Este mércores, 20 de marzo, o alumnado de 4º EP visitou o Museo do Pobo Galego.

Despois de escoitar as indicacións da nosa guía, repartímonos en seis grupos e, mediante un xogo de pistas, fomos percorrendo as distintas salas do Museo para buscar a resposta ás preguntas que aparecían no formulario que se nos entregou. Logo de facer a busca, reunímonos no punto de encontro e fixemos unha posta en común.

Máis tarde, achegámonos ata a escaleira helicoidal deseñada por Domingo de Andrade e puidemos admirar a súa beleza. Comprobamos que moita xente quere vela porque é unha escaleira que conta cuns trescentos anos de antigüidade e que sorprende polas súas tres ramplas entrelazadas.

Ao rematar a nosa visita ao Museo, entramos na igrexa do convento de San Domingos de Bonaval para visitar o Panteón de Galegos Ilustres. Alí fixémonos unhas fotos diante do sepulcro de Rosalía de Castro e do sepulcro de Alfonso Daniel Rodríguez Castelao e puidemos comprobar que hai máis persoeiros destacados de Galicia alí enterrados. 

Cando saímos do Museo, fixemos un percorrido polo casco antigo de Santiago e desfrutamos observando as gárgolas que coroan o alto de moitos edificios antigos da cidade, como o Hostal dos Reis Católicos ou a Igrexa de San Martiño Pinario, entre outros.

Foi unha mañá que nos cundiu moito e na que aprendemos unha morea de cousas novas. 

O 23 de febreiro, o alumnado de 4º EP achegouse ata a fábrica de "Queixos Galmesán". Nesta visita aprenderon unha morea de cousas relacionadas co proceso de fabricación do leite. 

Chamoulles moito a atención os tanques tan grandes de leite. Explicoulles a guía que cada un contén 7.000 l  e que chega de granxas da zona. Aínda que a receita coa que se fabrican estes queixos é alpina, queren destacar que empregan leite galego de vacas de pastoreo. Necesitan tanto leite porque cada queixo que fabrican pesa 16 kg e necesitan para a súa fabricación 160 l de leite.

Pasamos pola zona onde se pasteuriza o leite, elevando a súa temperatura ata 80ºC. Non lle suben máis a temperatura porque interésalles que permanezan no leite certos microorganismos que logo van utilizar na seguinte fase do proceso de fabricación. 

Marta explicounos que nestas cubetas tan grandes é onde o leite solidifica e se corta.

Puideron ver como, unha vez que se lle dá a forma ao queixo, hai que darlle a volta para que vaia soltando o soro que lle sobra. 

O seguinte paso é metelos nunhas cubetas que conteñen auga con sal. Preguntáronlle a Carmen e a Marta por qué tiña a auga unha cor amarela e explicáronlles que o queixo absorbe o sal da auga, pero solta certos sales minerais que lle dan á auga esa cor tan característica. 

Por último, pasamos á zona onde se curan os queixos. Explicáronlles que alí permanecen ano e medio ata que saen á venda. Todos os días teñen que limpalos e darlle a volta para que os queixos vaian formando esa codia que o caracteriza. 

Encantounos a visita que fixemos a esta fábrica. Desde aquí queremos agradecerlles a boa acollida que nos dispensaron e o agasallo que nos deron ao rematar. Todas e todos puidemos degustar este queixo tan saboroso. MOITAS GRAZAS!!

Despois de chegar ao Museo e tomar un pequeno almorzo, comezamos a nosa aventura.

Repartímonos en dous grupos e, dentro de cada un, fixemos outros cinco grupos máis pequenos. Coa axuda das nosas guías, fomos percorrendo as distintas plantas. Como a temática escollida era a natureza, detivémonos diante das pinturas de Rubens e Luís Seoane, para ir completando un traballo que nos encomendaron. 

Estas son as nenas e nenos de 4ºB:

Estas son as nenas e os nenos de 4º A:

Sorpresa de mini festival na nosa clase.

Isto amosa unha vez máis que eles e elas son capaces de conseguir o que se propoñan: organizaron, ensaiaron, deseñaron..o mérito só é deles e delas.

Trátase de 24 estrelas que brillan con luz propia!

A MÍMICA AXÚDANOS A EXTERIORIZAR AS NOSAS EMOCIÓNS. IDENTIFICALAS  E XESTIONALAS  É UN TRABALLO QUE NOS FAI MEDRAR.

AGARDAMOS VOS GUSTE O NOSO TRABALLO  DESTE ENTROIDO.

GRAZAS AOS VERDADEIROS E VERDADEIRAS PROTAGONISTAS PERO TAMÉN ÁS FAMILIAS QUE FAN TODO ISTO POSIBLE COA SÚA IMPLICACIÓN E COLABORACIÓN

Outro ano máis que remata doutra maneira diferente ao que estabamos acostumados e acostumadas! 

Pero aínda así non nos impide esta situación de pandemia facer a típica actuación do Festival de Nadal que estrearíamos mañá día 21 de decembro como peche do primeiro trimestre.

