27 Maio 2023
By varelaesmoris
Ola, familias.
Para "falar" cun ordenador é necesario coñecer a súa linguaxe, é dicir programación. Así que comezamos por aprender que hai diferentes linguaxes de programación, e que este ano imos aprender, a máis sinxela, Scratch.
No segundo e terceiro ciclo, adicámonos este curso a aprender programación con Scratch, chamado Scratux, na nosa maqueta Abalar. O Scratch consiste en crear códigos a base de bloques (instruccións) que nos permitirán dende crear presentacións animadas ata crear sinxelos videoxogos.
Pero unha das cousas máis interesantes, do Scracht é que nos vai permitir manexar moito do material de Polos Creativos. Crear e programar robots, usar tarxetar intelixentes (Makey-makey ou Microbit), facer música co ordenador ou ata manexar os movementos das nosas construcións de Lego.
Comezaron polo máis sinxelo, que era mover unha letra:
E cando rematou o segundo trimestre xa faciamos historietas animadas cunha personaxe.
CONTINUARÁ...
26 Maio 2023
By rgdiegues
Neste programa especial de Reborradio, despedimos a Lucía, a nosa auxiliar de conversa.
Esperamos poder contar con ela o vindeiro curso.
Graciñas, Lucía, polo teu bo facer no noso cole.
Clicade na imaxe para escoitar o audio.
22 Maio 2023
By varelaesmoris
Ola, familias!
O alumnado de 2º de primaria quixo cooperar na celebración das Letras Galegas cunhas obras de teatro que levan todo o curso preparando. Levaron a cabo todo o proceso creativo dende elexir as obras ata facer vestiarios e decorados. Que ben nos viñeron os cartóns do material de Polos Creativos!
Agardamos que as gocedes tanto como o fixeron elas e eles no escenario. Abrimos o pano!
VIVA O TEATRO
A MELLOR SOPA DO MUNDO
15 Maio 2023
By varelaesmoris
Ola, familias!
Como pasa o tempo... Os de 6º de infantil queren deixar a etapa co bo sabor de boca e mostrarnos que están de sobra preparad@s para entrar en Primaria.
A pasada semana pasaron pola Reborradio e nos deron unha clase maxistral sobre os indios. Iso si, dun xeito moi animado!
Escoitade, escoitade...
24 Abril 2023
By varelaesmoris
Ola, familias!
Despois dun trimestre de duro traballo para os de 6º: recompilar material, preparar storyboards e moito escribir e pensar...Por fin chegou o momento máis desexado: a rodaxe.
Aínda non vos podemos contar moito, porque é un pouco segredo. Pero hoxe en Polos Creativos respirouse ilusión, motivación e ganas! Neste ambiente o resultado está case garantido!
24 Abril 2023
By varelaesmoris
Ola, familias!
Hoxe os de primeiro quixeron aportar á Conmemoración do Día do Libro un estupendo programa de Reboradio. Estade atentos a estas pequechas e pequechos tan profesionais...
17 Abril 2023
By rgdiegues
O pasado venres, 31 de marzo, recibimos na Tepoteca o espectáculo da actriz Raquel Queizás, Cinema Marabillas.
Tepo e Tepa tiñan todo preparado para que o alumnado do Ceip de Rebordáns gozara vendo as primeiras adaptacións cinematográficas inspiradas nos contos.
E así descubrir que o cine e a literatura van moi unidos.
Toda unha sesión chea de risas, historias, cine, maxia... encheu a nosa Tepoteca.
Un fantástico xeito de enriquecer o noso proxecto deste curso, Rebordáns, cámara...e acción!
Tres das nosas artistas de quinto de primaria agasallaron a Raquel Queizás con unha das súas pequenas creacións.
Graciñas por compartir o teu talento con nós!
Ata a próxima!
25 Marzo 2023
By varelaesmoris
Ola familias!
Esta vez foron as intrépidas e intrépidos de 2º de Primaria @s que se atreveron co programa radiofónico de "CINE DE RADIO". O concurso versaba sobre unha das súas cancións favoritas: "DE ELLOS APRENDÍ". Descubrimos as películas que estaban detrás das frases da canción. Premede no PLAY e a disfrutar!
17 Marzo 2023
By rgdiegues
Ola familias!
Os nenos e nenas de 3º, no seu programa de Radio Violeta deleitáronnos cunha liña do tempo moi orixinal. Feita con mulleres que loitaron polos dereitos de todas e que, sen dúbida, estivo moi ben acompañada das súas voces e de boa música. Se queredes pasar un bo anaco...premede no PLAY!
14 Marzo 2023
By varelaesmoris
Ola familias!
Os nenos e nenas de 4º de primaria quixeron aportar o seu grao de area ao Día da Muller e a maiores levaron a cabo unha investigación sobre "Mulleres cineastas" O resultado paga a pena velo. Pinchade no vídeo e a disfrutar do traballo ben feito!
