No segundo trimestre do curso tivo lugar a visita do alumnado de 3º e 4º de primaria á cidade de Mondoñedo. No transcurso da mesma, o 5 de abril, os nenos e nenas levaron a cabo diversas actividades.
Durante a xornada de mañá, achegámonos aos obradoiros artesanais situados no Barrio dos Muíños (tamén coñecido como a Venecia Mindoniense).
No obradoiro de cantería, os alumnos e alumnas aprenderon que existen diversos tipos de pedras coas que traballan os canteiros e tamén as ferramentas que empregan para o tallado e pulido das mesmas. Ademais, algún afortunado e afortunada; puido comprobar coas súas propias mans a dificultade que entraña este oficio.
No obradoiro de serigrafía, cada alumno e alumna tivo a oportunidade de elaborar a súa propia lámina. Neste proceso coñeceron os pasos a seguir desde que se elixe unha imaxe, ata que a mesma queda impresa nun papel, tea... Asimesmo, viron como facer unha mestura de pinturas para conseguir distintas tonalidades e tamén as máquinas e utensilios que se empregan para realizar con éxito dita actividade.
Finalmente, no obradoiro dos títeres; os nenos e nenas desfrutaron de pequenas representacións a cargo de personaxes tan simpáticos como Raio; pero tamén descubriron como se elaboran os distintos personaxes, escenarios e os efectos especiais de música e son; que quedan ocultos cando asistimos a unha representación de monicreques.
Tras unha parada para o xantar, comezamos a xornada de tarde cunha visita guiada pola zona histórica de Mondoñedo; que incluíu a visita á Casa-Museo de Álvaro Cunqueiro e ao Museo da Imprenta.
Unha xornada que deu moito de si, en canto a aprendizaxes e experiencias pracenteiras.