Este ano, coma en anos anteriores, o alumnado de ESO participou no concurso de poesía matemática organizado polo Departamento de matemáticas e que ten como tema principal,  aparte das mates, a  temática do proxecto anual de  centro "As Emocións".

Tras unha longa deliberación para decidir que poemas serían os gañadores, as profes membros do departamento, chegaron á conclusión de que deberían ser premiados seis dos escritos máis destacados.

Os poemas gañadores foron os seguintes:

NORABOA GAÑADORES!!!!

E tamén noraboa a todo o alumnado participante. Podedes ver todos os poemas no enlace:

ENLACE AOS POEMAS

O alumnado de 3º de ESO colocou as maquetas elaboradas ao longo dos dous primeiros trimestre no patio interior para que os seus compañeiros/as da etapa de primaria poideran achegarse a velas. As visitas á exposición foron guiadas, non polo propio alumnado de ESO como nos gustaría debido á situación de pandemia, pero sí pola profesora de tecnoloxía.

Afloraron emocións ...moitas, sobre todo sorpresa e  ledicia. O alumnado máis novo foi quen de interpretar as emocións que as maquetas expresaban e tamén de aprender cousas novas.

GALERÍA DE FOTOS 

Tamén se animaron os de 1º e de 2º de ESO....son previsores, xa se van poñendo ao día co que lles vai tocar o vindeiro curso.

Tentando recuperar unha das fermosas tradicións galegas, o alumnado de primaria elaborou un maio con xestas e flores. A estrutura para o mesmo foi construída polo alumnado de secundaria e, unha vez decorada, colocarase no patio de herba onde os compañeiros/as de secundaria recitarán as coplas correspondentes creadas por eles e elas mesmos.

Mañá publicaremos o resultado final co recitado......ata entón unhas imaxes da elaboración da marabillosa obra

Mañán, o resto.....

POIS AQUÍ ESTÁ!. No enlace teredes acceso á publicación no Facebook do cole para poder ver os vídeos do recital. Desexamos que os desfrutedes!!

ENLACE AO FACEBOOK

Nas clases de E.Física tamén nos interesamos polas emocións que se sinten ao longo da clase, por iso propuxemos un emocionómetro para valorar os resultados.

Se nos fixamos nas fotos realizadas ao finalizar a sesión desta semana podemos darnos por satisfeitos.

Aínda que hai que velar por esas "caídas" que nos fan sentir vergoña.

Tendo en conta a situación social e sanitaria e á vista do estado emocional do noso alumnado, decidimos realizar unhas sesións "antiestrés" para permitir que os nosos alumnos/as tiveran a oportunidade de  realizar actividades de saúde emocional. Nestas sesións, leváronse a cabo actividades nas que se mostraron sentimentos e emocións e que permitiron rebaixar, en certo modo, a tensión acumulada ao longo do curso.

Da man de Antía Vidal Salgado, actriz e licenciada en INEF, desfrutaron representando, rindo e liberando estrés. Encantoulles!!!...esperamos repetir.

Grazas Antía pola túa colaboración!!!

GALERÍA FOTOS

Este curso, coma en cursos anteriores, o Departamento de Matemáticas organiza co alumnado de secundaria o concurso de Poesía Matemática.  Xa imos pola VIII edición  e segue  a ser un éxito entre o alumnado.

Tamén coma sempre, os concurso ten como temática a escollida para o proxecto de centro que, como xa sabemos, este ano versa sobre as  emocións e forma parte do noso proxecto de centro " PERSENSAMOS DODRO".

Os gañadores deste ano son:

1º PREMIO     “Tristeza”   XIÁN RIAL 2º ESO B       (foto nº 2)

2º PREMIO      “A soidade ,tempos de pandemia”    ANTÍA OTERO 3º ESO A      (foto nº 19)

3º PREMIO      “Coordenadas perdidas no Mediterráneo”     ALBA ROMERO 4º ESO       ( foto nº 27)

NORABOA A TOD@s !!!...e noraboa tamén pola calidade das fotografías, realmente houbo varias que nos entusiasmaron, pero só podía ser tres as premiadas.

Antes das vacacións teredes os vosos agasallos!

Nos enlaces podedes ver as bases do concuros, a listaxe de participantes,e as fotos presentadas:

LISTAXE DE PARTICIPANTES

FOTOS CONCURSANTES

E a foto dos gañadores unha vez recibiron o agasallo...aínda que non se aprecie por levaren máscara, están sorrindo

Xa temos lista a nosa maquiniña de recolleita de emocións ao finalizar a clase de E.F. Agradecemos a Ana a súa colaboración, pois deixounos unha máquina "profesional".

 Se observamos a resposta despois da primeira sesión de uso podemos darnos por satisfeitos. Continuaremos completando cada día.

E por fin chegou o gran día! O día da degustación.

Onte baixamos ata o horto en grupos e apañamos o que había comestible: un brócoli marabilloso, ravos, mizuna e algunha que outra cenoria.

Con estes ingredientes preparamos uns canapés saudables e riquísimos cos que convidamos a todo o alumnado e profesorado de primaria. Velaquí algunhas fotos de todo o proceso, realizado coas máis estritas normas de sanidade e seguridade: momento da selección e colleita, confección dos canapés coa axuda do alumnado voluntario de 5º e 6º, mostra da presentación dos mesmos e degustación.

A actividade serviu para desfrutar dos alimentos saudables cultivados no noso horto e tamén para observar as propias emocións adquirindo o gusto por sabores novos.

GALERÍA FOTOS

Para conmemorar o Día de Rosalía organizamos varias actividades.

Unha delas foi a elaboración de pequenos libros con poemas escritos polo alumnado do centro e baseados nos da nosa autora galega á que se lle adica o día 24 de febreiro. Estas marabillas foron expostas no patio de primaria baixo as tellas de Rosalía.

Cos poemas elaborouse un vídeo no que podemos ver ao noso alumnado recitando os poemas.

VÍDEO RECITADO POEMAS

Tamén tivemos o pracer de escoitar unha muiñeira e unha laborada interpretada por un grupo de alumnos e alumnas de primaria e de secundaria. Sumámonos con isto á iniciativa de "Alboradas a Rosalía" organizada pola Fundación Rosalía de Castro ( máis información sobre a actividdae da Fundación no enlace https://rosalia.gal/que-facemos/proxectos/alboradas-a-rosalia/ ).

VÍDEOS

FOTOS

Tamén podedes acceder ao Facebook de "O Noso Eusebio" no enlace:

FACEBOOK O NOSO EUSEBIO

Hoxe celebramos, dentro das posibilidades que nos ofrece o coronavirus e respectando todas as medidas de seguridade, o festival de Entroido  2020-2021. Coma sempre , os disfraces estaban relacionados co proxecto de centro que este curso ten por título " PERSENSAMOS DODRO" e que ten como temática as emocións.

Debido á dificultade de realizar certas actividades nas aulas, os disfraces non puideron ser confeccionados no centro, co que cada alumno/a e as súas familias  fixeron o esforzo de se disfrazar pola mañán na casa. O resultado foi unha variedade de vestimentas que aportou un fermoso colorido.

Houbo baile e risas e moitas, moitas emocións!!.

Grazas a toda@s pola colaboración.

GALERÍA DE FOTOS