Escola Oficial de Idiomas de Viveiro Luz Pozo Garza

Os cursos de competencias lingüísticas están adicados a reforzar determinadas destrezas comunicativas, neste caso, as destrezas orais da lingua inglesa. Ademais, están divididos en diferentes niveis (de B1 a C2) para axustarse ás diferentes necesidades do alumnado. 

Na sección de Burela ofértanse dous niveis (B1 e B2) e na EOI de Viveiro ofértanse catro niveis (B1, B2, C1 e C2). En todos os casos son cursos de 60 horas de duración e impártense nunha única sesión semanal de dúas horas.

Deberás acreditar o nivel inferior para poder matricularte. Se cursaches inglés como primeiro idioma, o título da ESO dáche acceso ao B1 e o actual título de bacharelato dáche acceso ao B1 ou a B2.1 (podes escoller).

Para matricularte nestes cursos, debes cubrir o impreso de matrícula e entregalo, xunto co resgardo de ter pagado as taxas e, de ser necesario, o resto da documentación. Podes descargar o impreso nos seguintes enlaces:

• Impreso de matrícula na sección de Burela.
• Impreso de matrícula na EOI de Viveiro.

A presentación da documentación para a formalización da matrícula na secretaría farase telematicamente, no enderezo web matriculaeoiviveiro@gmail.com . Este é o único correo válido para presentar a documentación de matrícula por competencias na escola, e non é válido para realizar ningún outro trámite,  como preguntas xerais sobre prazos e trámites de matrícula. No caso de non poder realizala por este medio, poderás presentala fisicamente na secretaría da escola en Celeiro.

O prazo para matricularse nestes cursos de competencias lingüísticas é do 17 ao 21 de xullo de 2023. 

Pincha aquí para ver o que di a RESOLUCIÓN do 16 de maio de 2023 da Dirección Xeral de Formación Profesional, que regula o proceso de preinscrición, admisión e matrícula.