Dinamización Lingüística

Dende o equipo de Dinamización da Lingua Galega da Epapu de Ourense queremos felicitar as alumnas que participaron na Olimpíada Filosófica deste ano. O EDL encargouse de traducir e correxir a disertación e os escritos que acompañaron ás producións das alumnas. Non conseguiu clasificarse a alumna de 1º de Bac Filipa Magalhaes aínda que para nós é unha auténtica campioa coa fotografía marabillosa que acompaña esta entrada. No caso da Disertación na que tamén presentamos un traballo SI QUE NOS CLASIFICAMOS!! Parabéns a nosa Correspondentes Da Epa Jennifer Taboada Expósito que resultou seleccionada para representar ao noso centro na defensa pública do seu traballo na Facultade de Filosofía de Santiago de Compostela. PARABÉNS ÁS DÚAS FILÓSOFAS DESTE CENTRO.

TRANSLINGUANDO OS VERSOS DE ROSALÍA

Neste curso en colaboración co Equipo de Dinamización da Lingua Galega e todos os Departamentos da EPAPU de Ourense quixemos destacar a forza inclusiva e formadora que teñen de seu as aulas do noso centro. Nelas alumnado de todas as idades, formación e nacionalidade comparten espazos de creatividade dos que xorden iniciativas coma esta que vos presentamos co gallo da celebración do día de Rosalía. Temos alumnado francés, mongol, paquistaní, indi, norteamericano, brasileiro, chino, senegalés, alxeriano, marroquí, suramericanos, afgano... Falamos en todas as linguas e en todas elas "translenguamos" á nosa poeta máis destacada. A partir de hoxe e durante 15 días iremos subindo ao BLOG DE DONAS DE SI os audios co poema "Adios ríos, adios fontes" lidos polo alumnado da EPAPU de Ourense na súa lingua materna, acompañaremos cada un deles cun cartel no que se poderá ler, observar a súa letra e escoitar a través dun QR como soa. Grazas a todos e todas pola vosa colaboración.

O vindeiro 30 de Xaneiro é o día mundial da paz e non violencia. Para conmemoralo, animámosvos a participar na actividade TINTA POLA PAZ deseñando unha tatuaxe alusiva á paz. O mellor deseño será editado nunha calcomanía!!

Na Epa andamos a montar un Belén colaborativo. Alí cabe de todo, non pechamos a porta a ninguén; iso sí, ten que ser feito a man, de reciclaxe, con materiais naturais...o que vos guste.

Escolma dos relatos presentados polo alumnado da Epapu de Ourense co gallo da celebración do noso Samaín:

Moitas grazas aos docentes e alumnos que participaron nesta tarefa