Ed. infantil

Olaaa, bo día a todas e todos!!!

Aquí estamos de novo as mestras de E. Infantil para anunciarvos, aínda que seguramente xa o sabedes, que este ano o escritor homenaxeado no Día da Letras Galegas chámase Ricardo Carvalho Calero e naceu en Ferrol. Por este motivo consideramos que debe ser unha conmemoración moi, moi, pero que moi especial; aínda que continuemos en estado de alarma e non esteamos no cole.

É por iso que esta semana fixemos unha ampla selección de recursos e actividades para coñecer mellor a este gran escritor ferrolán, que esperamos vos gusten.

Para comezar, un vídeo sobre a súa vida e a súa obra (biografía) protagonizado por algúns dos seus descendentes e un album de fotos elaborado polo Seminario Galán:

Se queres lembrar e practicar o que acabas de ver e escoitar clica aquí.

Sabias que unha das obras máis coñecidas de Carvalho Calero é un conto baseado nas súas propias experiencias de cando era neno?. Se queres desfrutar dunha adptación para os nenos e nenas de E. Infantil, clica no vídeo. Ao lado dereito atoparás actividades interactivas sobre o conto.

Actividades por niveis en liña e para imprimir do Seminario Galán:  

• 3 anos: clica aquí para resolvelas en liña, ou neste enlace se queres imprimir algunha ficha.
• 4 anos: clica aquí para resolvelas en liña, ou neste enlace se queres imprimir algunha ficha. 
• 5 anos: clica aquí para resolvelas en liña, ou neste enlace se queres imprimir algunha ficha.

Para rematar propoñémosvos un xogo de retos (clica no altofalante para comezar).

Mirade que traballo máis chulo fixo o alumnado de 5º do noso cole para presentar ao concurso XX Certame de creación artística Poesía e Imaxe. Lembrade que tedes ata o día 14 para enviar as gravacións do de Uxía Lambona (clica aquí para ver as instrucións).

Moitos bicos de parte das profes!!! 

Bo día familias!!! 

Como van eses paseos? Supoñemos que desfrutándoos moito.

Continuades axudando na cociña? Lembrades os menús que deseñaba a/o encargarda/o cada día?                                      

          Esta semana ímosvos convidar a que elaboredes un deses pratos tan saborosos que lle axudades a preparar a papá ou a mamá, e que nos enviedes a receita. Pode ser un primeiro prato, un segundo ou unha sobremesa, o que máis vos apeteza. Para facilitarvos o traballo deixámosvos un modelo de receita (ver adxunto na parte inferior esquerda) con debuxos e etiquetas dos ingredientes máis utilizados e das accións máis comúns. As nosas recomendacións son as seguintes: 

• 3 anos: colorear e recortar os debuxos que vos veñan ben do modelo, e debuxar e colorear os ingredientes e accións que vos falten. Pegar nos apartados de ingredientes e elaboración segundo corresponda.

• 4 anos: debuxar e escribir os ingredientes e accións que non aparezan no modelo; se aparecen todos podedes alternar os proporcionados cos debuxados e escritos por vos. Unha vez que os teñades todos, pegar nos apartados correpondentes tendo coidado de ordear debidamente as accións da preparación.

• 5 anos: debuxar e escribir toda a receita. Se se vos fai moito, podedes combinar escritura e etiquetas igual que os de 4 anos. Non esquezades anotar as cantidades.

Boa semana e bo proveito chefs!!!