Unha boa pasta de dentes faise simplemente con catro ingredientes: auga, arxila branca, un chisco de sal e unhas pingas de aceite esencial  do sabor que queiramos. Nós fixémola de limón.

Para que serve cada cousa?

A arxila branca arrastra a suciedade que queda entre os dentes.
O sal elimina as bacterias que se forma cos restos de comida.
O aceite esencial actúa como desinfectante.
A auga é necesaria para mesturar os ingredientes e facer a masa.

Animádevos a facelo na casa, é doado e divertido!

Para ver máis fotografías visita a nosa Galería de fotos

 Logo veu a parte práctica e máis interesante… Fixemos parellas e empezamos doblando doce folios reciclados, que levabamos, facendo coincidir as dobleces todas por un lado.

Suxeitámolos con tres pinzas metálicas e, dun Kit que nos deran a cada parella, sacamos un taco de madeira sobre o que puxemos as follas e cun punzón e martelo… ¡PUM, PUM! fixémoslle catro buracos.  

Déronos a folla do que ía ser a portada: cortámola e tamén recortamos uns rectángulos que ían servir de reforzo nas esquinas.

Tivemos que facer seis buratos máis co punzón e o martelo e logo si: ¡A COSER!. Case ningún sabía pero coa axuda das profesoras e da monitora fómolo facendo: pasar para adiante volta sobre o mesmo e avanzar, logo dar a volta e anudar ben (esto era difícil).

Finalmente co pegamento pegámoslle os rectángulos de reforzo nas dúas esquinas, dobrando ben.