Con data 16 de maio de 2017, publícanse no D.O.G. as instrucións para levar a cabo as probas que valoren o grao de adquisición das competencias matemática, lingüística e social e cívica, e que se celebrarán os días 23 e 24 de maio.
Esta avaliación terá carácter mostral e finalidade diagnóstica, con vistas á mellora da calidade e equidade do sistema educativo.
Nas probas repartiranse cadernos de alumnado (para cada unha das competencias) e cadernos de contexto para as persoas titoras, a dirección do centro, o alumnado e as familias.
As probas serán aplicadas e corrixidas por profesorado que non imparta docencia ao alumnado avaliado.
