Durante estas semanas, a partir do 11 de maio, o noso centro estará aberto en horario de 10.00 a 12.00 h.

O departamento de orientación envíavos uns cantos consellos para este tempo de confinamento. Podedes acceder dende aquí.

Hoxe saíron as instruccións definitivas da Consellería de Educación de Galicia para a avaliación, promoción e titulación neste curso 2019/20. Podedes velas no ficheiro adxunto.

Mañá martes 28 de abril celebramos o día da EF na rúa, que este ano pasa a ser " na casa". Os profesores de EF da Mariña xuntámonos para vivilo por todo o alto e queremos invitarte a participar tamén convirtíndote en olímpic@ por un día...anímaste a pasar a antorcha?

Fai clic aquí para ver as instruccións.

Como xa sabedes todos, dende este luns, moitos profesores están utilizando unha nova plataforma para comunicarse con vós: a AULA VIRTUAL.

Na parte superior esquerda desta páxina web tedes acceso.

Esperamos que nos sexa moi útil neste tempo que queda para rematar o curso 2019/20.

Como xa saben, acaba de aprobarse unha nova prórroga do estado de alarma: ata o 26 de abril.

Manterémolos informados de calquera novidade educativa que se produza neste tempo.

Comunicámoslles que a sesión da segunda avaliación celebrarase o vindeiro mércores 1 de abril ás 11.00 h. A partir dese intre, os pais que estén dados de alta en Abalar poderán ver as cualificacións dos seus fillos. Dende ese día e ata o venres 3 de abril, enviaranse os boletíns de notas ás familias a través de Abalar, correo electrónico ou ordinario, segundo sexa o caso.

As posibles reclamacións poderanse realizar os dous primeiros días da volta ao centro.

Manterémolos informados de calquera novidade.

O estado de alarma amplíase quince días máis dos prospostos nun inicio: ata despois de Semana Santa. Mentres o centro estará pechado.

Tras a aprobación do decreto de estado de alarma e as medidas indicadas pola Xunta de Galicia, o noso centro estará pechado durante catorce días naturais, a partir do luns16 de marzo.

En todos os centros educativos de Galicia suspendéronse as clases dende o luns 16 de marzo, durante catorce días, como medida preventiva frente ao coronavirus. Mañá venres 13, os centros estarán abertos, pero non será obrigatoria a asistencia, de feito, recoméndase non acudir. Os exames que estiveran marcados para mañá poderanse realizar á volta. 

Ata o momento non temos máis indicacións, cando teñamos máis novas ou directrices a seguir polo alumnado, comunicarémolo a través desta páxina e da ANPA.