Para celebrar este ano o samaín realizamos unha exposición de cabazas no salón de actos. Foi unha "animalada de exposición"!! A imaxinación e creatividade das familias non ten límites! Este ano a temática foi sobre animais en perigo de extinción que é a que estamos traballando no noso PDI e a verdade é que todas eran verdadeiras obras de arte. Grazas pola vosa colaboración. Aquí vos deixamos algunhas fotiños delas. 

    

 

    Para conmemorar o Día das Bibliotecas escolares levamos a cabo un acto todos xuntos no salón de actos. Lemos un pequeno manifesto e aproveitamos para presentar algúns libros super-intresantes que se poden atopar na biblioteca e que nos van vir moi ben para o noso PDI deste ano sobre animais en perigo de extinción. Varios nenos e nenas de quinto e sexto encargáronse de falarnos deses libros.

Tamén fixemos entrega do premio do concurso de logos que foi para Lucía de 4º B. Noraboa Lucía!

A continuación fixemos entrega dos diplomas ás portas gañadoras nas diferentes categorías e por último entregamos as mochilas viaxeiras para que xa comecen a súa andaina as vosas casas . A continuación fotos e vídeos da celebración.

      

SOMOS PORTADA de Rbau

O luns 21 de marzo celébrase o Día Internacional do Síndrome de Down e na BIBLIOTECA PÚBLICA DE OURENSE, teñen un acto organizado pola asociación Down Ourense, un contacontos para nenos e nenas de 6 a 12 anos "O cazo de Lorenzo" aberto a todo o mundo.

Será o propio día 21 ás 18:00h.

As prazas son limitadas polo que podedes facer a inscrición nos teléfonos 988 788385/386.

Non volo perdades!!

Chega o Nadal e dende a biblioteca seguimos a traballar no noso proxecto deste ano sobre as cores ("Alucinando cores"). Nesta ocasión para celebrar esta data centrámonos na discapacidade visual. A actividade plantexada xirará en torno aos libros "Cierra los ojos", "El libro negro de los colores" e "Oso" os cales abordan a discapacidade visual e a dificultade que iso conleva para poder apreciar as cores do mundo. Despois de ler e traballar os libros nas clases, elaboramos unhas tarxetas de nadal especiais, xa que tiñan que ser accesibles a persoas con discapacidade visual. Para levar a cabo o traballo contamos coa colaboración de Sandra que dende a Once ofreceunos libros, materiais e xogos que estiveron expostos na biblioteca para que os nenos os puidesen ver e lles fose máis doado realizar depois a súa tarxeta. Ao mesmo tempo, Sandra acompañounos polas aulas dando as explicacións necesarias para a realización das mesmas. Xa por último e para poder facer un traballo máis completo puxo a nosa disposición unha máquina Perkins para quen quixese escribir algunha mensaxe en Braille. Gracias Sandra pola túa colaboración.

Para abordar esta problemática, dende a biblioteca fixemos unha selección de títulos relacionados coa mesma que estarán expostos na entrada da biblioteca para que todo o mundo os poida ver, consultar, ler, etc...

Na entrada da biblioteca xa tedes a vosa disposición unha caixa de suxestións onde podedes deixar títulos ou recomendacións que vos parezan interesantes, ou aquilo que consideredes que pode axudar a mellorar a nosa biblioteca. Tentaremos telas en conta sempre que sexa posible.

O 24 de outubro celébrase o Día das Bibliotecas escolares. Para conmemoralo reunímonos por aulas no patio e Antón e Kiara, dous alumnos de sexto, deron lectura a un manifesto que falaba do importantes que son as bibliotecas e das aventuras que podemos vivir cada vez que entramos nunha delas. A continuación cada unha das aulas amosou a felicitación e leu as palabras adicadas á biblioteca nas que se felicitaba ou se lle daba as grazas por estar de volta despois de estar pechada durante o curso pasado. Neste vídeo podedes ver un resumo da actividade.

Xa está aquí o 23 de abril, unha data sinalada no calendario. Este ano a celebración do Día do Libro xirou en torno ao conto "Que bigotes ,me pasa?" que nos fala de que todos sentimos enfado, calma, asco. alegría, etc e que iso non é malo se sabemos identificar cada unha desas emocións e xestionalas. O personaxe sufre diferentes transformacións segundo a emoción que sinta en cada momento. Por iso cada unha das clases creou o seu propio personaxe en función da emoción que traballou. Xunto a este título, moitos outros relacionados coas emocións están a se traballar en todas as aulas. A vindeira semana algo especial vai suceder: só vos adiantamos que proximamente abrirá as súas portas o museo das emocións...

O passado xoves 4 de febreiro poidemos levar a cabo o acto con motivo do Día da Paz aprazado por motivos meteorolóxicos.  A actividade dinamizada polo equipo de Biblioteca consistiu na lectura e visionado dos contos: "El lazo invisible" e "Los lazos invisibles"  En torno a estes contos xirou o acto en común que levamos a cabo todos xuntos no patio. A idea foi facer visibles os lazos que nos unen con todas as persoas que queremos e para facelo, un globo por aula foi o portador deses fíos. Podedes ver o resultado no vídeo e fotos da seguinte presentación.

O 24 de outubro celébrase o Día das Bibliotecas escolares. Este ano para festexalo todos os nenos e nenas do cole traballamos un conto titulado: "Ata que poidamos abrazarnos" para concienciarnos de que aínda que a pandemia que estamos a vivir nos impide demostrarnos o cariño como nos gustaría, hai moitos outros xeitos de dicirlle a alguén que nos importa. Ourizo e tartaruga, os protagonistas desta historia botan man da imaxinación para atopar diferentes xeitos de dicirse que se queren. E ao igual ca eles todos os nenos e nenas do cole fixeron a súa aportación cuns bonitos debuxos que quedan recollidos neste vídeo.

