Comezamos o ano 2024 e botamos a andar o proxecto “De min para ti. Titoría entre iguais”. Esta experiencia estase levando entre alumnado de 2º e 4º de ESO e constitúe unha especie de pilotaxe para desenvolver o plan de acción titorial no noso centro. O punto de partida son unhas exposicións orais que realizou o alumnado de 4º de ESO ao longo do 1º trimestre na materia de Lingua e Literatura Galega sobre temáticas relacionadas coas preocupacións e problemas que afectan a esta franxa de idade: acoso, identidade sexual, trastornos da alimentación, adiccións aos xogos de azar, redes sociais…

Dada a calidade dos traballos e a habilidade discursiva das nosas mozas e mozos, as titoras de 2º de ESO pensamos que sería unha oportunidade fantástica para que compartisen esta información cos niveis inferiores. Por outra banda, o feito de que sexan compañeiras e compañeiros os protagonistas destas charlas favorece unha maior atención e mellor acollida por parte do alumnado que as recibe.

Así que comezamos xaneiro con Martiño Saa que lle falou ao alumnado de 2º do perigo dos xogos de azar online e con Naiala Santos que tratou o tema das redes sociais.

A cesta será entregada o próximo venres 29 de decembro nas oficinas do instituto en horario de mañá.

Se vostede posúe a rifa gañadora e non pode acudir ao centro ese día pregámoslle nos indique, empregando o correo do centro ou chamada telefónica, outro momento para facerlle entrega da mesma. Grazas pola colaboración co noso alumnado.

 ies.virxedomar.noia@edu.xunta.gal

Teléfono: 881 866831

Este luns, 11 de decembro, tivemos con nós ao poeta Ismael Ramos impartindo un obradoiro de poesía dirixido ao alumnado de 4º de ESO. Foi unha tarde ben amena e enriquecedora, xa que ademais de contarnos a súa experiencia como estudante deste centro, Ismael falounos do proxecto "Casa do silencio" e destapou esas palabras “tabú” das que tanto custa falar cando un inicia o camiño cara á madurez.

Falamos de relacións familiares, da identidade de xénero, de menstruación, de saúde mental… de todo! Conseguimos liberar eses tabús que ás veces se atragoan nas nosas gorxas adolescentes e que apreixan o noso corpo deixándonos sen aire. Si, fixemos terapia e aprendemos que a mellor forma posible para liberarnos dos nosos medos e incertezas é a poesía.