O pasado día 28 de maio fixemos un tramo do Camiño de Santiago a pé, dentro do concello de Arzúa. Saímos dende o cole e chegamos ata o campo da festa de Preguntoño....chegaron ata os máis peques do cole, están feitos uns camiñantes!!

Foron uns 3 quilómetros do máis divertido, nos que poidemos desfrutar da natureza, das fermosas paisaxes do noso concello, nos que coñecimos a outros peregrinos,...Foi unha moi boa xornada de convivencia, que nos deixou ganas de repetir!!

Ollade o ben co pasamos premendo aquí ou na imaxe.

Os nenos e as nenas de 5 anos B estiveron na Lúa! Vós tamén queredes? Pois, non dubidedes en visitar a exposición fotográfica que temos no cole ata o 13 de abril sobre O Universo.

Como xa sabedes, este curso, dende o equipo de BIBLIOTECA propuxemos un tema de traballo común para todo o cole: A ARTE CONTEMPORÁNEA. Pois ben, como non pode ser doutro xeito, a arte tamén estivo presente no ENTROIDO. Foi unha explosión de cor, cargada dos mellores pintores, de moda hippie, de artistas e de personaxes de cine.

Preme na aquí ou na imaxe para ver as fotos.

O pasado 29 de xaneiro celebramos no colexio o Día da Paz. Xuntámonos para cantar contra a violencia á vez que construimos o noso propio Guernica. Cada aula pintou unha parte do cadro,de xeito que, entre todos e todas, enchémolo de cor esperanza agardando que nunca máis teñamos que ver na realidade a dor e o sufrimento que Picasso pintou no seu cadro.

Ollade que colorido quedou.

Esta é  canción que imos cantar todo o  colexio o vindeiro venres 29 para celebrar o Día da Paz...encendende os altofalandes e A CANTAR!

Con motivo do terrible terremoto que sementou o caos en Puerto Príncipe, Haití, no CEIP de Arzúa solidarizámonos cas súas xentes. Por isto, debuxamos un mapa de Haití no patio do colexio que serviu para que o alumnado depositase sobre o seu contorno moedas para os damnificados.

Graciñas a todas as familias por aportar o voso gran de area, pois conseguístedes que o alumnado xuntase case 700 euros cos que axudar a Haití.

Premede aquí para ver o momento.

O Nadal no cole está sendo do máis artístico! Todos os recunchos están cheos da maxia típica destas datas. Graciñas a todos os que contribuides a crear parte desta maxia tan "modernista", sobre todo, ao alumnado e ás familias que nos axudaron a pintar as botellas para esta árbore de Nadal.

O día 22 de decembro imos celebrar o tradicional Festival de Nadal, ao que estades todos convidados. Aquí tedes o programa para que vexades a orde das actuacións.