Onte marchamos todos de excursión a Chantada, alí fixemos un montón de cousas: fomos ver o encoro de Belesar (en realidade, o pouco que a néboa nos deixou ver), e despois subimos ata Garabelos, onde Anxo Moure nos agardaba para contarnos unha chea de contos na cima dunha árbore, xogamos no seu parque entre as árbores, aprendimos sobre distintas especies de árbores, merendamos dentro dun hórreo e ata vimos unha película nunha palleira! Ademais, grazas á axuda de Televinte, a canle de tele local, puidemos ser xornalistas e agarramos o micro para facerlle unhas preguntiñas a Anxo. Neste vídeo podedes ver un resumo do que alí fixemos:
https://www.youtube.com/watch?v=RK5DPU4aSMU
Por se iso non fose abondo, despois baixamos ata o estudio e alí ensináronnos como é proceso de montaxe dunha nova, e ata nos metemos a gravar a nosa voz para a noticia!:
https://www.youtube.com/watch?v=0obF1Es_OgA
Agardamos que vos guste, nós pasámolo xenial!
