No ficheiro adxunto tedes o boletín de recomendacións de lectura para o nadal que vos propón o equipo da biblioteca do IES Terra de Soneira
O luns 13, fumos con Dani e Natalia aos laboratorios AMSlab en Lugo.
O martes 14, Ana Penedo e Jose Manuel Caamaño, leváronnos ao Muncyt na Coruña.
O mércores 16, unha charla de Adecco, preparounos para o futuro.
O xoves 16 a Unión de Cooperativas Galegas, (Espazo Coop), transmitiunos o emprendimento colaborativo no traballo.
E hoxe venres, fumos patinar a pista de xeo.
Colgaremos na web, as fotos que fagamos.
Hoxe, enterámonos do Que pasa na Costa.
Ubaldo Cerqueiro vino hoxe ao centro a dar unha charla para informarnos do que fai este medio dixital que cubre a información dos concellos da contorna da Costa da Morte.
A charla foi moi interesante e amena.
O xoves 2 de decembro, viñeron da USC a darnos información. A charla foi moi proveitosa e interesante.
Hoxe, fomos á Casa da Cultura a danzar. As bailarinas de "Pioneiras", ensináronnos a bailar de maneira "contemporánea"
Despois na Praza, vimos un fragmento da obra que representarán o sábado.
O vindeiro mércores 24 de novembro celebraranse eleccións para a renovación do Consello Escolar do IES Terra de Soneira. A continuación detállanse os horarios das votacións dos sectores do Consello Escolar que deben ser renovados:
SECTOR ALUMNADO:
8:50 - 13:30
Renovaranse 4 membros. Cada elector pode marcar como máximo 3 candidatos/as na papeleta.
SECTOR PROFESORADO:
12:25 - 12:45
Renovaranse 5 membros. Cada elector pode marcar como máximo 4 candidatos/as na papeleta.
SECTOR PAIS/NAIS/TITORES LEGAIS DO ALUMNADO:
16:00 - 19:00
Renovaranse 2 membros. Cada elector pode marcar como máximo 2 candidatos/as na papeleta.
O pasado día 12 de novembro foi publicado no DOG a Orde do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2021/22 (código de procedemento ED330E).
Non terá que presentar solicitude o alumnado que fose beneficiario da axuda para mercar material escolar no curso 2021/22
O resto do alumnado que non foi beneficiario do vale de adquisición de material escolar poderán presentar a súa solicitude. Para ser beneficiarios das máscaras, teranse en conta os mesmos parámetros de renda que FondoLibros.
O prazo remata o 26 de novembro
O Seminario de Estudos Comarcais da Costa da Morte (SEMESCOM), cedeu a súa exposición itinerante sobre o patrimonio megalítico da Costa da Morte, para que poidamos apreciar a riqueza arqueolóxica e patrimonial da nosa terra.
A Biblioteca do centro xestionou a chegada desta exposición que está composta de oito paneis descritivos das principais antas da bisbarra, moitas delas situadas en Vimianzo.
Permanecerá no centro ata despois das vacacións do Nadal.