Dinamización Lingüística

Animate a participar na segunda edición do Certame literario Loureiro: Aconteuceu no Couto.

Trátase dunha actividade promovida pola Asociación de Veciños Loureiro en colaboración coa EPAPU Ourense, o IES O Couto e o Colexio Santo Ángel. Os relatos deben estar redactados en galego, ter unha extensión en torno ao folio e medio e, o máis importante, estar ambientados no barrio do Couto. Calquera dúbida pódecha aclarar o teu profesorado.

O pasado martes dezasete deste mes no Proxecto Home tivemos unha xuntanza cunha parella de novos escritores que nos introduciron no difícil e interesante mundo da creación literaria narrando as súas propias experiencias tanto na produción como na edición de obras...dous aspectos descoñecidos e sorprendentes para os que alí nos atopábamos. Todo transcorreu nun clima agradable e participativo.....que esperamos volver retomar nalgún momento.

Moitas grazas Xabier e Alba.....

Tras unha disputada elección, xa temos os cartaces gañadores da edición 2022 do concurso de debuxo terrorífico organizado polo Equipo de Dinamización da Lingua Galega da Epapu de Ourense co gallo do Samaín. Moitisimas grazas ao grande número de participantes que coas súas creaccións encheron de terror o taboleiro da Epapu. Merecida noraboa tamén aos que acadaron un recoñecemento nesta edición. 

Como se indica no cartaz, a cerimonia de entrega de premios terá lugar o vindeiro venres 28 de novembro, véspera de Samaín, ás 19:30 da tarde. Aquí tedes unhas imaxes dos cartaces premiados, dos gañadores e unha mostra da numerosa participaron nesta edición.

Tralo inicio do curso a nosa BiblioEPA, en colaboración co Equipo de Dinamización da Lingua, retoma o desenvolvemento das primeiras actividades deste ano académico. Para abrir boca teremos unha interesante charla-coloquio coa mestra e politica ourensá Carmen Iglesias Sueiro. Será o vindeiro martes 18 de outubro de 19:30 a 20:15.

Posteriormente, o 26 de outubro, en doble sesión de mañá, na nosa escola de 11:50 a 12:40, e de tarde no Proxecto Home. O alumnado tera a oportunidade de coñecer á autora Ana Vila Portomeñe, poeta e labrega da parroquia de Meixonfrío, Taboada (Lugo). Autora de, entre outras obras: "Latexos dunha labrega", "Pintasías. Poesías e debuxos" e "Sentidos nunha aldea" ademais dunha variada obra colectiva.