O venres 14 de novembro participamos neste obradoiro ofertado polo Servizo de Normalización Lingüística do Concello de Vigo.
Dun xeito moi ameno Paula, a monitora, achegounos ao coñecemento das plantas aromáticas que, como o seu nome indica, son aquelas que chaman a atención polo seu olor. Entre todos fomos analizando as súas utilidades e tamén aprendendo algunha que outra curiosidade. Por exemplo, sabiades que a menta crece nos lugares onde hai estrugas? Isto débese a que a menta alivia os picores que producen as estrugas.
Chegou o momento de experimentar os olores dalgunhas plantas frescas e tamén doutras secas.
Todos coincidimos en que a que mellor ulía era a herba luisa aínda que tamén o romeu deixaba nas mans un cheiriño estupendo.
Por último, con algunhas delas, elaboramos os nosos propios sacos aromáticos. Mirade como os fixemos:
Que obradoiro máis interesante! Máis imaxes na nosa GALERÍA DE FOTOS |