novas

ECO-RETO “INVESTIGAMOS COS ALIMENTOS”

Nesta ocasión o alumnado de terceiro observamos como día tras día os fungos medraban nunha laranxa. A laranxa é un alimento que aporta á nosa alimentación moita vitamina C, pero muda de estado coa axuda dos fungos.

Comprobamos que son un grupo de seres vivos que se alimentan da materia en descomposición. Este fungo que afecta aos cítricos chámase Penicillium digitatum e deixa unha froita, moi rica e saudable como a laranxa, nun estado non apta para o consumo. Iso si, neste estado de descomposición é moi útil para engadir ao composteiro, onde se transformará nun compostaxe excelente.

@voznatura

#RetoInvestigamos #voznatura #eco-retos

ECO-RETO DE NOVEMBRO “INVESTIGAMOS” 

En infantil estiveron investigando os tipos de árbores que temos na contorna. Sairon a recoller follas e froitos para ver as súas formas e cores. Tamén aprenderon sobre algúns dos animaliños que viven neles.

Deste xeito tamén fomentamos o gusto, respecto e coidado por calquera espazo natural.

Crearon os seus recunchos de outono, aos que poden ir en calquera momento a relaxarse e fedellar. Tamén fixeron moreas de actividades sensoriais moi divertidas que fomentan a súa creatividade. 

 Neste mes de novembro o eco-reto de Voz Natura é “investigamos”, anímannos a  coñecer a importancia da fauna e flora e conservar a nosa biodiversidade, os diferentes hábitats e o patrimonio natural.

Dende aquí animámosvos a todos a facelo e a compartir connosco as vosas actividades. 

#RetoInvestigamos #voznatura #eco-retos

@voznatura

Merendas saudables de novembro.

O alumnado de Educación Infantil, súmase a alimentación diver-xente, con merendas saudables exquisitas, no mes de novembro: bocadillos, pan de marrocos... 

Froitas frecas e froitos secos. Uns campeóns estes nenos e nenas.

Garantindo o ods 3 saúde e benestar, cumplen coa axenda 2030. Moi ben, xente miuda!!

A Milla Diver-xente.

O noso alumnado está a realizar millas a diario no patio do cole. O obxectivo é percorrer moitas millas e lograr a colección de medallas dos ODS. 

No mes de outubro e novembro recibiron as follas de rexistro das millas que fan cada día en cada clase, e unha cartiña coa primeira medalla. 

Tamén comezou o reconto mensual, no panel do corredor central, onde se irán rexistrando as millas de cada clase e as medallas que cada clase consigue.

Para cumplir co ODS 3 Saúde e Benestar e o ODS 5 Igualdade de Xénero, activarémonos durante o curso, para intercambiar millas por ods. E ti Activas-T con nós? 

"Aliméntate ben" quere fomentar hábitos saudables na comunidade escolar a través de dietas equilibradas e utilizando produtos de calidade que garantan unha alimentación e desenvolvemento axeitado. Así cumplindo coa Axenda 2030 traballamos os ods 2 Fame 0 e 3 Saude e benestar.

As modalidades do programa fan ao alumnado protagonista da súa aprendizaxe en colaboración cos compañeiros e compañeiras. Os proxectos que realizarán os centros deben implicar aos axentes da comunidade educativa (profesorado, alumnado, familias, institucións…) e crear entre todos unha rede de traballo cooperativo que mellore o xeito de ensinar e aprender.

O reto para cada mes, para dar resposta aos ODS da axenda 2030 será comer froita e verduras de tempada. Aquí vos deixamos a proposta do mes de novembro.

Aquí vos deixamos un modelo de receita para recoller as vosas propostas. 

Cuchipandas terroríficas de Samaín.

O día 31 de outubro de 2023, celebramos a festa de Samaín. Gústanos moito vir vestidos con disfraces para esta época. Pero non podía ser menos importante ter enconta a alimentación típica desta data. Así, que en familia o noso alumnado elaborou recitas terroríficas para degustar na escola a media mañá.. Todas moi saudables!. Bueno algunha foi unha lambetada, que aos nenos nos gustan moito. 

Moitísimas grazas a todas as familias, por implicarse e axudar en eventos coma este. 

 Exploradores!.

As nenas e nenos de primeiro comezan a súa aventura como exploradores! Estades preparados para vivir grandes retos?