Hoxe 30 de xaneiro celebramos o Día Escolar da Paz e non violencia cunha homenaxe a persoa de Wangari Maathai, primeira muller africana en recibir o Premio Nobel da Paz en 2004, pola súa contribución ao desenrolo sostible, a democracia e a Paz, fundando o Movemento "Cinturón Verde". Duante estas semanas profundizamos na súa historia lendo ou vendo o conto "Wangari e as árbores da Paz". A partir dese conto, os nenos e nenas de 2º A e B e os/as de de 4º B fixeron as súas propias ilustracións. Os compañeiros/as de sexto A e B fixeron a narración e con todo ese material elaborouse o video do conto que podedes ver máis abaixo. Nel tamén aparecen outros traballos que realizaron as demais clases. Hoxe reunímonos todos no salón de actos para o seu visionado. Despois do mesmo, cada neno/a para dar continuidade á iniciativa de Wangari, "plantou" unha árbore cunha mensaxe nun mural coa imaxe de Wangari colocado na entrada á biblioteca. Aquí vos deixamos fotos e vídeos do día de hoxe.

Paralelamente a esta actividade, os alumnos de sexto, xunto cos seus titores presentaron un novo vídeo de sensibilización, enmarcado no Proxecta. Buscaron imaxes nas que se reflexan os efectos das guerras no medio ambiente, pois case sempre á hora de facer balance das mesmas contabilízanse vítimas persoais, sendo o noso planeta a vítima olvidada. Aquí vos queda tamén o vídeo do seu traballo.

O xoves 24 de outubro de 2019, celebramos un ano máis o Día da Biblioteca. Reunímonos no salón de actos e desfrutamos dunha dobraxe que fixeron os compañeiros de sexto dun corto titulado "Unha princesa en apuros" que pretende facernos reflexionar sobre o cambio climático que estamos a padecer, xa que este ano o noso proxecto leva por título "Salvemos o globo". Despois de ensaiar uns cantos recreos conseguiron facer un bo papel que todos aplaudimos. Remataron a súa actuación pedindo a colaboración de todos para acabar con monstro do cambio climático. Para iso cada cada neno/a escribirá unha acción que contribúa a acabar co cambio climático nunha estrela que se pegará na vindeira semana no mural da biblioteca. Aquí podedes ver o vídeo da actividade que rematou cantando o noso himno da biblioteca. Tamén podedes ollar o vídeo orixinal do que fixeron a dobraxe, e tamén as novidades deste mes de outubro!!

Na seguinte presentación deixámosvos algunhas das últimas actividades realizadas no centro por diferentes cursos. Os nenos de 3º, o 30 de abril saíron de excursión a visitar as instalacións de Finsa e de Ambulancias Rodríguez. Os nenos de 1º e 2º disfrutaron dunha sesión de contacontos levada a cabo por Sabela grazas a editorial SM. Pola súa  parte en Infantil levouse a cabo unha actividade de saúde bucodental, na que os pequenos aprenderon a cepillarse os dentes correctamente. E xa para rematar deixámosvos algún exemplo dos traballos realizados con motivo do día do libro. Se pinchades nas imaxes, veredes máis fotos de cada actividade.

Aquí podedes ver un resumo da celebración do Día da Paz. Se pasades de páxina na presentación poderedes ver os vídeos.

E aquí está o Samaín! Un ano máis celebramos o Samaín cunha impresionante exposición de cabazas na que cada ano vos superades máis. Impresionantes! Noraboa a todos os que colaborástedes e grazas pola vosa participación. Ademáis o cole vestiuse para a ocasión cunha decoración de medo. E por suposto a nosa amiga a Bruxa Catuxa visitou de novo aos pequenos do cole, os nenos e nenas de Educaión Infantil, convidándoos a larpeiradas. Pinchade na imaxe nos elementos que se moven e poderedes ver catro vídeos diferentes relacionados con esta celebración. A ver se os atopades!

Este mes celebramos o Día da Biblioteca cunha actividade no salón de actos moi divertida. Tras explicarnos o tema escollido este ano dende Bibliotecas Escolares que é sobre a poesía, e o do centro que xirará en torno a "Alimentación saudable", un grupo de mestras expuxeron no escenario diferentes razóns da importancia da lectura. Ao final cantamos todos xuntos unha canción que fala da importacia de "alimentarnos" saudablemente lendo moitos libros. Pasamos un ratiño moi entretido!

O Día da Paz celebrámolo con diversas actividades que podedes ver na seguinte imaxe premendo nos diferentes elementos.

Dende o equipo de Biblioteca tentamos ir mellorando e conseguindo espazos máis cómodos, atractivos e motivadores para que todos esteades desexando visitala. Un deles é este recuncho para os pequenos do cole, no que non faltan estanterías cos contos propios destas idades idade, unha alfombra e cómodos coxíns para pasar un rato moi agradable entre miles de historias.

Hoxe 24 de outubro celebramos o día das Bibliotecas escolares. No salón de actos realizamos diferentes actividades que podedes ver no seguinte vídeo. Nel recóllense desde ás dos días previos ata as de hoxe.

ÁLBUM DE FOTOS

ÁLBUM DE FOTOS

Como está próxima a data da súa festa, vaise preparando para a súa celebración, e así de bonita loce no noso cole. Que sorte temos!