Reciclar,reutilizar e reducir

MADEIRA PARA AS CAIXAS NIDO

Curso 23-24

Club de ciencias

No club de ciencias seguimos avanzando co noso proxecto sobre a biodiversidade das aves da contorna.

Grazas a aportación de  Marmolería Norfert S.L en Guillarei, unha familia do cole, xa temos a madeira para elaborar as nosas caixas nido.

Nas próximas semanas comezaremos co taller de elaboración das 42 caixas nido.

Moitísimas grazas pola vosa aportación e por colaborar sempre.

DÍA MUNDIAL DA AUGA

Está semana con motivo do día mundial da auga os alumnos de 3⁰ e 4⁰ de primaria foron convidados a unha actividade didáctica no edificio da Área panorámica de Tui.
Coñeceron a través de xogos a importancia da auga e como facer un uso responsable dela, dando resposta ao ODS 6: Auga limpa e saneamento.

Lembraron o ciclo da auga e os pasos que se levan a cabo nunha grande depuradora.

Remataron cantando o rap da auga acompañados pola concelleira de Cultura e o xerente do Consorcio, entre outros, déronlle un pequeno agasallo que levaron para á casa.
A actividade estivo organizada polo Consorcio do Louro coa colaboración do concello de Tui.

Tamén os convidaron a participar no concurso de debuxo infantil que convoca o Consorcio do Louro e Aqualia, co lema “ Misión Sostible: Acción salvar o planeta.

CHARLA SOBRE O BOSQUE ATLÁNTICO

Curso 23-24

O pasado  mércores 6 de marzo, tivo lugar unha charla formativa sobre o Bosque Atlántico e a súa biodiversidade para o alumnado de 6ºEP. Dando resposta aos ODS 4: Educación de calidade, ao ODS 13: Acción polo clima e o ODS 15: Vida de ecosistemas terrestres. 

Coñecemos un pouco máis as súas características, a flora propia deste bioma e recoñecimos algunhas das variedades na nosa contorna.

Moi interesante! Desexando por en práctica o aprendido. Gazas ao concello de Tui por facelo posible.

VISITA DOS ENXEÑEIROS

"CAMPAÑA AFORRO AUGA E ENERXÍA"

Curso 23-24

Este venres tivo lugar a campaña de aforro de auga e enerxía, dando resposta ao 0DS 6: Auga limpa e saneamento e ODS 7: Enerxía asequible e non contaminante.

Foi unha visita moi interesante da man de Alejandro Pardo, enxeñeiro de enerxías renovables, Manuel abeledo, enxeñeiro de enerxías e Omar Lomba, mestre de EP, estes dous últimos antigos alumnos do noso colexio. Con eles aprendemos  e incluso poidemos experimentar, moitas grazas por xerarnos entusiasmo pola importancia da auga e da enerxía non contaminante.

Ao rematar o taller o alumnano de 6º de EI entregounos un decálogo de aforro de auga elaborado por eles.

o alumnado de 3ºEP achegounos normas de aforro de enerxía na escola e na casa. Agora toca poñelas en práctica.

Excelente campaña dos nosos alumnos, noraboa!

VISITA DE SARA, A MESTRA COMPOSTEIRA DO CONCELLO

Este curso voltamos a ter a visita de Sara, a mestra composteira do concello, que nos axuda nas dúbidas que nos xorden no proceso de compostaxe.

Sara comprobou que a temperatura do composteiro é a axeitada e que ten unha boa mestura de materia orgánica e estruturante, mantendo unha boa humidade para o bo funcionamento da biodiversidade, que é a encargada de transformar a os restos das nosas merendas nun bo compost que logo empregaremos na nosa eco-horta.

Moitas grazas Sara!!

ECO-RETO

curso 23-24

Xa temos listo o noso eco-reto de febreiro, AFORRAMOS. Como cada mes expomos os eco-retos no recuncho de Voz Natura para que o poida ver toda a comunidade educativa.

ESTRUTURANTE

Curso 23-24

Como cada curso dende hai uns anos, recollemos follas secas para o noso composteiro. 

Temos un patio fermoso e cheo de árbores, e no outono e inverno deixan caer as súas follas que nos veñen perfectas para facer o compost da nosa  ecohorta.