CEIP PLURILINGÜE POETA AVELINO DÍAZ |

PODCAST DE TEATRO LIDO

Mar, 11/05/2021 - 01:02 — ceippoetaavelinodiaz

Voz Natura

Mar, 04/05/2021 - 12:37 — ceippoetaavelinodiaz

O horto escolar do CEIP Plurilingüe Poeta Avelino Díaz xa está en marcha no marco do proxecto Voz Natura.

Dende o mes de abril, as alumnas e alumnos dos diferentes cursos xa comezaron a traballar planificando as plantacións das súas parcelas. Así, entenderon o laborioso proceso que implica a agricultura, labrando a terra, sementando, regando, ..., e todo o que nos queda por diante.

Alén do comentado anteriormente, o alumnado de 5º curso de Educación Infantil desenvolveu un estudo das árbores do patio do noso centro. O resultado final do seu traballo foi a creación dun Herbario.

O alumnado de 2º curso de Educación Primaria despregou diferentes propostas mesturando, por exemplo, arte e natureza a través da súa actividade ‘Pintando con pinceis naturais’.

A flora na poesía de Avelino Díaz da man do seu poema titulado ‘As xestas’ foi outra das iniciativas que serviu de medio para que o alumnado nos deleitase coa súa creatividade. Unha proposta realmente interesante que a todas e todos nos gustaría probar!

Premendo sobre o vídeo, podedes ver o 'Herbario poético' que confeccionaron as alumnas e alumnos de 2º curso de EP coa axuda das súas mestras e das súas familias.

Tomando como centro de interese o mencionado poema de Avelino Díaz, durante o mes de maio as alumnas e alumnos de 2º curso de EP elaboraron o seu particular 'Maio' empregando toxos, xestas e fieitos.

En último lugar, as alumnas e alumnos de 2º curso de EP achégannos o seu vídeo titulado 'Traballando no horto'.

No 4º curso de Educación Primaria optaron por centrarse nas plantas aromáticas como melisa, lavanda, tomiño, ourego, menta, etc. Dende aquí case podemos cheirar o recendo das plantacións das alumnas e alumnos de 4º curso de EP.

Logo, tamén cabe mencionar que o alumnado de 2º e 6º curso de Educación Primaria, como podemos descubrir na GALERÍA FOTOGRÁFICA, se dedicaron a traballar a parte matemática do horto. Practicaron a medida, estimación, cálculo de áreas, volumes, etc., adaptado iso si, aos diferentes niveis e ritmos de traballo.

Aquí se achega unha mostra dos planos (en diferentes escalas) elaborados polo alumnado de 6º curso de Educación Primaria.

Na liña do traballo proposto dende a Biblioteca Escolar neste terceiro trimestre, é dicir, no desenvolvemento das competencias ALFIN-AMI ligadas á 'Educación Saudable', o alumnado de 6º curso de Educación Primaria deseñou un 'libro de lapelas' para amosar o funcionamento do composteiro que temos no horto. Así, achegáronse propostas para a súa reubicación, listas de materiais a evitar e engadir, como corrixir problemas que poidan xurdir, etc.

ENTREGA DE PREMIOS DO I CERTAME DE FOTOGRAFÍA DO IES PEDREGAL DE IRIMIA

Mar, 20/04/2021 - 15:16 — ceippoetaavelinodiaz

As alumnas do CEIP Plurilingüe Poeta Avelino Díaz Aya Lafou e Lorena Alonso Campo resultaron premiadas no I certame de fotografía IES Pedregal de Irimia dentro da categoría Infantil.

Fotografía extraída da páxina web do IES Pedregal de Irimia

O pasado luns, 19 de abril de 2021 entregáronse os premios en presenza da Vicepresidenta da Deputación de Lugo, do Concelleiro de Cultura de Meira, membros do xurado e representantes do IES Pedregal de Irimia e CEIP Plurilingüe Poeta Avelino Díaz.

No acto destacáronse a calidade das obras presentadas, así como o mérito do equipo organizativo na promoción da cultura ligada á valoración das paisaxes naturais.

Premendo nesta ligazón accedes ao Blog de BiblioMeira, onde podes ver todas as obras premiadas.

DÍA MUNDIAL DOS DEREITOS DO CONSUMIDOR

Mar, 20/04/2021 - 00:50 — ceippoetaavelinodiaz

DÍA DA POESÍA

Mér, 14/04/2021 - 10:57 — ceippoetaavelinodiaz

DÍA DE ROSALÍA DE CASTRO

Mar, 09/03/2021 - 18:38 — ceippoetaavelinodiaz

8M: DÍA DA MULLER

Mar, 09/03/2021 - 03:18 — ceippoetaavelinodiaz

ENTROIDO E GASTRONOMÍA DA MAN DE XALÍN

Xov, 18/02/2021 - 22:44 — ceippoetaavelinodiaz

Para ver todas as receitas premede enriba da imaxe ou accedede directamente ao blog da Biblioteca de Xalín

'... DE PERSOAL SANITARIO NOS DISFRAZAMOS'

Lun, 15/02/2021 - 14:30 — ceippoetaavelinodiaz

Preme na imaxe que aparece na marxe dereita para acceder directamente á galería fotográfica do Entroido 2021.

Chegou o Entroido e con el chegou o momento de cumprir as ordes que dita o mandado semanal. Nesta ocasión, o mandado facía un merecido recoñecemento a todas as sanitarias e sanitarios que traballan arreo para salvagardar a saúde das persoas.

Foi tal a nosa implicación, metémonos tanto no labor de sanitarias e sanitarios que as nosas compañeiras Sabela e Lorena incluso nos trouxeron exemplares de materiais veterinarios como suturas, guantes de brazo, pinzas mosquito e xiringas para a colocación de microchips. Así, todas e todos aprendemos a valorar tamén o labor esencial das veterinarias e veterinarios no marco dos profesionais sanitarios.

DEBUXANDO UN MUNDO EN PAZ

Sáb, 30/01/2021 - 03:18 — ceippoetaavelinodiaz

(Preme enriba de cada imaxe do mural para ampliar e observar con maior precisión os diferentes traballos)

'Debuxando un mundo en paz', así é como titulamos o mural co que conmemoramos o Día da Ilustración e o Día Escolar da Non Violencia e a Paz.

Apoiándonos nas estampas e debuxos de Alfonso Daniel Rodríguez Castelao decatámonos do potencial que gardan os debuxos para transmitir as nosas ideas e sentimentos. Pero non só iso, pois as obras deste autor tamén nos fixeron ver de primeira man a necesidade de ter sempre presente na nosa vida diaria a empatía como un dos elementos fundamentais, entre moitos outros ingredientes, tal e como recollen algunhas das achegas dos diferentes grupos colaboradores na confección do mural.

Asemade, co desenvolvemento desta tarefa tamén percibimos que é preciso manter vivo un exercicio de crítica social, sempre dende o respecto e a tolerancia, co fin de progresar e construír unha sociedade que lle diga NON á violencia e SI á Paz.