Skip to Content

Biblioteca, Club de Lectura

Biblioteca Escolar

Bibliotecas escolares de Galicia

SAMAÍN 2023

Prezadas familias, lembramos que o martes, 31 de outubro, celebraremos, como sempre, o SAMAÍN no cole, polo que ese día o alumnado poderá vir de casa cos seus disfraces terroríficos (sen traer complementos nas mans, tipo coitelos, etc,). Tamén teremos unha serie de actividades durante a xornada, como un FOTOCOLE HORRIPILANTE no que todo o alumnado, por clases, poderá quedar inmortalizado nunha foto terrorífica que posteriormente publicaremos nas nosas redes sociais. Tamén teremos a estrea mundial do noso CONTO COLECTIVO “Foguetiño e o Samaín” e remataremos cunha aterradora coreografía musical, organizada polo profesorado de música e danza.

Lembramos tamén que o día 1 de novembro é festivo; reanudaranse as clases o día 2, tal como se reflicte no calendario da aplicación Abalar.

O PICURÍ Nº 8 (2011)

O PICURÍ Nº 12 (2019)

O Picurí nº12 (2019)

 Aquí tedes a versión dixital a toda cor do nº 12 da revista escolar do Cole de Cea: O Picurí. Cunha portada de Laura Bravo e unha morea de contidos das tres etapas educativas: Infantil, Primaria e Secundaria. Cunha sección especial adicada ao 50 aniversario do noso centro e artigos referidos ao proxecto #ONoso desenvolvido ao longo do curso 2018/2019

O PICURÍ Nº 13 (2021)

O Picuri nº 13 (2021)

Na ligazón de arriba tedes o nº 13 da revista escolar do Cole de Cea: O Picurí. Cunha portada de Andrea González e unha morea de contidos das tres etapas educativas: Infantil, Primaria e Secundaria. Recolle contidos, artigos e proxectos desenvolvidos ao longo dos cursos 2019-2020 e 2020-2021.

ABRE A BIBLIOTECA!!!

O próximo 25 de outubro abrimos as portas da vosa biblioteca escolar.

Por mor da covid non poderemos festexalo como nos gustaría: conxuntamente; así que iredes vindo consonte o horario estabelecido en cada grupo.           

                                 

En Primaria retomamos as "mochilas viaxeiras", que entregaremos en cada aula ao longo de semana, para que gocedes nas vosas casas de lecturas e filmes no tempo de lecer en familia.

Ao tempo, reactivamos o "pasaporte lector", que premiará as vosas lecturas cun pequeno agasallo.

Abrimos nesta data para coincidirmos (case, fallounos o festivo dominical, ui!) o Día das Bibliotecas, que se conmemora cada ano o 24 de outubro desde 1997, data da tráxica historia acontecida á biblioteca de Saraxevo durante a guerra dos Balcáns. Os esforzos por recuperar os restos da desfeita poden coñecerse nesta reportaxe de pouco máis de 6 minutiños:

Bosnia-Herzegovina: os libros rescatados de Saraxevo.

Os máis pequechos podedes entrar nestoutra ligazón, a un vídeo de animación no que se amosan as vantaxes e os perigos dos libros cando non saben usarse ao xeito:

El increíble niño comelibros.

E para os que prefiran a beleza plástica e musical, velaquí estoutra curtametraxe de animación:

Rachaelefo.

Xeografías Lectoras

 

Viaxa con nós a través dos libros coas Xeografías Lectoras da Biblioteca Ramón Caride.

Navega pola lista de reprodución para poder ver todos os vídeos.

 

Conto contigo desde a casa


#ContoContigo desde a casa

Debido á situación de pandemia que asolaga ao planeta e que nos impide acudir ao noso benquerido Cole de Cea a aprender un feixe de cousas e gozar cos nosos compañeiros e compañeiras, cavilamos desde o Equipo de Tics, o Equipo de Biblioteca Biblioteca Ramón Caride e o Equipo de Dinamización Lingüística que os membros da comunidade escolar poderiamos achegar contos, poemas, historias, textos divulgativos, etc.

Farémolo así:

1 Preferentemente en galego e poderanse empregar todos os recursos que se queiran para adobiar a gravación (vestimenta, efectos, música etc.)

2 Grava un vídeo no que saias ti ou a túa voz contando un conto, un poema, compartindo un texto divulgativo etc. (duración máxima 5 mins.)

3 Envíao a través da plataforma We transfer ao enderezo electrónico: ticscea@gmail.com

4 Compartirémolo nos perfís do cole para que chegue a moitos recunchos do planeta.

Así pois animádevos a enviar os vosos videos para poder compartilos e facer que aínda que sexa virtualmente, nos sintamos máis preto.

Moito ánimo #contocontigo.

Da Paz a Rosalía

Dende o equipo da Biblioteca Ramón Caride e o Equipo de Dinamización Lingüística do Cole de Cea, convidámosvos a participar na celebración de tan senlleiras datas.

1. Cada clase poderá participar escribindo cantos poemas desexe en cartolina de xeito cooperativo entre o alumnado.

2. Todos os traballos poderán ir acompañados de debuxos para ilustrar os versos.

3. A temática sobre a que deben versar os traballos, abranguerá temas como: a paz, o respecto, a igualdade, a tolerancia ou a diversidade.

4. O prazo para participar abrirase o Día da Paz (30 de Xaneiro) e pecharase o Día de Rosalía de Castro (24 de Febreiro).

5. Cada aula participante recibirá un agasallo.

 

Semana da Ciencia en Galego na Biblioteca


Para conmemorar o mes da Ciencia en Galego na Biblioteca Escolar, celebraremos ao longo da derradeira semana do mes, unha serie de actividades dirixidas polos departamentos de Ciencia e Matemáticas do noso CPI.

Mart26N
Experimenta-Cea O alumnado da ESO guía ao de primaria na realización dos seus primeiros experimentos científicos.

Merc27N
Bio_Elas Dramatización da biografía de mulleres que tiveron un papel salientable no mundo.
ciencia ao longo da historia: Marie Curie, Rosalind Franklin e Henrielte Leavitt.
NeuroCea Queres saber como funciona o teu cerebro?
MaxiaCea A Ciencia pode ser algo máxico.

Ven29N
MaxiaCea A Ciencia pode ser algo máxico.

Distribuir contido


by Dr. Radut