#Exploradores #CeipN2. Este será o proxecto de aula do alumnado de 1º este curso. Unha oportunidade única de vivir aventuras fascinantes, que nos iran contando pouco a pouco, onde coñeceran fauna e flora de todo o mundo. A pasalo en grande amigos.

Xogos de Outono

para o alumnado de 5º Educación Infantil.

" O Xogo é o mecanismo natural de aprendizaxe. O ser humán naceu para aprender xogando". María Couso.

POIS ....A XOGAR!!!

Así é como o alumnado de 5º de Educación Infantil do noso centro aprende, con elementos do outono.

O Recuncho de outono de Voz Natura.

O recuncho de outono de Voz Natura xa está listo para que a rapazada poida pasar cando o desexe a estimular os 5 sentidos.

Podemos ver, tocar, cheirar, escoitar e incluso degustar calquera un deles. Sobre todo a nosa cesta de lavanda que arrecende que da gusto.

Tamén vos presenta o eco-reto deste mes, para animarvos a colaborar dende as vosas casas na protección da nosa flora e fauna. A biodiversidade é un tesouro que debemos coidar entre todos. 

Moitas grazas ás familias do 2 por achegarnos todos estes produtos de outono.

#voznatura #recunchodeoutono #sentidos #actividadesenfamilia

Xornada de Xogos Populares e Magosto.

O pasado martes día 10 de outubro de 2023, levouse a cabo a xornada de xogos populares para o alumnado de Infantil no colexio. Sería o mércores día 11 de outubro cando tivo lugar a xornada para o alumnado de primaria. O alumnado de 6º foi o encargado de ensinar aos demáis cativos moitos, moitos xogos antigos, para nenos e nenas de agora. O certo é que o fixeron xenial como profes. Noraboa!.

Unhas  xornadas enmarcada no Proxecto "Diver-xente" que este ano puxo en marcha o colexio, para dar resposta a Axenda 2030 dos obxectivos de desenvolvemento sostible. Activa-T e Naturaliza-T promoveron estas xornadas onde os ods de saúde e benestar, entorno natural e a reciclaxe de xoguetes de antes, foron os protagonitas dunha xornada lúdico-festiva.

Tamén se levou a cabo a tradicional baixada de carrilanas, feitas en familia con materiais de refugallo.

E non podía faltar coma fin de festa o tradicional magosto, con castañas colleitadas nos nosos bosques en familia, unha delicatesem culinaria que fixo as delicias de maiores e pequenos.

Grazas a toda comunidade educativa, por xornadas coma estas.

 CAMPO A TRAVÉS

HORARIO LECTIVO. 

Os vindeiros 26 e 27 de outubro comezaremos as actividades deportivas de Agrudebam. Dentro do proxecto deportivo de centro, unha proba no medio natural que da resposta ao ods 3 Saúde e Benestar. A primeira proba será a proba de campo a través en horario lectivo, onde o máis importante será a participación. Os cursos que participarán serán 2º,3º,4º,5º e 6º de Educación Primaria. A proba terá lugar nas instalacións deportivas do Borraliño en Soutelo, Salceda de Caselas entre as 10:30h e as 13:00h. Se premedes enriba da foto podedes acceder a información que Agrudebam ten publicada na súa web:das carreiras, distancias, lugar, etc...

Preme aquí para descargar a folla de inscripción de 2º a 5º.

E se o que necesitas e descargar a folla de inscripción de 6º preme aquí.

PREPARAMOS A ECOHORTA

Curso 23-24

Un grupo de mestres e mestras e familias preparon a horta para que os niveis poidan comezar a plantar.

Moitas grazas as familias que están no "GRUPO DA HORTA DO 2" e  cada ano nos axudan en moitas das actividades que lles porponeños, incluso no mantenemento e coidado da ecohorta.

Xa temos algunhas cousiñas, as que quedaron do curso pasado.

GRAZAS!!

SACAMOS O COMPOST PARA A HORTA

Curso 23-24

Esta última semana de setembro estamos a por en marcha a nosa eco-horta. Un grupo mixto de alumnos e alumnas do cole fixeron as labores coa axuda dos mestres e mestras. 

A nosa sorpresa foi cando ao abrir o composteiro nos atopamos con unha terra negra, perfecta para que os cultivos deste ano poidan crecer con moita forza e libres de tóxicos.

Esto danos moita satisfacción e ganas para continuar coas labores de compostaxe neste novo curso.

Animámosvos a que o fagades tamén nas vosas casa!!!