Hoxe 23 de abril, Día do Libro, o cole queda na distancia, pero isto non vai ser un obstáculo para festexar esta data. O alumnado de 6ºB quixo aportar o seu grao de area para conmemorar un día tan importante para nós.
Os libros axúdannos nestes días de confinamento a saír ao exterior, a viaxar, a chorar, a rir, a querernos máis, a reflexionar... E tamén, a enfrontar con optimismo e serenidade o que temos diante...
Desexamos que desfrutedes vendo estas reseñas que fixeron con tanto agarimo!
.
O alumnado de 6ºB intentou plasmar nun debuxo os datos da descrición deste texto e quedáronlle unhas composicións moi bonitas.
Coñeces a historia das “Sin sombrero”? Son un grupo de mulleres que fixeron moito polas artes un chisco antes de que estoupase a Guerra Civil española. Foron borradas da historia da literatura polo feito de seren mulleres.
O alumnado de 6ºB fixo un traballo de investigación sobre este grupo de mulleres e quere compartilo con vós (esta actividade expúxose dentro da materia de Lingua castelá).
Na terceira semana de confinamento, o alumnado de 6ºB inspirándose nun poema co que nos agasallou o noso último premio Nacional de Literatura Infantil e Xuvenil, Antonio García Teijeiro, o día 2 de abril, creou o seu propio poema co título de "Quero...".
Aquí vos deixamos estes poemas para que poidades gozar léndoos.
Os haikus son poemas xaponeses compostos por tres versos de 5-7-5 sílabas. Normalmente veñen inspirados por imaxes da natureza que nos transmiten tranquilidade, paz e harmonía.
O alumnado de 6ºB, inspirándose en pequenas imaxes da casa ou da rúa compuxo estes. É un traballo de Lingua Castelá que fixeron nesta segunda semana de confinamento.
O alumnado de 6º B está facendo a súas tarefas a través do Google Drive estes días de confinamento nas nosas casas.
Aquí vos deixamos algunhas das noticias que foron redactando e que teñen que ver co mundo do cine. Como era un traballo de Lingua Castelá están todas redactadas en castelán.
O alumnado de 6º E.Primaria ten un reto por diante e vai realizar a súa actividade escolar a través de Google Drive, grazas ao correo electrónico facilitado polo alumnado e familias ás súas titoras. Deste xeito, nós poderemos facer un seguimento das tarefas dos nosos rapaces e rapazas diariamente e solventarlles toda canta dúbida sobre os traballos e tarefas lles poida xurdir.
Ánimo! Superando pequenos atrancos que xurden no día a día, todas e todas melloraremos a nosa competencia dixital e conseguiremos manter o ritmo de traballo, ata que a situación se normalice e o coronavirus COVID-19 nos permita seguir coas nosas clases.
O alumnado de 6ºB traballou o tema do Medio Ambiente a través da técnica dos "lapbooks", para recoller toda a información que foron buscando arredor do mesmo e, despois de varios días, quedoulles así de ben.
O traballo realizouse en equipos de tres e foi todo un reto para elas e eles.
Xunta de Galicia - Consellería de Educación, 2013 | ||
PREME AQUÍ
PREME AQUÍ
PREME AQUÍ
PREME AQUÍ
