25 Abril 2024
By varelaesmoris
Ola familias!
Un dos obxectivos do traballo STEAM é abrir horizontes nas mentes dos nenos e nenas de cara a futuro. Conseguir "meterlles o gusaniño" e que entre as súas opcións de estudos superiores aparezan profesións relacionadas coas ciencias, as matemáticas, as artes, a enxeñería, a robótica ou a informática.
Non sei si o conseguiríamos nesta ocasión co alumnado de sexto. O que si que é seguro é que ao longo destas 5 semanas, montaron robots e os programaron, venceron dificultades, resolveron problemas, mediron e co seu esforzo, conseguiron metas alcanzables.
E dito sexa de paso. tamén disfrutaron!
Adiante vídeo
19 Marzo 2024
By varelaesmoris
As nenas e nenos de sexto vanse meter de cheo no mundo da robótica. Probarán dous modelos: o Mbot e o MiiBot. Despois de construilo terán que programalo. O traballo levará varias sesións e vos iremos contando paso a paso. Polo momento...aula de Steam preparada para comezar mañá.
CONTINUARÁ...
24 Febreiro 2024
By varelaesmoris
Ola!
Por fin a aula STEAM está en marcha! Ciencia, tecnoloxía, arte, enxeñería, matemáticas...
O primeiro en probala foi o alumnado de Proxecto competencial de 4º de Primaria, que anda a argallar unha obra de teatro.
O profesorado de Rebordáns, no seu afán de mellorar a súa labor docente, quixo dar uso á aula STEAM na primeira xornada de formación sobre Protección de datos nos centros educativos.
Nos teñades dúbida que esta aula vai dar moito xogo!
Seguiremos informando.
25 Xaneiro 2024
By javier.rodriguezga
Unha semana máis, chega o programa máis agardado...
REBORRADIO!
Desta vez, o alumnado de 5º de primaria foi o encargado de dirixir o programa, comentando novas do centro e facendo algunha recomendación interesante.
Naihara, Ela, Lucas, Basi, Alba, Iria e Noa foron os encargados de presentar e amenizar este segundo programa.
Non volo perdades!
Podedes escoitar a emisión dende aquí.
09 Xaneiro 2024
By javier.rodriguezga
Xa chegou! Xa está aquí! O programa máis agardado...
VOLTOU REBORRADIO!
Un curso máis, continuamos con esta andaina nas ondas e, como de costume, os encargados de pór en marcha estas emisións de radio foi o alumnado de 6º de primaria.
Aday, Yoel, Cloe e Maia encargáronse de presentar e amenizar este primeiro programa.
Non volo perdades!
Podedes escoitar a emisión dende aquí.
20 Xuño 2023
By varelaesmoris
20 Xuño 2023
By varelaesmoris
Ola, familias!
Tanta ilusión lles fixo o tema dos imáns que pensamos...que mellor que acabar os Polos Creativos facendo con el@s un imán para a neveira coa máquina de chapas.
E así o fixemos! Atent@s a Emma que nos mostra no vídeo o procedemento a seguir coa máquina.
Continuará...
20 Xuño 2023
By varelaesmoris
Ola, familias!
Sen dúbida o exitazo deste ano cos pequech@s do cole foi: as forzas de atraccións e os imáns.
Falamos de porqué ainda que a terra é redonda, non caemos. Pola forza da gravidade!
Así que fixemos de astronautas, porque alí arriba non hai gravidade e flotan. Pinchade para ver o vídeo:
A cousa non quedou aí. A profe Rocío mostrounos un imán e tivemos que experimentar a ver que pasaba con él. As súas caras de sorpresa e descubrimento son fantásticas
Estas científic@s prometen...
20 Xuño 2023
By varelaesmoris
Ola, familias!
Algúns pensaredes que iso dos Polos Creativos so é cousa de maiores. Pois non. Os nenos e nenas de 3 e 4 anos demostraron científicamente que, non só poden facer Polos Creativos senón que os gozan a tope!
Aquí van algunhas fotos das primeiras sesións con el@s:
Recibimos o carné de explorador@s para as nosas misións. Puxémoslle o nome con moitas ganas de pegar todas esas xemas preciosas!
Aprendemos a orientarnos espacialmente seguindo flechas, arriba, abaixo, dereita, esquerda...Xa conseguimos a primeira misión!
Grazas ao aprendido guíamos aos scornabots a cada un das personaxes de Ruby e os seus amigos.
E máis fotos doutras cousiñas que fixemos...
Continuará...
15 Xuño 2023
By varelaesmoris
Ola, familias!
Por fin chegou o momento de ver o resultado final do traballo realizado ao longo do curso, polo alumnado de 6º.
Iniciamos cunha festa de fin de rodaxe no que compartimos unhas pizzas e moitas risas. O broche de fin de festa foi o visionado en primicia do documental.
Onte, na graduación compartimos o documental con toda a comunidade educativa. Moi orgullos@s dos nosos cineastas!
Pinchade na imaxe para ver esta produción cinematográfica.
