Complementarias

O venres 17 de novembro celebramos no colexio o Magosto. Pasamos un bo rato cuns xogos populares, comimos castañas, cantamos cancións galegas e mesmo fixemos un pouco lume mentres aprendiamos a facer sombreiros de papel.

O pasado venres 10 de novembro veu a visitarnos o Mago Martín!! 

Fixo unha parada especial no noso cole para visitar á nosa mascota da biblioteca, que se chama Barcia, e para animarnos a ler, pero deixounos abraiados cos seus trucos!! Non podíamos crer o que veíamos!! Gustoulle tanto o noso público que ata nos deixou o seu autógrafo asinado nun as de corazóns xigante!!

O día 25 de abril celebramos no colexio o Día do libro. Dende primeira hora da mañá, varios pais, nais e incluso representantes do Concello, achegáronse ao centro para lerlles aos rapaces algúns contos e historias breves. Moitas grazas pola vosa participación! 

Coma sempre, deixámosvos o enlace ao álbum de fotos para pder descargalas.

https://goo.gl/photos/6arqc3j1vUXYqPax7

O bo tempo acompañounos o mércores, día 5 de abril, para visitar aos nosos compañeiros de Boborás un ano máis. Alí nos xuntamos os coles de Beariz, O Irixo, San Amaro e Boborás para celebrar unha convivencia moi divertida e entretida na que houbo de todo: Bailes, actuacións, campionatos de fútbol sala... Pasámolo xenial!!!

Ah, e os maiores gañaron o torneo de fútbol sala!! Noraboa campións e campionas!!

Deixámosvos o álbum por se queredes descargar algunha das fotos. https://goo.gl/photos/p3zKa2K4Ao5uNynf8

Chegou o Entroido a Beariz, e os mosqueteiros saíron a celebralo pola aldea.

Nenos e nenas, profes, nais (e ata algunha avoa) se animaron a participar nesta festa tan divertida para todos. Visitamos a residencia de maiores, a farmacia, o Centro de Saúde e o Concello, pasando por algúns establecementos do lugar. 

Pasámolo todos xenial!! Esperámosvos o ano que vén!

Deixámosvos o enlace por se queredes descargar as fotos da presentación de abaixo e algunha que outra máis:

https://goo.gl/photos/YwbTaUfE6kbb5QWL9