Aula virtual
  Galería fotos    Portal edu    Recursos edu  Correo edu   Webs dinámicas

A Orde do 27 de abril de 2016 (DOG do 16 de maio) regula as distintas modalidades de gratuidade solidaria de libros de texto para o vindeiro curso 2016-2017: a participación no fondo solidario, as axudas para adquirir libros de texto e as axudas para adquirir material escolar.

Todas as familias do alumnado de 3º, 4º, 5º e 6º de E. Primaria poderán solicitar acollerse ao FONDO SOLIDARIO DE LIBROS DE TEXTO  (banco de libros).

As familias do alumnado de 1º e 2º de E. Primaria, que non superen os 9000€ de renda per cápita no ano 2014, poderán solicitar as AXUDAS PARA A ADQUISICIÓN DE LIBROS DE TEXTO (vale).

Todas as familias do alumnado de1º, 2º, 3º, 4º, 5º e 6º de E. Primaria que non superen os 5400€ de renda per cápita no ano 2014 poderán solicitar as AXUDAS PARA A ADQUISICIÓN DE MATERIAL ESCOLAR(vale).

Nesta convocatoria presentarase unha única solicitude para tódolos irmáns matriculados no mesmo centro

  • Prazo de presentación de solicitudes: do 18 de maio ao 23 de xuño(ámbolos dous inclusive) 

MOI IMPORTANTE: tanto para solicitar as axudas como para acollerse ao fondo solidario é obrigatorio devolver no centro os libros mercados con cargo ao vale do curso anterior e utilizados no presente curso, agás o alumnado de 1º e 2º de E. Primaria por non ser reutilizables.

 
                                Para máis información preguntar na secretaría do centro

Adxúntanse en arquivo anexo as listaxes definitivas de admisión para o vindeiro curso 2016/2017.

Achégase en arquivo anexo os menús do comedor do mes de Maio de 2016.

A continuación, anéxanse en arquivo adxunto as listaxes provisionais de admisión para o vindeiro curso 2016/2017.

Con motivo do día do libro (23 abril), o alumnado de 6º de primaria realizou un "macrotríptico" para expoñer no taboleiro do colexio.

Ademais, realizamos apadriñamentos lectores entre os alumn@s do centro.

Este ano recaudamos entre todos 587,94 € para a campaña de AUGA PARA NÍXER.

Ademais, fixemos unha carreira espectacular por grupos.

Moitas grazas a todos pola vosa colaboración.

A continuación anéxase o enlace ao vídeo da canción de Iriña Bailarina, feito polo grupo de teatro Ghazafelhos co alumnado do centro:

https://www.youtube.com/watch?v=xuh_O4x2Cwg

 

Durante o proceso de admisión do alumnado o horario de atención ao público de secretaría será DE LUNS A VENRES, DE 9:10 A 9:50 HORAS.

O número de postos escolares vacantes é o seguinte:

- 4º Educación Infantil: 22 prazas e 3 para alumnado con necesidades específicas de apoio educativo (NEAE).

- 2º Educación Primaria: 2 prazas.

Segundo o sorteo realizado, en caso de empate as letras de prioridade que afecten ao primeiro apelido son as letras "H" e "C", e para o segundo apelido as letras "E" e "A".

O calendario do proceso de admisión é o seguinte:

- Do 1 ao 29 de marzo: entrega de solicitudes.

- Do 1 ao 14 de abril: Entrega documentación acreditativa.

-Antes do 25 de abril: Listaxes provisionais.

-Antes do 15 de maio: Listaxes definitivas.

É IMPORTANTE LEMBRAR QUE SÓ SE PODE ENTREGAR A SOLICITUDE DE ADMISIÓN NUN SÓ CENTRO POR ALUMN@.

 

De acordo coa Orde do 12 de marzo de 2013, DOG do 15 de marzo, do 1 ao 29 de marzo establécese o prazo de presentación de solicitudes de admisión do novo alumnado.

 Lexislación aplicable:

Para máis información podes acceder a páxina da Consellería de Cultura, Educación e O. U. mediante esta ligazón.

Os pais e nais interesados en visitar as instalacións do centro, poderán facelo tódolos martes durante o periodo de admisión, en horario de 17 a  18 horas (en dúas quendas, unha ás 17:00 e outra ás 17:30).

Distribuir contido