Unha curta moi curta sobre a comprensión, os coidados e o cariño. Co telón de fondo do despoboamento do rural. Dúas xeracións que se atopan, dous mundos que se xuntan e que non se esquecerán xamais. Producida por O Cole de Cea e gañadora do 1º premio #OUFFescola no Ourense International Film Festival - OUFF Deseño e realización dos bonecos: Carlota Álvarez. Animación e decorados: Álex Pico e Carlota Álvarez. Animadores secundarios e decorados: Alejandro Fernández, Raúl Gallego, Alicia Nogueira e Nieves Calviño. Animación Adicional: Susana Freire e Valentín Castellano Atrezzo adicional: Patricia Fernández Axudantes: Adrián González, Gabriel Teixeira, Gabriel Iglesias e Xiana Vázquez. Voces: Marco - Álex Pico Señor Alfonso - Jose Ramón Rodríguez Nai - Nieves Calviño Música: Cuarteto para piano de Robert Schumann. Interpretado por Musicians from Marlboro. Música Trailer: Antonio Saco Agradecemento especial aos nosos amigos Iván e Marcos. Guión: Álex Pico, Carlota Álvarez, Nieves Calviño e Paula V. Carral. Corrección de guión: Paquita Manso Dirección e montaxe: Dávid González Gómez
O día 27 de marzo o club de melómanos fumos a Santiago asistir a un concerto de música clásica. Visitamos a cidade durante a tarde e á noite puidemos escoitar obras de Debussy, Beethoven e Stravinsky interpretadas pola Orquestra Sinfónica de Galicia no Auditorio de Galicia. Incluso tivemos a sorte de falar con varios dos seus músicos antes do concerto, aos que estamos moi agradecidos. Estas son as impresións dos membros do club:
Carlota: “Nunca pensei que ía saír coa boca aberta dun concerto de música clásica”
Patricia: “Na última obra tiña o corazón acelerado porque subían e baixaban o volume. Foi unha sensación incríble.”
Guillermo: “Foi unha experiencia bonita que mereceu a pena. Aínda que estiveramos con fame e sono. Estos fóronse desvaecendo durante o transcurso do concerto.”
Natalia: “Foi unha experiencia inolvidable que me gustaría repetir.”
Lorena: “Os ollos coma platos e a mirada fixa no director. Este transmitíame un sentimento, unha forza, unha paixón, un carácter, un entusiasmo...”
Pamela: “ A verdade é que me quedei impactada co son dos instrumentos, sobre todo, a maneira de tocar do pianista.”
Yanela: “O volume da voz da última obra asustoume, pero á vez estaba impresionada.”
Laura: “Foi impresionante, foi un orgullo observar o ben que tocan 80 músicos e a súa espectacular coordinación."
Irene: “Estabamos na segunda fila, polo tanto percibimos moi ben o son dos instrumentos, e as caras de emoción e cansancio á vez que tiñan os músicos.”
Andrea: “O máis impresionante para min, foi a capacidade que tiñan os músicos para coordinarse e non perderse durante unha obra tan longa.”
Vicky: "Era tal a sensación que sentía que ata houbo ocasións nas que nos meus ollos asomaba algunha que outra bágoa"
O pasado 25 de febreiro o alumnado da ESO visitou a exposición da Fundación La Caixa: Neolítico, de nómadas a sedentarios. Aproveitando a visita á cidade foron visitar o IES Otero Pedrayo. Aquí vos deixamos unha galería de imaxes.
Velaquí aos compoñentes do grupo de afeccionados á música clásica, que todos os mércores se reúnen na biblioteca durante o recreo da tarde e que, baixo a batuta do profesor de Historia, escoitan e comentan pezas de música clásica.
Durante este mes eles son os protagonistas do "Conto contigo": os mércores, durante a hora de ler de primaria (de 16:00 a 16:30 horas), contarán o conto de "Pedro e o lobo" aos máis pequenos, alternando a narración do mesmo coa visualización da versión animada de Disney e, principalmente, coa audición da famosa sinfonía de Prokofiev.
Amar a música é un proxecto pedagóxico enmarcado nas actividades complementarias que desenvolve o centro. Durante o presente curso o profe David convoca ao alumnado de Secundaria unha hora á semana na Biblioteca Escolar para realizar audicións activas de grandes obras da música clásica. Holst, Saint-Saëns, Bach e outros grandes compositores enchen coas súas músicas os recunchos da nosa sala de lectura. Con esta actividade perseguimos o dobre obxectivo de dar a coñecer a historia da música e comprender a capacidade expresiva desta linguaxe artística.
Ademais, os alumnos participantes gozarán dunha excursión a Santiago para escoitar un concerto de música clásica con obras de Bethoveen, Stravinsky e Debussy a cargo da Orquestra Sinfónica de Galicia.
Bucear na historia é o mellor xeito de aprender quen somos. E se aínda por riba o vivimos dun xeito real pois a aprendizaxe convértese nun feito significativo. O 31 de maio o alumnado de 1º e 2º da ESO visitou anacos de historia pola provincia: San Cibrao de Las, Aquis Querquennis, a Vía Nova romana cos seus miliarios e unha mansio romana. Experiencias vivenciadas que lles achegaron á forma de vida dos nosos antepasados.
“Unha cuestión de educación” é o traballo dos alumnos de ética de 4º de ES0 durante o curso pasado. Tratase duha curta feita pola técnica do stop-motion, un proceso artesanal que consiste en dar vida a bonecos inanimados. O resultado final é espectacular, digno de moitos profesionais. Gracias a iso, tivemos unha mención no festival de Ourense, aínda que a maior satisfacción foi a de levar a cabo un traballo de tanta calidade e que os compañeiros de todas as idades do centro o admirasen.
