Actividades
Nadal
Enviado por admin o Mar, 21/12/2021 - 15:04Hoxe despedimos o primeiro trimestre cunha xornada de festa. Realizamos distintas actividades nas aulas, celebramos unha deliciosa chocolatada, compartimos unhas badaladas cun programa do Tarabelo nas Ondas e recibimos a visita dos Reis Magos.
Facede clic na imaxe para ver as fotos desta xornada.
Felicitación Nadal
Recollida solidaria de alimentos
Enviado por admin o Mar, 21/12/2021 - 14:58Como ven sendo tradicional no noso colexio polo Nadal fixemos unha recollida solidaria de alimentos. Toda a comunidade educativa se volcou doando alimentos para persoas que nestas datas precisan da solidariedade de todos nós.
As entidades que recolleron os alimentos foron a Cruz Vermella e Cáritas de Sada. Os representantes destas asociacións pediron que se trasladara o agradecemento a todos os que contribuíron a esta recollida solidaria.
3 de decembro: Día Internacional das Persoas con Discapacidade
Enviado por admin o Sáb, 11/12/2021 - 22:05O pasado 3 de decembro celebrouse o Día Internacional das Persoas con Discapacidade, no noso centro realizamos distintas actividades a partir do conto MONSTRUO ROSA de Olga de Dios para lembrar que todos e todas somos capaces. Aquí tedes uns vídeos nos que os nenos e nenas cóntannos en que son uns mostros.
Educación Infantil 1º e 2º de Educación Primaria
3º e 4º de Educación Primaria 5º e 6º de Educación Primaria
Monstruo Rosa
25 de novembro: Darlle a volta está nas nosas mans
Enviado por admin o Xov, 25/11/2021 - 17:05Na celebración do Día Internacional Contra a Violencia de Xénero partimos dos famosos polbos reversibles para amosar ao alumnado as dúas facetas que pode ter, facendo fincapé na positiva. Elaboramos un gran mural para dar visibilidade a todas as boas accións que podemos realizar coas nosas mans.
Partindo da actividade de ILLA FANTASÍA: Obradoiro de amor “8 Maneiras de AMAR coas túas mans” , cada neno/a fixo coa súa man un polbo ao que engadiu 3 patas máis. Sobre cada unha delas escribimos unha forma de facer o ben coas mans: curar, crear, perdoar, agarimar, axudar… cunha etiqueta de rexeitamento da Violencia de Xénero. Darlle a volta está nas nosas mans.
Clica na imaxe para ver as fotos.
Samaín, Magosto e Halloween
Enviado por admin o Ven, 29/10/2021 - 13:24Sesión formativa: Novas tecnoloxías e redes sociais
Enviado por admin o Mér, 16/06/2021 - 21:14O alumnado de 5º e 6º cursos de Educación Primaria asistiron a unha charla sobre novas tecnoloxías. Fernando, formador da Garda Civil, deu consellos sobre unha correcta utilización de Internet, das aplicacións, das redes sociais e dos dispositivos que empregamos.
Esta actividade completa a charla destinada ás familias destes cursos que tivo lugar o pasado 26 de maio.
CHARLAS INFORMATIVAS SOBRE NOVAS TECNOLOXÍAS E REDES SOCIAIS
Enviado por admin o Mér, 26/05/2021 - 20:56Dentro das actividades programadas pola Comisión de Convivencia do Centro, coa colaboración da Asociación de Nais e Pais, onte tivo lugar no Auditorio da Casa da Cultura de Sada unha charla sobre novas tecnoloxías e redes sociais dirixida ás familias do alumnadao de 5º e 6º de Educación Primaria. A mesma estivo impartida por un experto nesta cuestión membro dos Corpos e Seguridade do Estado.
2 de maio: Día Internacional contra o Bullying
Enviado por admin o Mér, 28/04/2021 - 21:14O 2 de maio celébrase o Día Internacional do contra o Bullying ou Acoso Escolar, co obxectivo de concienciar sobre o risco do acoso escolar e o bullying nos nenos/as a nivel mundial.
O noso centro centro leva anos realizando unha labor de prevención a través de diferentes actuacións, entre elas o Programa TEI. Aquí tendes un Genially con moitas propostas e un vídeo realizado polo alumnado de 3º, 4º, 5º e 6º de Educación Primaria.
Especial O Tarabelo nas Ondas: Día Contra o Acoso Escolar. Clica aquí para escoitalo.
Actividade Bosque de Bosquexos
Enviado por admin o Dom, 18/04/2021 - 13:05O pasado sábado alumnado de 5º e 6º de Educación Primaria do noso centro participou na inauguración do novo parque infantil de As Brañas pintando as árbores para crear o Bosque dos Bosquexos. Baixo a dirección dun profesional en Belas Artes, realizaron esta obra artística con pintura respectuosa co medio ambiente (é ecolóxica e con pigmentos naturais).
Clica na imaxe para ver as fotos
Día da Paz: Árbores pola Paz
Enviado por admin o Dom, 31/01/2021 - 12:54- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »