Aquí tedes a nova obra de arte do noso alumnado. Esta vez foron os alumnos e alumnas de 4º de ESO, coa colaboración dos seus compañeiros de secundaria e guiados polo profesorado dos departamentos de música, plástica e galego así como o equipo de normalización lingüística, os que realizaron este magnífico vídeo para conmemorar o Día Internacional Contra a Violencia Cara Ás Mulleres que se celebra o 25 de novembro. Con este vídeo, alumnos e profesores tratan de sensibilizar á comunidade educativa e a todos aqueles aos que lles chegue a gravación sobre a necesidade de educar en igualdade e de que sexan os homes tamén quen se levanten contra esta lacra que ameaza a practicamente todas as sociedades do mundo.

GRAN TRABALLO RAPACES, RAPAZAS E PROFESORADO!!!!!

ENLACE AO VÍDEO

Hoxe, ademais, realizamos un fermoso acto abrindo a nosa porta violeta...a porta foi construida e decorada polo alumnado de 4º de ESO na materia de Tecnoloxía. Léronse fragmentos de poesías e pegamos as fotos de todos, profes,a lumnos/as e persoal non docente. E AO ENTRAR, LIBEREIME. ESe é o lema deste acto, na espera de que poidamos liberarnos destas actitudes sexistas e da violencia de xénero. Un ano máis traballamos en pro da igualdade.

Os artistas que construiron a porta..

Algúns momentos do acto

Lectura de poemas

O visonado do vídeo foi parte tamén desta conmemoración....

ENLACE Á NOVA NO XORNAL

GALERÍA DE FOTOS

O martes 13 de novembro o alumnado de 3º e 4º de ESO realizou unha saída ao Plató 1000, á Alameda en santiago de Compostela e á Cidade da Cultura.

Visitaron as instalacións da TVG, no Plató 1000 para acadar información xa que dentro do proxecto de centro, o alumnado de 3º terá que elaborar, en Tecnoloxía,  a maqueta dun plató de cine. Visitamos varios platós e recibimos unha moi instructiva charla sobre o proceso de grabación, edición e producción dos programas que se fan neste centro.

Despois nos desprazamos a Santiago, á Alameda para facer unha práctica de identificación de árbores e saimos pitando para o Gaiás onde puidemos desfrutar dunha visita guiada á exposición "Castelao Maxistral"...como "maxistral" foi a explicación do guía que nos trasladou á época da represión franquista e fixo un relato exquisito da relación da obra de Castelao nese momento histórico e político.

GALERÍA DE FOTOS

O martes día 15 de maio celebramos o Día das Letras Galegas cun acto no que se realizaron diferentes actividades. O alumnado de 1º de primaria fixo un repaso pola vida da autora homenaxeada María Victoria Moreno, 2º de primaria cantaron cantigas populares e pandeiradas, 4º, 5º e 6º cantaron cancións populares coa letra adaptada para a ocasión, como non, sobre María Victoria e  tocaron o himno galego, 6º de primaria relatou o conto "A Volta de Fina" e  o alumnado de 2º de ESO tocou o  blues  do "Pantrigo meu amigo" con letras da obra da autora que trataban de imitar a estrutura das cantigas de amigo.

Os alumnos e alumnas de 3º de primaria representaron unha obra con títeres titulada "So coma un can", obra adaptada dun conto en castelán que fala sobre o maltrato animal e trata de sensibilizar ao respecto do tema da adopción, para a que realizaron os diálogos e recibiron a axuda dos seus compañeiros e compañeiras de 5º de primaria que elaboraron as marionetas e repararon o teatrillo. Quedou xenial!!!

E todo isto coa inestimable axuda dos nosos presentadores Xulia e Iago de 4º de ESO.

GALERÍA DE FOTOS DOS TÍTERES

FOTOS DO FESTIVAL NO ENLACE

O luns día 7 de maio, o alumnado de 2º de ESO interpretou a obra "Arboriña de nadal", da que xa desfrutaramos no festival deste ano de Nadal, pero esta vez fíxoo de xeito "profesional": no Teatro Principal de Santiago de Compostela dentro do Certame Teatro Intercentros. Toda unha experiencia!!!. Deixaron o pavillón moi alto porque son uns artistas.

NORABOA GALIÑEIRO!!!!!!!