Este ano adicámoslle xunto coa profe de prácticas Uxía o tempo de ensaio á posta en escea do conto Crebanoces, combinando música, teatro e danza.

Crebanoces, un dos ballets máis coñecidos de Tchaikovsky é unha fábula de espíritu navideño que fala da añoranza pola infancia perdida e o choque entre a realidade dos adultos e o mundo dos soños dos nenos e nenas.

O libro pertence a Marius Petipa que deriva dun texto de Alexandre Dumas, que a súa vez inspirouse no célebre  conto de E.T.A. Hoffmann "O Crebanoces e o rey dos ratos".

A maxia, a inocencia, a beleza exterior e a valentía son os eixos de O CREBANOCES.

Ademáis queremos felicitarvos co deseño da nosa postal de clase deseñada a partires desta temática

BO NADAL!

Un luns pola tarde tivemos unha visita moi especial, a dun robot chamado LEGO BOOST grazas a que un alumno o comparteu con toda a clase. Iso sí, sempre cumprindo o protocolo sanitario da pandemia!!!

Montamos o robot e coa axuda dunha app no Ipad xogamos a programar por bloques. O que mais nos gustou e que LEGO BOOST é capaz de amosar emocións: contento, anoxado e entusiasmado.

QUE É UN ROBOT?

É unha lata, é un obxecto plano e redondo, un vehículo a motor ou é un can peludo? Que pode facer? Por que a construímos?

Un robot é un dispositivo mecánico que pode substituír aos humanos en varias tarefas. Un robot pode funcionar baixo o control directo dun ser humano ou de forma autónoma baixo o control dun ordenador programado. Os robots pódense usar para realizar tarefas difíciles ou perigosas de realizar directamente por un ser humano. Noutros casos, úsanse para realizar tarefas máis rápido ou máis barato que os humanos. Así, pódense usar na produción automática de grandes cantidades dun produto e cun custo menor (por exemplo, nas cadeas de produción).

A palabra robot provén do eslavo robota que significa traballo. Foi introducido como termo no seu significado actual en 1920 polo dramaturgo checo Karel Peapek na súa obra "RUR" (Os robots universais de Rossum), que satiriza a dependencia da sociedade dos enxeñeiros (robots) do desenvolvemento tecnolóxico e, finalmente, exterminalos. En moitas linguas eslavas modernas (por exemplo, o polaco) úsase como expresión da vida cotiá no sentido de traballo duro (equivalente a hamaliki). Entre os primeiros robots mencionados na literatura están os Talos da mitoloxía grega e os 20 caldeiros de trípode de Hefesto considerados "miragre das ideas", etc.

A robótica ocúpase do desenvolvemento e estudo de robots. , unha ciencia que é unha combinación de moitas disciplinas doutras ciencias, principalmente informática, electrónica e enxeñaría. Na ciencia ficción adoitan ser robots que teñen forma de humanos. Estes robots chámanse androides. Os robots actuais non son androides deseñados para suplantar aos humanos.

Como  proposta de actividade pensa que che gustaría que fixera o teu robot e escribe as instrucións que lle darás para facer o seu traballo nunha folla de papel. Tenta darlle a alguén estes comandos ou execútaos ti mesmo e comproba a túa programación. Proba a mover a un compañeiro pola clase, levándolle a escribir algo no encerado ou a que che traia un obxecto.

O obxectivo é que o alumnado entenda que os robots seguen as instrucións que lles damos. Se son correctos, o noso robot fará o correcto. Tamén queremos que o alumnado comprenda a estrutura da secuencia, que un programa é unha serie de comandos, colocados no lugar correcto.

Ademais, o alumnado, cos materiais que teñen na casa, construirán os seus propios robots con moita imaxinación e éxito. Un robot cos materiais que teñas na casa (caixas de zapatos, leite, vasos de plástico ou papel, botellas, papel hixiénico ou de cociña, cartón, CD vellos e todo o que poidas imaxinar).

Despois do gran entusiasmo amosado polo alumnado o ano pasado, decidín ver a dixitalización da imaxe, coñecer os píxeles, facer unha imaxe se temos o código cos píxeles da imaxe pero tamén dar un paso máis. Os nenos/as crearán unha imaxe nunha cuadrícula, escribirán o código, darano a un compañeiro e intentarán atopar a imaxe oculta no código do seu compañeiro. Así, podemos ver ambos procesos, codificación e descodificación.

O obxectivo da actividade é que o alumnado vexa unha forma de código e representen unha imaxe, creen o seu propio código para ter coidado en cada paso e crear cos seus amigos.

Como pimeiro contacto coas STEAM, imos traballar o concepto de xeometría: DESENVOLVEMENTO DOS CORPOS XEOMÉTRICOS, é dicir ; dun robot que está construído por prismas , un Minionrobot:

• Colorea a maqueta
• Recorta a maqueta
• Monta a maqueta