CLIMÁNTICA EN MÉXICO

 Nestas ligazóns tedes a posibilidade de achegarvos ao traballo desenvolvido polo profesor Francisco Sóñora en México D.F. a propósito do proxecto Climántica. Parabéns polo traballo.

 
*  Coloquio: Nueve años del proyecto Climántica no programa Ciencia a Distancia de la Dirección General de Divulgación Científica (DGDC) da Universidad Nacional Autónoma de México (UNAM)
 
*  Conferencias e foro do Primeiro Seminario de Climántica en Iberoamérica organizado pola UNAM co apoio da Organización de Estados Iberoamericanos
          1. Inauguración e conferencias do primeiro día
          2. Conferencia do segundo día
 
          3. Mesa redonda do segundo día
 
 


 

DESPEDIDA DO ALUMNADO DE 2ºDE BACH

Una ano máis, unha promoción nova. Na imaxe posan os nosos alumnos de 2º de Bach unha vez rematada o acto do despedida do pasado 21 de maio nas instalacións do centro. Rodeados por moitos familiares que encheron o patio. Despedímolos con discursos do director do centro, Xavier Castro, do Alcalde de Noia, D. Santiago Freire, da representante da ANPA Concha Carou e da profesora Marta Francisco. O alumnado estivo representado por Mar Romaní e Adrán Ponte. Emotivos discursos e a nota musical do Coro Infantil do centro, dirixidos por Eva Núñez e Fernando Vigo.Eles,agasalláronnos con Diplomas personalizados que gardaremos co cariño. Coma sempre, a colaboración desinteresada de Mario Arufe, Miguel Fernández,Antonio Sánchez, Pilar Melcón, Teté Rodríguez, Rosita Paz e moitos outros para poder converter un día chuvioso e gris de maio nunha alegre festa que continuou pola noite (un ratiño).Parabéns a todos/as.


 


 

LONDRES 2016

O día 18 de maio regresaron os viaxeiros. Unha treintena de alumnos e alumnas de 1º de Bach, acompañados polas sús profesoras Gloria Rivas, Mercedes Mariño e Heather Long, tiveron a ocasión de gozar dunha estadía de cinco días na capital británica. Cun intenso programa de actividades previstas polas organizadoras, os nosos alumnos tiveron a oportunidade de coñecer importantes pinacotecas como o Museo Británico ou a National Gallery, asistir a espectáculos, subirse ao London Eye, pasearse e facer compras pola capital londinense, e por suposto poñer en práctica e mellorar os seus coñecementos de inglés. Esta oportunidade tivérona grazas ao duro traballo de preparación que desenvolveron as coordinadoras. Polo tanto moitas grazas.


 


 

DÍA DAS LETRAS

 

No Virxe do Mar tamén celebramos o Día das Letras.A semana estivo chea da actividades, como xa sinalamos, co Certame Alberto Romasanta ou o Acto de Homenaxe a Manuel María organizado pola empresa Dosil que convocou aos centros da comarca no Coliseo Noela para este fin. O Equipo de Dinamización Lingüística do noso centro, coordinado por María Golán, tamén se sumou á celebración. Así o venres 13 de maio, a última hora da mañá, o alumnado colaborador de 1º de Bach organizou unh homenaxe ao poeta da Terrá Chá. Poidemos tamén escoitar os poemas de Manuel María recitados polos rapaces e rapazas de 1º ESO B coordinados pola súa profesora Eva Méndez. Un gran esforzo.Parabéns polo traballo de todos. Grazas.


 


 

CERTAME ALBERTO ROMASANTA

Un ano máis o Campo de San Alberto e o Virxe do Mar celebramos as Letras co tradicional Concurso Literario que leva o nome do profesor de Historia do noso centro, Alberto Romasanta. Foron moitos e moitas os que se animaron a participar nesta ocasión e na foto temos a maioría deles. Parabéns a todos e todas. Nesta edición os premios para o Virxe do Mar foron:

Poesía

Nivel 1 .- 1º premio: Raúl Mariño Taboada

               2º premio: Ahmed Sadek el Shahat

Nivel 3.- 1º premio para Rita Mora García

en Narrativa

Nivel 1.- 2º premio para Mariña Carreño Pérez

Nivel 2.- 2º premio para Maruxa González Campos

Nivel 3.- Accésit para Olalla Alvite

 

Parabéns a todos/as e grazas a organizadores, lectores e profesores que animan a que este Certame siga adiante.


 


 

CLUB DE LECTURA EN SANXENXO

A pasada semana tivo lugar o encontro entre os Clubes de Lectura do noso centro e do IES de Sanxenxo. Os compoñentes do noso clube, acompañados pola coordinadora do mesmo María Golán e o director Xavier Castro desprazáronse a Pontevedra. Na capital visitaron as instalacións do  Museo de Pontevedra para ter unha aproximación á obra do Castelao. Logo foron a Sanxenxo e xa, pola tarde, os rapaces e rapazas tiveron a oportunidade de ter un encontro coa escritora Sabela González. Un día moi aproveitado.


 


 

Distribuir contido