ademais se gaña, a satisfacción non pode ser maior.Podedes seguir a noticia no Diario de Ferrol.com.

Moitas grazas a todos os membros da Comunidade Educativa que contribuístes coa vosa axuda, esperamos seguir contando con vós  para a seguinte fase que xa está en preparación.  

680 PRAZAS PARA FORMARSE EN LINGUAS EXTRANXEIRAS

680 PRAZAS PARA FORMARSE EN LINGUAS EXTRANXEIRAS

A Consellería de Cultura, Educación e Ordenación Universitaria, ven de convocar 680 prazas para realizar actividades formativas en linguas extranxeiras para o alumnado no ano 2014.

taboa

Podes atopar toda a información no seguinte link. Para acceder a o texto da lei, preme no link.

CORRESPONDENTES XUVENÍS 3.0

Correspondentes xuvenís 3.0.          Somos a túa antena informativa!

Se queres estar informado de primeira man sobre calquera materia relacionada coa xuventude: cursos, certames, voluntariado, bolsas de estudos, ocio, estadías no estranxeiro, etc. Podes acceder á información a través da web do instituto.

Podes consultar tamén o Taboleiro de Normalización e o Punto de Información Xuvenil na Biblioteca.

Distribuir contido