Na tarde de onte, día 11 de abril, os do "Galiñeiro de 2°ESO" tivemos a inmensa sorte e o pracer de contar no noso ensaio teatreiro co director e actor Fran Godón, que nos ensinou un montón de técnicas para traballar a voz e a expresión corporal. A ver se somos quen de aplicalas o 7 de maio no Teatro Principal (lembrade: ás 12.30. Non faltedes)

O día de Rosalía fixemos un acto e desfrutamos das "rapeiras" Antía Méndez e María Rodríguez que recitaron versos da autora padronesa a ritmo de rap. Despois tocoulle o turno aos diferentes grupos que elaboraron centóns e os recitaron para o resto do alumnado e profesorado.

No enlace podedes ver o VÍDEO realizado polos departamentos de Galego e Debuxo.

Ademais de celebrarmos o Día de Rosalía, quixemos facer reflexionar o noso alumnado sobre a importancia da transmisión xeracional da lingua con motivo da declaración do día 21 de febreiro como “Día Internacional da Lingua Materna”.

Desde o EDL quixemos facer unha especie de “performance” de maneira que a actividade deseñada se fose construíndo pouquiño a pouco coa colaboración de todos. Así, o luns desa semana colocamos no Taboleiro de Dinamización: “DÍA INTERNACIONAL DA”. Enseguidiña comezaron as preguntas e as ocorrencias varias, ata a descuberta do final: LINGUA MATERNA. A partir de aí todo o alumnado foi recollendo nas súas casas e entorno familiar e veciñal palabras e expresións do galego que fosen importantes para eles desde o punto de vista afectivo. Por suposto, para que a cousa fose ben vistosa e colorida, recollemos toda esa riqueza verbal en post –its de cores en forma de corazón.

E que hai do profesorado? Pois é ben doado supoñer o que pasou: “Pero esta actividade é só para alumnos ou tamén podemos participar os profes?” Por suposto, A LINGUA É UN BEN DE TODOS!

Feito o mural e á luz dos últimos datos publicados en relación coa perda de falantes da nosa lingua a causa da falta da súa transmisión xeracional (http://www.crtvg.es/informativos/a-rag-advirte-dunha-quebra-na-transmision-do-galego-as-xeracions-mais-novas-3654310) cumpría unha fonda reflexión:

“Quedou BEN BONITO o mural, non si?  Pois LEMBRA que as palabras, as LINGUAS, NON VIVEN en papeliños de cores.”

E que hai das nais e pais, avoas e avós, irmás, tíos... ? Por suposto, tamén podedes participar desta actividade. O único que debedes facer é entrardes no Facebook de Dinamización (o noso “Eusebio”) e deixarnos nos comentarios da publicación as vosas palabras e expresións.

QUE CONTINÚE A SEMENTEIRA!

Nos enlaces poderedes ver fotos das dúas actividades:

DÍA DE ROSALÍA

DÍA INTERNACIONAL DA LINGUA MATERNA

O pasado venres 16 de febreiro o alumnado de 3º e 4º de ESO asistiu a unha sesión celebrada no Auditorio de  Padrón da man do gran contador (ademais de actor e director de teatro) Quico Cadaval que nos deleitou con historias novas e antigas das que desfrutamos xunto co alumnado de 3º e 4º de ESO do IES Camilo José Cela desta mesma localidade.

A actividade foi organizada polo Departamento de Dinamización da Lingua Galega.

Foi unha hora e media (case dúas) de risas e aprendizaxe. Gracias Quico pola túa arte e por ternos adicado ese tempo a todos nós!!

Aquí tedes un VÍDEO da versión adaptada do conto de Carlos Casares  "A Galiña Azul" interpretada polo alumnado de 1º de ESO......Esperamos que vos guste!!!

IMAXINA ....que espertases o día de mañá e NINGUÉN ao teu redor falase galego.....

O vídeo realizado pola coordinadora de Normalización Lingüística co alumnado de primaria.

ENLACE AO VÍDEO

No ENLACE podedes ver o vídeo feito no noso centro para conmemorar o Día de Rosalía e que leva por título "A Sombra de Rosalía".

NORABOA A TODOS OS PARTICIPANTES  E AO EQUIPO DE PROFESORADO RESPONSABLE  DO MESMO

Esperamos que vos guste!!!