“Dende o Equipo de Biblioteca queremos axudar a que pasedes… un Samaín de medo! Aquí vos deixamos unha recompilación de varios libros que encherán de maxia e feitizos estas datas.

 

Podedes ver, na cortiza da nosa biblioteca,as portadas que seleccionamos para cada idade.

 

Premede na imaxe para acceder á presentación onde atoparedes máis información sobre cada libro.

 

Feliz Samaín!!

O equipo de biblioteca.”

 

Algo estraño aconteceu hoxe na nosa escola... Cando chegamos pola mañá, o chan, as portas, as paredes... estaban cheas de moreas de pegadas de pés e mans. 

 

Quen visitou durante a fin de semana o Cruceiro de Canido?

 

Nas aulas deixou un agasallo para cada grupo: unhas caixas viaxeiras con contos e libros, procedentes da nosa biblioteca, o lugar que máis lle gustou da escola. 

Para explicalo, incluíu nesas caixas, un código QR cun vídeo, unhas caixas de suxestións e varios retos para o noso alumnado.

 

Mirade o vídeo para saber un pouco máis deste suceso tan estraño.

Tamén vos deixamos unhas fotos do acontecido hoxe pola mañá.

 

     

 

 

 

Aproveitando que, mañá 24 de outubro, será o DÍA DAS BIBLIOTECAS ESCOLARES, quixemos dar comezo coas propostas de actividades que sairán do equipo de biblioteca. 

Unha pequena motivación para o noso alumnado e así dar renda solta á súa imaxinación, interese e goce pola lectura.

 

Seguiremos informando...

O equipo de biblioteca.